Təqvim
Prezident İlham Əliyev paytaxtın Bakıxanov qəsəbəsində Gənclər Mərkəzinin açılışında iştirak edib (+FOTOLAR)
14 dekabr 2018 - 13:54

Azərbaycan Respublikasının Prezidenti İlham Əliyev Bakının Sabunçu rayonunun Bakıxanov qəsəbəsində yeni inşa olunmuş Gənclər Mərkəzinin açılışında iştirak edib.

Sabunçu Rayon İcra Hakimiyyətinin başçısı Adil Vəliyev görülən işlər barədə dövlətimizin başçısına məlumat verdi.

Gənclər Mərkəzi yenidən qurulan istirahət parkında yerləşir. Ümumi ərazisi 2,3 hektar olan parkda yenidənqurma işlərinə 2014-cü ilin sonunda başlanılıb. Bu istirahət mərkəzinin ərazisində idman meydançası və açıq havada müxtəlif mədəni tədbirlərin keçirilməsi üçün səhnə quraşdırılıb. Parkda inşa olunan Gənclər Mərkəzinin üçmərtəbəli binasının qarşısında ümummilli lider Heydər Əliyevin abidəsi ucaldılıb.

Dövlətimizin başçısı ulu öndər Heydər Əliyevin abidəsi önünə gül dəstəsi qoydu.

Sonra Prezident İlham Əliyev Gənclər Mərkəzinin rəmzi açılışını bildirən lenti kəsdi və burada yaradılan şəraitlə tanış oldu.

Məlumat verildi ki, Mərkəzin ümumi sahəsi 5800 kvadratmetrdir. Mərkəzin yüksək zövqlə inşa edilən binasının interyeri müasirliyi ilə seçilir. Burada 300 yerlik böyük konfrans zalı yaradılıb. Zalda rayonun ictimai-siyasi, mədəni həyatı ilə bağlı əlamətdar tədbirlərin keçirilməsi üçün hər cür şərait mövcuddur.

Gənclər Mərkəzində Heydər Əliyev Muzeyi fəaliyyət göstərəcək.

Azərbaycan tarixində müstəsna xidmətləri olan ulu öndər Heydər Əliyevin xatirəsinin əbədiləşdirilməsi məqsədilə ölkəmizdə silsilə tədbirlər keçirilir. Gənclər Mərkəzində Heydər Əliyev Muzeyinin yaradılması Ulu Öndərin zəngin və çoxşaxəli irsinin gənclər arasında təbliğində və öyrənilməsində mühüm rol oynayır. Muzeydə Ümummilli Liderin həyat və fəaliyyətinin müxtəlif dövrlərini əks etdirən fotolar və eksponatlar var. Burada, həmçinin Ulu Öndərin çoxşaxəli siyasi fəaliyyəti nəticəsində Azərbaycanın beynəlxalq aləmdə nüfuzunun möhkəmləndirilməsi, müstəqilliyin ilk illərində ölkəmizdə vətəndaş müharibəsinin qarşısının alınması, iqtisadiyyatın ağır böhran vəziyyətindən çıxarılaraq inkişaf yoluna qədəm qoyması, qüdrətli ordu quruculuğu istiqamətində həyata keçirilən mühüm tədbirləri əks etdirən fotolar və sənədlər nümayiş olunur.

Gənclər Mərkəzində virtual atıcılıq otağı, foto, rəsm, dizayn və poliqrafiya studiyaları, fortepiano, rəqs və intellektual oyun zalları yaradılıb. Burada, həmçinin kiçik konfrans zalı, gənclik kafesi, kompüter, xarici dil kursları, linqafon kabineti, şahmat otağı, virtual sinif var. Mərkəzdə 90 yerlik kinozal və elektron kitabxana da gənclərin ixtiyarına veriləcək. Bundan başqa, burada nikah zalları da yaradılıb.

Bu cür müasir Gənclər Mərkəzinin inşası bir daha sübut edir ki, ölkəmizdə gənclər siyasətinin reallaşdırılması istiqamətində görülən çoxşaxəli tədbirlər ardıcıl xarakter daşıyır. Ümummilli lider Heydər Əliyevin adı ilə bağlı olan dövlət gənclər siyasətinin davam etdirilməsi Prezident İlham Əliyevin fəaliyyətində mühüm yerlərdən birini tutur. Bu gün ölkəmizdə gənclərin vətənpərvərlik, dövlətçilik prinsiplərinə, həmçinin tarixi-mədəni keçmişimizə, milli-mənəvi dəyərlərimizə rəğbət ruhunda tərbiyə olunması prioritet istiqamətlərdəndir.

