Təqvim
Xaricdəki ziyalılar: həmişə dövlətimizin, ordumuzun, əsgərimizin yanındayıq
21 avqust 2020 - 13:54

Ermənistanın Tovuz təxribatları zamanı ordumuza dəstək olan Azərbaycan diasporu da qarşı tərəfə istər keçirilən aksiyalarda, istərsə də qlobal platformalardakı informasiya savaşında layiqli cavabını verdi və göstərdi ki, artıq güclü Azərbaycan dövlətinin güclü diasporu da var. Bu gün dünyanın ən nüfuzlu elm ocaqlarında, təhsil mərkəzlərində, nüfuzlü şirkətlərdə azərbaycanlı alimlər, mütəxəssislər çalışır, yaşadıqları ölkələrin elminə və mədəniyyətinə xidmət göstərir, eyni zamanda Azərbaycan həqiqətlərini təbliğ edir, ümumilli məsələlərdə birlik və həmrəylik nümayiş etdirirlər.

“Xaricdə yaşayan minlərlə azərbaycanlı ruhu və qəlbi ilə sizin yanınızdadır”

Azərbaycanın xalq rəssamı, hazırda Almaniyada yaşayan Əşrəf Heybətov deyir ki, Ermənistanın Tovuza hücumu, qəhrəmanlarımızın ölümü azərbaycanlıların əksəriyyətinin mlli şüurunu oyandırdı, minlərlə insan küçələrə axışıb təcavüzkar düşmənin cavabını verməyi tələb etdi. Mən soydaşlarımıza demək istəyirəm ki, xaricdə yaşayan minlərlə azərbaycanlı da ruhu və qəlbi ilə sizin yanınızdadır.

Sabah müharibə başlasa, əminəm ki, vətənimizdən uzaqda yaşayan bir çoxumuz gəlib torpaqlarımız uğrunda vuruşacağıq. Ermənitsanın iyul təxribatından sonra Azərbaycanda və xaricdə soydaşlarımızın göstərdiyi birlik, həmrəylik, mütəşəkkillik bir daha sübut etdi ki, xalqımız Qarabağı geri qaytarmaq əzmindədir. Dövlətimizin başçısı, Ali Baş Komandan, xalq və ordu birləşərək Qarabağ torpaqlarının azad edilməsi və işğalçılardan təmizlənməsini səbirsizliklə gözləyir. Zor və qanla işğal edilmiş torpaqlarımızı təəssüf ki, elə güc və qanla da geri qaytara bilərik. Əgər sabah müharibə başlasa xalqımız qan axıdılacağını, qurbanlar verəcəyini bilir, amma BİZ QALİB GƏLƏCƏYİK!”

 

“Azərbaycan diasporu Qarabağ həqiqətlərinin dünya ictimaiyyətinə çatdırılmasında çox böyük rol oynayır”


Ukraynada texnika elmləri doktoru, professor, Xarkov Milli Radioelektronika Universitetinin prorektoru Murad Ömərov: “2001-ci ildə Dünya Azərbaycanlılarının I Qurultayında ulu öndər Heydər Əliyevin tövsiyələrini əsas tutaraq Azərbaycan diasporu dünyanın müxtəlif ölkələrində daha yüksək səviyyədə təşkilatlanmağa başladı. 2002-ci ildə yaradılmış Diasporla İş üzrə Dövlət Komitəsi isə bu proseslərə böyük təkan verdi. Artıq 2020-ci ildə püxtələşmiş, təşkilatlanmış Azərbaycan diasporu tarixi Vətəndə gedən proseslərə, Dağlıq Qarabağ probleminə lazımi reaksiya verir və Azərbaycan həqiqətlərinin dünya içtimayətinə çatdırılmasında çox böyük rol oynayır. Tovuz döyüşləri zamanı biz bir daha soydaşlarımızın bu reaksiyasının şahidi olduq. Dünyanın müxtəlif ölkələrində, o cümlədən, Amerika və Avropada Azərbaycan diaspor təşkilatlarının çoxsaylı etiraz mitinqləri dünya içtimayətinin diqqətini cəlb etməyə məcbur etdi. Ukraynanın bir neçə böyük şəhərində, o cümlədən Xarkovda Azərbaycanın Fəxri Konsulluğunun qarşısında aksiya keçirildi. Çıxış edənlər Ermənistan hərbiçilərinin Tovuz rayonu ərazisində törətdiyi təxribatı qəti şəkildə pisləyərək Azərbaycan həqiqətlərini Xarkov ictimaiyyətinə çatdırdı.


Biz əminik ki, dövlətimizin apardığı müdrik siyasət nəticəsində doğma Qarabağımız tezliklə erməni işğalından azad olunacaq. Həmişə dövlətimizin, ordumuzun, əsgərimizin yanındayıq və hər cür dəstək verməyə hazırıq”.

“Qarabağ məsələsi vicdanı olan hər bir azərbaycanlının dərdidir”
Türkiyənin Kahramanmaraş Sütçü İmam Universitetinin siyasi elmlər və beynəlxalq əlaqələr fakültəsinin dekanı, professor Toğrul İsmayıl hesab edir ki, Azərbaycanın Tovuz rayonuna Ermənistanın hücumu bir daha bu ölkənin məkrli siyasətini ortaya qoydu: “Belə təxribatçı hücum əslində Ermənistan tərəfinin bölgədə sülh, əməkdaşlıq və əmin-amanlıq yerinə vəziyyəti gərginləşdirmək, yeni müharibə məkanları yaratmaq və ən önəmlisi isə öz işğalçı niyyətlərindən vaz keçmədiyini ortaya qoydu. Tovuz rayonu Dağlıq Qarabağdan 100 kilkometrlərlə uzaqda yerləşir və birbaşa sərhəddi yoxdur. Əgər beynəlxalq ictimaiyyətin fikrini Dağlıq Qarabağ münaqişəsinin həlli məsələsinə yönləndirməyə çalışırsa, açıq şəkildə demək lazımdır ki, çox uğursuz addımdır.

