Təqvim
Masallıda müasir heyvan kəsimi məntəqəsinın açılışı olub Akif Ağayev +FOTO=7
03 dekabr 2022 - 11:06

Cənub bölgəsində ilk

 

“Heyvan kəsimi fəaliyyətinin tənzimlənməsi haqqında” Azərbaycan Respublikası Prezidentinin 11 iyun 2018-ci il tarixli Sərəncamının icrası ilə bağlı olaraq Qida Təhlükəsizliyi Agentliyi (AQTA) və yerli icra hakimiyyəti orqanlarının birgə faəliyyəti davam edir. Bu istiqamətdə sahibkarlar tərəfindən respublikanın müxtəlif rayonlarında yeni müasir heyvan kəsimi və ət satışı məntəqələri yaradılır.

 

Növbəti müasir heyvan kəsimi məntəqəsinın açılışı Masallıda olub.

 

Açılış mərasimində rayon rəsmiləri, AQTA Regional Bölməsinin, Masallı Heyvan Sağlamlığı və Baytarlıq Xidmətləri İdarəsinin əməkdaşları, “Uluxanlı” heyvan kəsimi məntəqəsinin sahibi Ziyadə Məmmədova, iş adamı Vüsal Məmmədov və digər sahibkarlar iştirak ediblər.

 

Sonra kəsim sexində yaradılan şəraitlə tanışlıq olub. Məntəqə heyvanın kəsilməsi, soyulması və doğranmasına qədər bütün prosesi həyata keçirmək üçün gigiyenik tələblərə uyğun lazımi avadanlıqlarla təchiz edilib.

 

“Uluxanlı” heyvan kəsimi məntəqəsinin sahibi Ziyadə Məmmədova, iş adamı Vüsal Məmmədov məlumat verib ki, məntəqədə baytarlıq-sanitariya ekspertizasının aparılması üçün Azərbaycan Qida Təhlükəsizliyi İnstitutunun laboratoriyası da fəaliyyət göstərəcək. Burada iri və xırdabuynuzlu heyvanlara baytar nəzarəti həyata keçiriləcək, heyvanlardan nümunələr götürülərək laborator müayinələr aparılacaq. Sanitar-gigiyenik tələblər gözlənilməklə kəsilən heyvan məhsulları vətəndaşlara təqdim ediləcək. Yalnız bundan sonra ətin istifadəsinə və ya satışına icazə veriləcək.

 

Masallı şəhərinin Seybətin küçəsi ərazisində yerləşən kəsim məntəqəsi 24 saat fəaliyyət göstərəcək. Bu müddət ərzində 200-ə yaxın iri, 400-ə yaxın xırdabuynuzlu heyvan kəsimi mümkün olacaq. Bundan əlavə burada ət məhsullarının konservləşdirilməsindən ötrü müasir avadanlıqlar quraşdırılacaq. Məntəqədə 50 nəfər işçi (qəssab, xidmətçi, dəri aşılayan və s.) çalışacaq. Şəhid ailələri və qazilər üçün kəsim ödənişsiz olacaq. Ziyadə xanım diqqətə çatdırıb ki, gündə bir dəfə daxili imkanlar hesabına ehtiyacı olanları isti yeməklə təmin edəcəyik. Potensialımız imkan verdikcə daha böyük layihələrin icrası nəzərdə tutulub.

 

Məqsəd Masallı rayonunda heyvan kəsimi və satışının müasir tələblərə uyğunlaşdırılması, qanunsuz heyvan kəsimi və satışı fəaliyyətinin qarşısının alınması, əhalinin sağlam ət və ət məhsulları ilə təmin olunması, istehlakçıların hüquqlarının müdafiəsidir.

 

Azərbaycan Qida Təhlükəsizliyi Agentliyi Lənkəran Regional Bölməsinin heyvan sağlamlığı sektorunun böyük məsləhətçisi Natiq Muradov bildirib ki, sahibkarları müasir heyvan kəsimi fəaliyyəti sahəsində aktiv fəaliyyətə dəvət edir, bu istiqamətdə bizə müraciət edən sahibkarlara peşəkar və metodiki kömək göstərməyə hazırıq.

