Azərbaycanla Rusiya arasında münasibətlərin yeni mərhələsi

Azərbaycan və Rusiya dövlətləri arasında münasibətlər normal müstəvidə, yeni müttəfiqlik səviyyəsində inkişaf etdirilməkdədir.
Təkcə onu demək kifayətdir ki, 32 ildən sonra şanlı Qələbəmizin qazanılmasında, Qarabağ münaqişəsinin haqq zəfərimizlə sonuclanmasında Rusiyanın bitərəf mövqe tutması, işğalçı dövləti dəstəkləməməsi xüsusi əhəmiyyət kəsb etdi. Yekun olaraq 10 noyabr 2020-ci il tarixli müqavilənin – Qarabağda hərbi əməliyyatların bitməsi və atəşkəs barədə Azərbaycan, Ermənistan və Rusiya liderlərinin birgə bəyanatının imzalanması dövlətlərarası münasibətlərin yeni mərhələsinə cığır açdı. Və açıq etiraf etməliyik ki, qonşu dövlətin kapitulyasiyası və böyük qələbəmizin əldə edilməsində bu, mühüm faktora çevrildi. Çünki Azərbaycanın güvəniləsi etibarlı tərəfdaş olduğuna, bütün sahələr üzrə güclü dövlətə çevrildiyinə əksər dünya ölkələri kimi Rusiya da tam əmin oldu. 
Son günlər bütün dünya ictimaiyyətinin nəzər-diqqətində olan tarixi görüş, bu il 20-22 aprel tarixində Azərbaycan Respublikasının Prezidenti İlham Əliyevin Rusiya Federasiyasının Prezidenti Vladimir Putinin dəvəti ilə Moskvaya növbəti işgüzar səfəri ölkələrimiz arasında hərtərəfli münasibətlərin sürətli inkişafına yeni təkandır, desək yanılmarıq. Görüş zamanı Dövlətimizin başçısı cənab İlham Əliyevin qeyd edib ki, tarixin müxtəlif məqamları ölkələrimizi, xalqlarımızı daha da yaxınlaşdırır, münasibətlərimizin gələcəkdə də ardıcıl inkişafına töhfə verir. Artıq iki ildən çoxdur ki, 2022-ci ilin fevralında Kremldə imzalanmış əsas siyasi sənəd olan, gələcəkdə münasibətlərimizin ardıcıl inkişafını müəyyən edən müttəfiqlik qarşılıqlı fəaliyyəti haqqında Bəyannamə çərçivəsində işləyirik...
Görüş zamanı dönə-dönə xatırlanan danılmaz faktın gerçəkliyi – yarım əsr öncə Baykal-Amur Magistralı tikintisi kimi nəhəng layinənin reallaşmasında Ulu Öndər Heydər Əliyevin müstəsna xidmətini dəyərləndirilməsi iki dövlət və xalq arasında dostluq və əməkdaşlığa, Ümummilli Lider amilinin müstəqil Azərbyacanın inkişafına yeni töhfə kimi xarakterizə olunmalıdır.  
Rusiya Prezidenti Vladimir Putinin ölkə rəhbərimizlə təkbətək görüşündə vurğuladğı kimi: “Düşünürəm ki, hətta əminəm ki, atanızın bu nəhəng layihənin həyata keçirilməsində sərf etdiyi bütün səylər, zəhmət çəkdiyi illər bu gün təkcə Rusiya üçün deyil, həm də bütün Müstəqil Dövlətlər üçün mühüm rola malikdir. Onu nəzərdə tuturam ki, bir çox tərəfadşlarımız bu və ya digər dərəcədə bu nəqliyyat arteriyasından istifadə edirlər...” 
Müəyyən zaman kəsiyində, Azərbaycanla Rusiya arasında obyektiv və subyektiv səbəblərdən müəyyən gərginliklər yaşansa da, sonradan bu hal aradan qaldırıldı. Artıq bu gün Azərbaycan MDB ölkələri arasında Rusiyanın əsas ticarət partnyor¬larından biridir. Ölkələr arasında iqtisadi-si¬yasi, mədəni, eləcə də investisiya sahəsin¬də əməkdaşlıq yüksələn xətlə inkişaf edir. Turizm imkanları davamlı olaraq genişlənir. Bu siyahını daha da uzatmaq olar... 
Bu, onu deməyə əsas verir ki, möhkəm təmələ əsaslanan müasir Rusiya-Azərbaycan qarşılıqlı münasibətləri və dövlətlər arasındakı mövcud siyasi durum hər iki xalqın maraqlarına xidmət edəcək.

Nahid Rəhimov,
Birinci Qarabağ müharibəsi əlili,
Yeni Azərbaycan Partiyasının fəal üzvü.