Düşmənin niyyəti baş tutmadı, çünki Azərbaycan daha hazırlıqlı, daha mütəşəkkil hərbi texnikaya və digər imkanlara sahibdir. Diqqət edirsinizsə Azərbaycan sadəcə bu nöqtədə hadisələri sakitləşdirməyə çalışdı, yəni bəhanə edib Dağlıq Qarabağ ərazisində geniş hücuma keçmədi. Bu da Azərbaycanın məsələnin sülh yolu ilə həllinə çalışmasının sübutudur.


Harada yaşamağımızdan asılı olmayaraq, Azərbaycan torpaqlarının azad edilməsini, Azərbaycanın ərazi bütövlüyünün bərpa edilməsini beynəlxalq ictimaiyyətdən və ya beynəlxalq hüquq tərəfdarlarından tələb edirik. Əgər biz bölgədə sülh və sabitlik istəyiriksə, Qarabağ məsələsi təcili şəkildə həlli vacib şərtlərdən biridir. Bu da təbii ki, Azərabycanın ərazi bütövlüyü çərçivəsində həll olunmalıdır. Qarabağ məsələsi ümummillli məsələdir, Qarabağ məsələsi Azərbaycan xalqının ortaq problemidir. Qarabağ məsələsində iqtidar-müxalifət yoxdur. Qarabağ məsələsində əslində Vətəndən uzaqda, yaxında yaşamaq məsələsi yoxdur. Qarabağ məsələsi vicdanı olan hər bir azərbaycanlının dərdidir, problemidir və bir an öncə həll olunması üçün əlindən gələni etməlidir. Son hadisələr də göstərdi ki, artıq Azərbaycan xalqı məsələnin həllini istəyir. İstər Türkiyədə olsun, istər Rusiyada, Amerika, Avropanın hər hansı bir ölkəsində olsun azərbaycanlılar dinc etiraz səslərini yüksəltdilər.

Təbii ki, ermənilərin təxribatçı əməlləri bu ölkələrdə də sürdü. Bunu gördük. Amma bir daha təkrar edirik məsələnin sülh yolu ilə həlli bizim tələbimizdir. Əks halda inanırıq ki, Azərbaycan dövlətinin bu torpaqları hər vasitə ilə azad etmək, təmizləmək haqqı və imkanı vardır”.

Sosial şəbəkələrdə paylaş:
Kateqoriya:
HUQUQ, QHT
Mehriban Əliyevadan cəbhədəki vəziyyətlə bağlı PAYLAŞIM 16:13, 27 sentyabr 2020
Milli Məclis hərbi vəziyyətlə bağlı qərar qəbul etdi (YENİLƏNDİ) 16:10, 27 sentyabr 2020
...şəhərləri və qəsəbələri tərk etməyə, Ermənistan ərazisinə keçməyə çağırıram -Nikol Paşinyanın ermənilərə çaxırışı 16:05, 27 sentyabr 2020
Azərbaycan və Misir arasında turizm əlaqələri genişləndirilir 16:03, 26 sentyabr 2020
Ermənilər Paşinyan üçün tabut hazırladılar -FOTO 16:01, 26 sentyabr 2020
Bahar Muradova: "Hər kəsə aydındır ki, Tovuz təxribatının məqsədi..." 15:57, 26 sentyabr 2020
“Dağlıq Qarabağ regionuna səyahət etməyin,” səfirliyin... Üzeyir Cəfərov araşdırır 15:54, 26 sentyabr 2020
Nə baş verir? Əkbər Qoşalı yazır 15:52, 26 sentyabr 2020
Müharibə üçün 25 ilin fürsəti - Xalq “VUR!” əmri gözləyir 15:47, 26 sentyabr 2020
46 yaşında Bakı Ali Neft Məktəbini seçdi 16:22, 25 sentyabr 2020
Kiçik Körfəzin su akvatoriyasında qanunsuz balıq ovlayan şəxs saxlanılıb 16:20, 25 sentyabr 2020
Soydaşımız Estoniyada siyasi partiyanın həmsədri seçilib 16:19, 25 sentyabr 2020
“Azərbaycan mədəniyyətinin təbliğində Heydər Əliyev Mərkəzlərinin rolu” adlı onlayn konfrans keçiriləcək. 16:17, 25 sentyabr 2020
Bakıda zəngin ailədə qətl - İNANILMAZ FAKTLAR/FOTOLAR 16:15, 25 sentyabr 2020
Ədliyyə Akademiyasında ilkin hazırlıq kursunu bitirmiş mediatorların iştirakı ilə tədbir keçirilib 16:13, 25 sentyabr 2020
Gülağa Tənha "Dərdin nazını çəkmə" adlı kitabın təqdimatı. Çıxışçı: Əməkdar artist Əbülfət Oğuz15:12, 25 sentyabr 2020
Gülağa Tənha "Dərdin nazını çəkmə" adlı kitabın təqdimatı. Çıxışçı: Nahid Hacızadə14:33, 24 sentyabr 2020
Tütün və tibbi məmulatlar aşkar edilib 10:18, 24 sentyabr 2020
BDU ölkədə təhsil islahatlarının həyata keçirilməsində önəmli rol oynayır 10:16, 24 sentyabr 2020
Dağıstanda həbs olunan azərbaycanlılarla bağlı açıqlama 10:14, 24 sentyabr 2020
 

Bütün hüquqlar qorunur © 2020

Haqqıımızda | Saytda reklam | Bizimlə əlaqə