Təqvim
“Hərbiyyə” hərbi-vətənpərvərlik düşərgəsinə start verilib (+FOTOLAR)
29 avqust 2019 - 18:11

Avqustun 26-da Gədəbəy rayonunun Düzyurd-Miskinli yaylağında “Hərbiyyə” hərbi-vətənpərvərlik düşərgəsinin açılış mərasimi təşkil olunub.
Layihə Müdafiə Nazirliyi, “ASAN xidmət”, “ASAN Könüllüləri” Təşkilatı, Türk Əməkdaşlıq və Koordinasiya Agentliyi (TİKA), Gədəbəy Rayon İcra Hakimiyyəti və “Cavad Xan” Tarix və Mədəniyyət Fondunun birgə təşkilatçılığı ilə həyata keçirilib.

Açılış mərasimindən öncə iştirakçılar Şəmkir rayonunda yerləşən Heydər Əliyev Mərkəzi və Müdafiə Nazirliyinin hərbi birliyi ilə tanış olublar.
Mərasimdə Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin sədri Ülvi Mehdiyev, Əməkdar incəsənət xadimi, Prezidentin fərdi təqaüdçüsü, polkovnik Abdulla Qurbani, hərbi qulluqçular və digər qonaqlar iştirak ediblər.

İştirakçılar ümummilli lider Heydər Əliyevin abidəsi önünə gül dəstələri düzüb, hörmət və ehtiramlarını bildiriblər.

Qonaqlar çıxış edərək əsası ulu öndər Heydər Əliyev tərəfindən müəyyən edilmiş və Ali Baş Komandan İlham Əliyev tərəfindən uğurla davam etdirilən hərbi quruculuqdan, o cümlədən ölkəmizin müxtəlif regionlarının sosial-iqtisadi inkişafından söz açıblar. Həmçinin diqqətə çatdırılıb ki, “ASAN Könüllüləri” tərəfindən dövlətçiliyin möhkəmləndirilməsi və gənclərin hərbi-vətənpərvərlik ruhunun yüksəldilməsi istiqamətində uğurlu layihələr icra olunub.

Sonra “Hərbiyyə” hərbi-vətənpərvərlik düşərgəsinin iştirakçıları hərbi hissə ərazisində şəxsi heyət üçün yaradılmış şəraitlə yaxından tanış olublar.

Daha sonra tədbir iştirakçıları Gədəbəy rayonuna gəliblər. İştirakçılar əvvəlcə Ulu Öndərin abidəsini ziyarət edib, önünə gül dəstələri düzüblər. Düşərgə üzvləri, həmçinin Gədəbəy rayonunun mərkəzində ucaldılmış Sovet İttifaqı Qəhrəmanı Nadir Quliyevin və Azərbaycanın Milli Qəhrəmanı Məzahir Rüstəmovun abidəsini ziyarət edib, hər iki döyüşçünün xatirəsini böyük hörmət və ehtiramla anıblar. Tədbirdə Məzahir Rüstəmovun valideynləri də iştirak edib. Çıxış edən polkovnik Abdulla Qurbani hər iki döyüşçünün keçdiyi şərəfli ömür yolu və şücaəti barədə düşərgə üzvlərinə ətraflı məlumat verib. Azərbaycanın Milli Qəhrəmanı Məzahir Rüstəmovun atası, professor İzzət Rüstəmov çıxış edərək nəinki onların övladlarına, eləcə də Vətən uğrunda canından keçən bütün şəhidlərin xatirəsinə dövlətimiz tərəfindən böyük hörmət və ehtiram göstərildiyinə görə Ali Baş Komandan, Prezident İlham Əliyevə minnətdarlığını ifadə edib.

Sonda “Hərbiyyə” hərbi-vətənpərvərlik düşərgəsinin iştirakçıları Gədəbəy rayonunun Düzyurd-Miskinli yaylağına gəliblər.

Tədbiri açan polkovnik A.Qurbani son illərdə Ali Baş Komandan İlham Əliyevin rəhbərliyi ilə aparılmış ordu quruculuğundan və qazanılmış uğurlardan danışıb. Bu cür tədbirlərin gənclər arasında vətənpərvərlik hissinin yüksəlməsinə xidmət etdiyini deyən A.Qurbani Aprel döyüşlərinin düşmənə sarsıdıcı zərbə vurduğunu, işğal altında olan torpaqlarımızın isə tezliklə Azərbaycan Ordusunun gücü ilə geri qaytarılacağına əminliyini ifadə edib.

