Təqvim
Tarixin ən qüdrətli Azərbaycanının şanlı qələbəsi
03 aprel 2020 - 19:04

Aprel zəfəri Ali Baş Komandanın möhtəşəm hərbi strategiyasının və uğurlu ordu quruculuğu prosesinin real məntiqi nəticəsi oldu
Prezident cənab İlham Əliyevin rəhbərliyi ilə Azərbaycanın həyata keçirdiyi qlobal layihələr, həmçinin Avrasiya məkanının yeni enerji və logistik xəritəsinin müəyyənləşməsində davamlı artan təsiri ölkəmizi beynəlxalq miqyasın nüfuzlu dövlətləri cərgəsinə yüksəldib. Artıq respublikamız dünya birliyi tərəfindən ən mühüm strateji proseslərin icrasında etibarlı tərəfdaş kimi qəbul olunmaqla bərabər, həm də bölgənin şəriksiz iqtisadi gücü, siyasi mərkəzi, bir sözlə, lideri sayılır.

Şübhəsiz ki, bu nailiyyətlər möhtərəm Prezidentimizin müdrik inkişaf strategiyasının real bəhrəsi və ən müasir qlobal çağırışlara uyğunlaşdırılaraq icra olunan yeni islahatlar konsepsiyasının təzahürləridir. Təsadüfi deyildir ki, bu qürur doğurucu müvəffəqiyyətləri yüksək dəyərləndirən Prezident İlham Əliyev müasir ölkəmizi "Tarixin ən qüdrətli Azərbaycanı” adlandırmışdır.
Ölkə rəhbərliyinin qətiyyətli və uzaqgörən siyasəti nəticəsində dövlətimizin inkişafı bütün sahələrdə olduğu kimi, güclü ordu quruculuğunda da özünü göstərir. Ulu Öndər Heydər Əliyev tərəfindən əsası qoyulmuş ordumuz bu gün ölkə başçısı tərəfindən aparılan çoxsaylı və davamlı islahatlar nəticəsində sürətlə inkişaf edir. Bu diqqət və qayğının nəticəsində nüfuzlu "Global Firepower” portalının yekunlarına əsasən Azərbaycan Ordusu dünyanın ən güclü orduları sırasında yer alır.
Şanlı tariximizə qızıl hərflərlə yazılan qələbələrdən biri də 2016-cı ilin aprel ayında baş verdi. Aprel döyüşləri təkcə hərbi qələbə yox, xalqımızın, ordumuzun gücünü, ölkəmizin malik olduğu yüksək imkanları dünyaya aydın göstərən, Ermənistanın təcavüzkar silahlı qüvvələrinin bu günə qədər yuxularını ərşə çəkməklə qəlblərinə silinməz qorxu saldığı şanlı bir zəfərdir.
2016-cı il aprelin əvvəllərində Ermənistan silahlı qüvvələri tərəfindən Azərbaycanın ön xətt mövqeləri və yaşayış məntəqələri intensiv artilleriya atəşinə məruz qalanda ordumuzun bölmələri əks-həmlə ilə düşmən təxribatının qarşısını alaraq, düşmənin layiqli dərsini vermişdir.
Cənab Ali Baş Komandanın göstərişlərinə uyğun olaraq ordumuz inamlı şəkildə döyüşmüş, Tərtər rayonunun Talış kəndi ətrafındakı yüksəklikləri, Cəbrayıl rayonunun Lələtəpə yüksəkliyi və Cocuq Mərcanlı, Goranboy rayonunun Gülüstan və Tərtər rayonunun Madagiz kəndləri istiqamətində bir çox mövqeləri düşməndən azad etmişdir. Ümumilikdə şanlı Aprel döyüşləri zamanı Azərbaycan Silahlı Qüvvələri 2000 hektarlıq ərazini düşməndən təmizləyərək, düşmən üzərində layiqli qələbə qazandı. Bu qələbə həm də ordumuzun uzun illərdən sonra düşmən üzərində qazandığı ilk qələbə olaraq tariximizə daxil oldu və sonradan qazanılacaq qələbələrin ilk müjdəçisi oldu.
Keçmiş bir zabit kimi deyə bilərəm ki, Aprel döyüşlərinin bizə qazandırdığı strateji ərazilər birbaşa olaraq hərbi əməliyyatların gələcəkdə də taleyinə təsir göstərmək əzmindədir. Belə ki, Aprel döyüşləri necə ki zəfərlərin ilk müjdəçisi idi, həmin ərazilər də Qarabağımıza gedən yolun qapısıdır və o qapı artıq bizimdir.
Belə ki, ordumuz həmin əraziləri nəzarətimizə keçirməklə həm də ayrı-ayrı rayonlarımızın təhlükəsizliyini birbaşa təmin etmişdir.
Biz böyük strateji üstünlüyə sahib olduğumuzla qürurlandığımız kimi, təcavüzkar da itirdiklərinin fərqində, böyük üzüntü və məyusluqda idi. Bu səbəbdən də cəbhənin əsasən Ağdərə-Tərtər və Xocavənd-Füzuli istiqamətlərində mövqelərimizə yenidən hücum etsələr də, Ordumuzun şücaəti qarşısında məqsədlərinə nail ola bilməmişlər.