Sabunçu rayonunda Gənclər Mərkəzinin inşa edilməsi bu gün ölkəmizdə Prezident İlham Əliyevin tapşırıq və tövsiyələrinə uyğun olaraq, gənclərin intellektual və yaradıcı potensialının üzə çıxarılması, onların fəallığının artırılması istiqamətində məqsədyönlü layihə və proqramların ardıcıl xarakter aldığını göstərir.

Sosial şəbəkələrdə paylaş:
“Heydər Əliyev irsi elmimizin qarantıdır” mövzusunda II Respublika şagird konfransı keçirilib (+FOTOLAR) 08:55, 20 may 2019
Prezident İlham Əliyev və birinci xanım Mehriban Əliyeva Ümumrusiya Bədii Gimnastika Federasiyasının prezidenti ilə görüşüblər (+FOTOLAR)16:04, 18 may 2019
Gülağa Tənha " Birlik olarsa məsələlər daha tez həll yolunu tapar " (+VİDEO)14:55, 18 may 2019
Türkdilli Dövlətlərin Ticarət və Sənaye Palatası yaradıldı (+FOTOLAR) 20:02, 17 may 2019
18 may Beynəlxalq Muzeylər Günü ölkəmizdə təntənəli şəkildə qeyd olunacaq (+FOTO) 19:39, 17 may 2019
Dövlət Pantomima Teatrının 25 illiyi təntənəli şəkildə qeyd olunub (+FOTOLAR) 19:31, 17 may 2019
“Bölgələrdən bölgələrə” yaradıcılıq festivalının növbəti ünvanı Şamaxı şəhəri olub (+FOTOLAR) 17:22, 17 may 2019
Rektor BMT Modeli üzrə Milli Konfransda mükafatlandırılan BDU tələbələri ilə görüşüb (+FOTOLAR) 15:56, 17 may 2019
AMEA-nın Riyaziyyat və Mexanika İnstitutunda növbəti Ümuminstitut seminarı keçirilib (+FOTOLAR)15:39, 17 may 2019
İqtisadiyyat İnstitutunun komandası “AMEA-nın gənc alim və mütəxəssislərinin VI futbol çempionatı”nın qalibi olub (+FOTOLAR)15:32, 17 may 2019
BDU-da Nəsiminin 650 illik yubileyinə həsr olunmuş “Ənəlhəqq” teatr tamaşası nümayiş olunub (+FOTOLAR) 14:45, 17 may 2019
“Tarixçi alimlərimiz” adlı silsilə layihənin növbəti qonağı professor Anar İsgəndərov olub (+FOTOLAR) 14:31, 17 may 2019
AzTU-da İİV/QİÇS-infeksiyası ilə bağlı profilaktik aksiya keçirilib (+FOTOLAR) 14:16, 17 may 2019
Gülağa Tənha "Əllərin soyuqdur"... (+ViDEO)12:25, 17 may 2019
BSU-da Belarus Respublikasının Müstəqilliyinin 75 illiyinə həsr olunmuş tədbir keçirilib (+FOTOLAR) 20:05, 16 may 2019
Həmyerlimiz Birləşmiş Ərəb Əmirliklərinin İdman rəsmiləri tərəfindən mükafatla təltif olunmuşdur (+FOTOLAR) 19:40, 16 may 2019
Pekində Çin və Azərbaycan elmi tərəfdaşlığına dair konfrans keçirilib (+FOTO) 14:19, 16 may 2019
Azərbaycan Brüsseldə yekun bəyannaməyə veto qoydu - QALMAQAL14:03, 16 may 2019
AzTU-nun yeni prorektoru kolektivə təqdim olunub 13:13, 16 may 2019
Gülağa Tənha Heydər Əliyev Fonduyla iş birliyi haqqında... (+ViDEO)11:26, 16 may 2019
 

Bütün hüquqlar qorunur © 2019

Haqqıımızda | Saytda reklam | Bizimlə əlaqə