Tədbirdə çıxış edən Gədəbəy Rayon İcra Hakimiyyətinin başçısı İbrahim Mustafayev, Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin sədri Ülvi Mehdiyev, “Cavad Xan” Tarix və Mədəniyyət Fondunun birinci vitse-prezidenti Müzadil Həsənov gənclər üçün bu cür hərbi düşərgələrin keçirilməsinin vacibliyini qeyd ediblər.

Çıxışlardan sonra hərbi orkestrin ifasında müxtəlif marşlar səslənib, xüsusi təyinatlıların nümunəvi çıxışları təqdim edilib.

Avqustun 30-dək keçiriləcək “Hərbiyyə” hərbi-vətənpərvərlik düşərgəsində iştirakçılar müxtəlif tədbirlərdə iştirak edəcəklər.

 

Sosial şəbəkələrdə paylaş:
Kateqoriya:
HUQUQ
ADAU tələbələri üçün böyük dəyər – Universitetin öz TV-si yaradılıb (+FOTOLAR)03:33, 21 sentyabr 2019
Azərbaycan Milli Xalça Muzeyində “Üzeyir Hacıbəyli yaradıcılığının xalçalarımızda tərənnümü” adlı tədbir keçirilib (+FOTOLAR) 03:27, 21 sentyabr 2019
İstedadlı uşaqlar üçün “Yay Məktəbi” layihəsi çərçivəsində şagirdlərin məntiqi təfəkkürünün inkişaf etdirilməsi məqsədilə Məntiq yarışı keçirilib (+FOTOLAR) 03:19, 21 sentyabr 2019
“Bu ailədə baş verənlərdən xəbərdar olmuşam” 17:08, 20 sentyabr 2019
Xatirə ilə Zaurun Vasif davası - 30 min istədi, aləm qarışdı VIDEO=116:13, 20 sentyabr 2019
Gülağa Tənhanın şeirinə bəstələnmiş həzin mahnı... 16:04, 20 sentyabr 2019
“SİZ, DOĞRUDAN DA PREZİDENTİN QOHUMUSUNUZSA…” – Azərbaycanlıların Rusiyada diaspor davası (+FOTOLAR)15:58, 20 sentyabr 2019
Sabirabad, Saatlı və İmişli rayonlarından olan vətəndaşların qəbulu keçirilib (+FOTOLAR) 15:42, 20 sentyabr 2019
"Koroğlu" operasında ANŞLAQ FOTO=315:13, 20 sentyabr 2019
Arvadını 5-ci mərtəbədən atan art-direktordan XƏBƏR VAR 14:41, 20 sentyabr 2019
Qısqandığı üçün sevdiyi qızı suda boğdu VIDEO=113:50, 20 sentyabr 2019
Komitə sədri: Gələn il maaşlar, müavinətlər, pensiyalar artırılacaq 13:25, 20 sentyabr 2019
BDU rektoru Prezident təqaüdçüləri ilə görüşüb (+FOTOLAR) 01:04, 20 sentyabr 2019
Nobel və Babək prospektlərini birləşdirən küçələr yenidən qurulur (+FOTOLAR) 00:57, 20 sentyabr 2019
Təlimlərdə qoşunların qarşılıqlı fəaliyyəti ərazinin maketi üzərində icra olunub (+FOTOLAR, +VIDEO) 22:35, 19 sentyabr 2019
Təlim zamanı ərazinin kəşfi aparılıb (+FOTOLAR, +VIDEO) 21:14, 19 sentyabr 2019
Azərbaycanda ətin üzərinə nişan qoyulmasına görə 5 manatadək rüsum tutulacaq 15:02, 19 sentyabr 2019
Sevinc Abbasovadan qalmaqallı açıqlama VIDEO=114:42, 19 sentyabr 2019
Gülağa Tənhanın Heydər Əliyev haqqında fikirləri 14:36, 19 sentyabr 2019
Azərbaycanda "BMW X5" aşdı - Xanım müğənni öldü 13:24, 19 sentyabr 2019
 

Bütün hüquqlar qorunur © 2019

Haqqıımızda | Saytda reklam | Bizimlə əlaqə