 

Sahibkar Vüsal Məmmədov: - Cənub bölgəsində ilk dəfə olaraq Masallıda yaradılan bu tipli heyvan kəsimi məntəqələrinin digər rayonlarda da olmasını tövsiyə edirik. Bütün sahibkarlara səslənirik ki, Vətənimizin hər yerində, o cümlədən Masallıda da əlverişli biznes mühitinin formalaşdırılması üçün şərait var. Dövlətimiz hər bir iş adamına qayğı göstərir. Sahibkarlara göstərdiyi dəstəyə görə Respublika Prezidenti cənab İlham Əliyevə, o cümlədən bizimçün şərait yaratdığına görə Masallı Rayon İcra Hakimiyyətinin başçısı Araz Əhmədova minnətdarlığımızı bildiririk.

 

Əminik ki, “Uluxanlı” heyvan kəsimi məntəqəsi qarayara və digər bu kimi zoonoz xəstəliklərin nəzarətdə saxlanılması, heyvandan insana keçən xəstəliklərin qarşısının alınması ilə yanaşı, Masallıda heyvan sağlamlığı və baytarlıq nəzarəti mexanizminin daha səmərəli təşkilinə kömək göstərəcək.

Akif AĞAYEV,

MASALLI.

Sosial şəbəkələrdə paylaş:
Kateqoriya:
Bölmədəki digər xəbərlər:
İlham Əliyevin adından Əbdülfəttah Əs-Sisinin şərəfinə nahar verilib 14:24, 28 yanvar 2023
Azərbaycan və Misir prezidentləri mətbuata bəyanatlarla çıxış ediblər +FOTO13:13, 28 yanvar 2023
Azərbaycan-Misir sənədləri imzalanıb +FOTO=213:07, 28 yanvar 2023
Azərbaycan və Misir prezidentlərinin geniş tərkibdə görüşü olub 13:02, 28 yanvar 2023
Azərbaycan və Misir prezidentlərinin təkbətək görüşü olub +FOTO=212:23, 28 yanvar 2023
Misir Prezidenti Əbdülfəttah Əs-Sisinin rəsmi qarşılanma mərasimi olub +FOTO11:15, 28 yanvar 2023
GÜLAĞA TƏNHA: NECƏ UNUDARSAN19:17, 27 yanvar 2023
Baş katib Azərbaycan xalqına başsağlığı VERDİ19:01, 27 yanvar 2023
İran səfirliyi Azərbaycanın diplomatik korpusuna terroru pislədi 18:43, 27 yanvar 2023
Gömrük Komitəsində əməliyyat: Rüşvət alan vəzifəlilərlə bağlı MƏHKƏMƏ QƏRARI23:22, 26 yanvar 2023
GÜLAĞA TƏNHA: DƏLİ EŞQİM16:28, 26 yanvar 2023
Rusiyaya işləyən ukraynalı polkovnik-leytenant həbs edildi 16:15, 26 yanvar 2023
Mirzoyan Borrellə Laçın yolunu müzakirə etdi 22:21, 25 yanvar 2023
Ronaldo üçün eksklüziv saat hazırlandı 22:18, 25 yanvar 2023
Mikroavtobusla yük maşını toqquşdu 22:12, 25 yanvar 2023
Norveç "Leopard 2" tankı tədarük EDƏCƏK22:11, 25 yanvar 2023
Masallı RİH başçısının Ərkivan qəsəbəsində səyyar görüş-qəbulu +FOTO21:44, 25 yanvar 2023
Ukrayna ordusu 30 dəqiqəyə rusların üç helikopterini məhv edib 15:55, 24 yanvar 2023
Alimpaşa Məmmədovun əhalinin siyahıya alınmasına görə mənimsədiyi MƏBLƏĞ15:26, 24 yanvar 2023
GÜLAĞA TƏNHA: NƏ DÖYÜRSƏN MƏNİM TAXTA QAPIMI 14:55, 24 yanvar 2023
 

Bütün hüquqlar qorunur © 2023

Haqqıımızda | Saytda reklam | Bizimlə əlaqə