Yüksək döyüş texnikasına və ondan da yüksək mənəvi hazırlığa malik olan ordumuz düşmən hücumunun qarşısını almaqla yanaşı, düşmən üçün zəruri olan Madagiz məntəqəsindəki hərbi bazanın qərargahına və erməni könüllülərini daşıyan avtobusa endirdiyi ardıcıl və nizamlı zərbələr nəticəsində düşmənin ehtiyat qüvvələrini belə məhv etmişdir.
İşğaldan azad edilən ərazilərdə ordumuz möhkəmlənməklə yeni mövqelər qurmuş, mühəndis-istehkam tədbirləri həyata keçirmiş və ən əsası Ali Baş Komandan tərəfindən qarşısında qoyulmuş bütün vəzifələrin öhdəsindən layiqincə gəlmişdi.
Qeyd olunan ərazilərin işğaldan azad edilməsi nəticəsində erməni silahlı qüvvələri bu döyüşlərdə böyük itkilərə məruz qalmışdır, hansı ki Ermənistan hökuməti bu gün də həmin itkiləri bərpa etmək gücündə deyil. Belə ki, ordumuz tərəfindən 320-dən artıq düşmən məhv edilmiş, 500-dən artığı yaralanmış, 30-dək tankı və zirehli texnikası, 25-dən artıq artilleriya qurğusu sıradan çıxarılmışdır. Təbii ki, onlar döyüş meydanında olduqları kimi, rəsmi statistikanı da elan etməkdə çətinlik çəkirlər. Ermənistan hökuməti öz ölkəsində olan avtoritar rejimi pərdələmək, ölkədə gedən özbaşınalıq və yoxsulluqdan xalqın fikrini yayındırmaq, danışıqlara maneə olmaq məqsədilə müxtəlif vaxtlarda mövqeyimizi atəşə tutur, kiçik bir sapdan asılı qalan Ermənistan hökumətini sanki bu yollarla xilas etməyə cəhd edirlər.
Unutmasınlar ki, Birləşmiş Millətlər Təşkilatının Təhlükəsizlik Şurasının qəbul edilmiş dörd qətnaməsinin Ermənistan hökuməti tərəfindən bu günə qədər əsassız olaraq icra edilməməsi beynəlxalq hüquq normalarının tapdalanması faciəsidir.
Aprel döyüşləri zamanı dünyanın 30-dan çox ölkəsində Ermənistan səfirliyinin qarşısında etiraz mitinqləri keçirildi. Bütün beynəlxalq təşkilatlar qəbul edirdi ki, Azərbaycan Ordusu təcavüzkara qarşı öz ərazilərində əməliyyat aparıb və bu səbəbdən də beynəlxalq təşkilatlar, nüfuzlu ölkələr ölkəmiz əleyhinə bir söz demədilər. Bu məsələ ilə bağlı Ali Baş Komandanın bəyanatı, fikrimcə, bütün qüvvələrə aşkar mesaj, əsl hüquqi dəlil idi: "Erməni hərbi qulluqçusu ölmək istəmirsə, onda Azərbaycan ərazisinə gəlməsin”.
Baş verən dördgünlük döyüşlərin sonunda, ordumuz qarşısına qoyulmuş bütün döyüş tapşırığını layiqincə icra etdikdən sonra ölkəmiz qarşılıqlı qaydada hərbi əməliyyatları dayandırmağa razı oldu və bununla da beynəlxalq hüququn hamılıqla qəbul edilmiş münaqişənin sülh yolu ilə həlli prinsipinə üstünlük verdiyini bir daha nümayiş etdirdi.
Döyüş meydanında göstərilən qəhrəmanlığın davamı olaraq dünyaya bir daha çatdırıldı ki, Ermənistan kimi qatil, qaniçən ölkə deyilik. Daha güclü orduya və böyük iradəyə sahib olsaq da, ölkəmiz ratifikasiya etdiyi beynəlxalq sənədlərin tələblərinə uyğun olaraq münaqişənin sülh yolu ilə həllinə nail olmaq istəyir. İstər döyüşdə, istərsə də diplomatiyada Ermənistan hökumətindən müqayisəolunmaz dərəcədə güclüyük və qalibiyyət, şübhəsiz, bizimdir. Eyni zamanda, işğal olunmuş ərazilərimizdə status-kvo mütləq dəyişdirilməli, beynəlxalq səviyyədə tanınmış ərazilərimiz işğaldan qeyd-şərtsiz azad olunmalıdır.
Bu gün bizim döyüş meydanında Aprel, diplomatiyada isə Vyana, Düşənbə, "Valday” və Münhen Təhlükəsizlik Konfransı kimi saymaqla bitməyən və hazırda da davam edən böyük zəfərlərimiz var.
Aprel zəfərini bizə qazandıran bütün şəhidlərə Allah rəhmət etsin və qazilərimizə cansağlığı arzulayıram.
Zəfər daim Azərbaycanla, Prezident İlham Əliyevlə olacaq!
Adil ƏLİYEV,
Milli Məclisin Sədr müavini

