Canveten.az xəbər verir ki, Azərbaycan Respublikası Gənclər Fondunun elan etdiyi XI Qrant müsabiqəsi çərçivəsində qalib olmuş "Azərbaycan Skautlarının hərbi yaddaşı" layihəsinin III hissəsi 3 mart 2019-cu il tarixində Şəkidə həyata keçirilmişdir. Layihənin Şəki skautları üçün nəzərdə tutulmuş III hissəsi Aprel döyüşlərində şəhid olmuş Orxan Hümbətovun məzarının ziyarəti ilə başlamış,ümumilikdə Vətən uğrunda canından keçmiş şəhidlərimizin xatirəsini anmaqla,Şəhidlər Xiyabanına yürüş ilə davam etmişdir. Tədbirin əsas hissəsi Məram təşkilatında həyata keçirilmişdir.Belə ki,tədbir müddətində Azərbaycan Respublikası Dövlət Himninin səsləndirilmiş,Aprel döyüşlərində şəhid olmuş hərbiçilərimizin ruhu bir dəqiqəlik sükutla yad edilmişdir.Daha sonra Aprel döyüşlərindən bəhs edən video-çarx izlənmiş,Bakı Dövlət Universitetinin tarix elmlər üzrə dosenti,Qarabağ müharibə veteranı Atamoğlan Məmmədli tərəfindən Aprel döyüşləri,ümumilikdə Vətənimizin hərb tarixi haqqında məlumat verilmişdir. "Azərbaycan əsgərinə salam olsun" başlıqlı məktublar yazılması ilə davam edən tədbir skautların layihədə iştiraklarını təsdiqləyən sertifikatların təqdim olunması ilə yekunlaşmışdır. Qeyd edək ki,layihənin növbəti yekun mərhələsinin "Azərbaycan hərbçiləri və skautları" adlı kitabçanın təqdimatı ilə Bakı şəhərində keçirilməsi planlaşdırılır. ! © Müəllif hüquqları qorunur ! Məlumatdan istifadə etdikdə istinad mütləqdir ! Məlumat internet səhifələrində istifadə edildikdə müvafiq keçidin qoyulması mütləqdir !!! ŞƏRHLƏR : ( Sos.şəbəkədə gedən yazışmanin FOTO-ƏKSİ. Məzmun və qramatik səhvlərə görə redaksiya məsuliyyət daşımır )
Bütün hüquqlar qorunur © 2025