Gülağa Tənha:

AXTARIRAM

Gözləri bir yanar közdü, 
Tanrım, ürək necə dözdü?
Şirin səsli, şirin sözlü
Gözəlimi axtarıram.
.
Həsrət məni çəkir dara,
Ahım çatarmı dağlara?
Son qoyaydı intizara,
Gözəlimi axtarıram.
.
Fərəhimdən gözüm dola,
Qəhərin gülləri sola.
Bəxtim gülə, mənim ola,
Gözəlimi axtarıram.
.
Od tutub alışır sinəm,
Qorxuram ki, vaxtsız sönəm. 
Əsrimizə Kərəm mənəm,
Gözəlimi axtarıram.
.
Düşmə izindən irağa,
Sevmək olmayıb qadağa. 
Mədəd eylə, ay Gülağa, 
Gözəlimi axtarıram.
.
..........................Bakı, may, 1992