azerbaijan.news.az 

Sosial şəbəkələrdə paylaş:
Kateqoriya:
HUQUQ
Bakı Slavyan Universitetində “Son iclas” filmi onlayn formada nümayiş etdirilib 19:19, 29 may 2020
Milli musiqi alətlərimiz mövzusunda növbəti mühazirəni size teqdim edirik: Qolça Qopuz aləti19:15, 29 may 2020
Nüşabə acınacaqlı vəziyyətə düşən Nurlanı qınadı: “Toy müğənnilərini bəyənmir, bizdən yardım istəyir” - VIDEO19:10, 29 may 2020
Adi çay qaşığı ilə sağlamlığı necə yoxlamalı?– Evdə 2 dəqiqəlik TEST19:07, 29 may 2020
“Müasir dövrdə hüquq sahələrinin qarşılıqlı əlaqəsi və tətbiqi: nəzəriyyə və təcrübə” mövzusunda respublika virtual elmi konfransı keçiriləcəkdir 19:00, 29 may 2020
“Azərbaycan regionlarının inkişafının coğrafi məsələləri” mövzusunda gənc tədqiqatçıların Respublika virtual Elmi konfransı keçiriləcəkdir 18:48, 29 may 2020
Dünya azərbaycanlıları birlik və bərabərlik himnimizi ifa ediblər 18:35, 29 may 2020
13-cü "Tələbə baharı" onlayn keçirildi 18:25, 29 may 2020
Oynaqlardan,boyundan duzu çıxaran, ostexondroza qarşı - SİBİR RESEPTİ16:40, 29 may 2020
İ.İbrahimova: “Ağac kəsənlər ictimaiyyət tərəfindən ən ciddi formada qınanmalıdır ki, cəmiyyət qarşısında utansınlar" 16:38, 29 may 2020
Cümhuriyyət varislərinin iştirakı ilə beynəlxalq videokonfrans təşkil olunub 16:34, 29 may 2020
Mənzillə və fərdi evlə təmin edilən şəhid ailələri və müharibə əlillərinin sayı 7700-ə çatdı 16:24, 29 may 2020
Gülağa Tənha Hər zaman maliyə dəstəyi ayırmağa hazıram...13:43, 29 may 2020
28 May – Respublika Günü münasibətilə onlayn simpozium keçirilib 19:00, 28 may 2020
Astarada əkin sahəsində top mərmisi tapılıb 18:56, 28 may 2020
Ağdaşda 1 tondan çox narkotik bitki yandırılıb 18:18, 28 may 2020
Göygöl rayonunun Quşçu kəndi ərazisində top mərmisi aşkarlanıb 18:08, 28 may 2020
İlham Əliyev Azərbaycan Xalq Cümhuriyyətinin şərəfinə ucaldılmış abidəni ziyarət edib 17:51, 28 may 2020
Quruluş Məhəmməd Əmin.. 17:46, 28 may 2020
Azərbaycan Texniki Universitetinin televiziya studiyası onlayn imtahanlarla bağlı videoçarx hazırlayıb17:33, 28 may 2020
 

Bütün hüquqlar qorunur © 2020

Haqqıımızda | Saytda reklam | Bizimlə əlaqə