Təqvim
İlham Əliyev Kəlbəcər-Laçın avtomobil yolunda yeni inşa edilən tunellə tanış olub +FOTO=8
21 sentyabr 2022 - 21:25

Azərbaycan Respublikasının Prezidenti İlham Əliyev sentyabrın 21-də Laçın rayonuna səfər edib.

Dövlətimizin başçısı Kəlbəcər-Laçın avtomobil yolunun 35-ci kilometrliyində Laçın Beynəlxalq Hava Limanına 2400 metr uzunluğunda giriş tunelinin inşası ilə tanış olub.

Azərbaycan Avtomobil Yolları Dövlət Agentliyinin İdarə Heyətinin sədri Saleh Məmmədov dövlətimizin başçısına yeni inşa olunan tunel barədə məlumat verdi.

Qeyd edək ki, Azərbaycan Prezidenti İlham Əliyevin tapşırığına əsasən, Qarabağ və Şərqi Zəngəzur iqtisadi rayonları ərazisində icra olunan mühüm əhəmiyyətə malik yol infrastrukturu layihələrindən biri də uzunluğu 76,3 kilometr olan Kəlbəcər-Laçın avtomobil yoludur. Hazırda bu yolun və yol üzərində tunellərin inşası davam etdirilir.

Məlumat verildi ki, Azərbaycan Avtomobil Yolları Dövlət Agentliyi tərəfindən yolun müəyyən hissələrində qazma-dolğu işləri icra olunur, yeni torpaq yatağı inşa edilir. Bundan başqa, düzbucaqlı və dairəvi suötürücü boruların, həmçinin su kanallarının tikintisi, drenaj işləri və daş divarın inşası aparılır. Yolboyu tikintisi nəzərdə tutulmuş 12 avtomobil tunelindən 5-nin (T1, T2, T5, T6 və T7) tikinti işləri uğurla davam etdirilir.

Bildirildi ki, dolaylardan keçən mövcud yoldan istifadə ediləcəyi təqdirdə həddindən artıq sürüşmə zonalarına rast gəlinir. Bundan başqa, qış fəslində güclü qar və şaxtalı hava şəraitində yolun təhlükəsiz istismarı mümkün olmaya bilər. Bununla əlaqədar dolayların birbaşa tunellər vasitəsilə keçilməsi qərara alınıb. Tunellər bir istiqamət üzrə bir hərəkət zolaqlı və 11,60 metr enində olacaq. Tunellərin ümumi uzunluğu 7596,5 metr təşkil edəcək.

Qeyd edildi ki, Kəlbəcər-Laçın yolunda inşa olunan birinci tunelin (T1) uzunluğu 187 metrdir. Hazırda bu tunelin giriş portalının tikintisi həyata keçirilir. Uzunluğu 354,4 metr olan T2 tunelində giriş istiqaməti üzrə 115,8 metr qazma işləri görülüb. Uzunluğu 448,7 metr olan T5 tunelində çıxış istiqaməti üzrə 331 metr qazma işləri aparılıb. T6 tunelinin uzunluğu 612,4 metrdir. Tuneldə hər bir istiqamət üzrə ümumilikdə 537,4 metr qazma işləri yerinə yetirilib. T7 tuneli 2420,1 metr uzunluğunda olmaqla inşa edilir. Tunelin hər bir istiqaməti üzrə ümumilikdə 532 metr qazma işləri görülüb. Bu tunellərdə giriş və çıxış olmaqla hər iki istiqamətdə qazma, partlatma və qırıcı üsullarla qaya qruntlardan ibarət hissələrin kənarlaşdırılması işləri davam etdirilir.

Bildirildi ki, layihələndirilən digər tunellərdə isə işlərə mərhələlərlə başlanılması nəzərdə tutulur. T3 tuneli 900,2 metr, T4 tuneli 853,7 metr, T8 tuneli 230 metr, T9 tuneli 700 metr, T10 tuneli 200 metr, T11 tuneli 320 metr və T12 tuneli 370 metr uzunluğunda olacaq.

Diqqətə çatdırıldı ki, Kəlbəcər-Laçın avtomobil yolu boyunca torpaq yatağı üçün təməlin hazırlanması, yamacların formaya salınması, 12 düzbucaqlı və 4 dairəvi borunun inşası işləri davam etdirilir.

Kəlbəcər və Laçın rayonlarını birləşdirən bu avtomobil yolu 2, 3 və 4 hərəkət zolaqlı olmaqla, birinci, ikinci və üçüncü texniki dərəcələrə uyğun olaraq inşa edilir. Yolun ilk 38 kilometrlik hissəsində suların ötürülməsini təmin etmək məqsədilə ümumi uzunluğu 3348 metr olan 60 dairəvi boru, həmçinin zəruri yerlərdə ümumi uzunluğu 1038 metr olan 9 avtomobil körpüsünün inşası nəzərdə tutulur.

Kəlbəcər-Laçın avtomobil yolu başlanğıcını Kəlbəcər rayonunun Qamışlı kəndindən götürməklə işğaldan azad edilmiş Laçın rayonunun ərazisindən keçir. Yeni yol bu rayonların bir çox yaşayış məntəqələri ilə yanaşı, rayon mərkəzinə və yenicə inşasına başlanılmış Laçın Beynəlxalq Hava Limanına qədər rahat gediş-gəlişi təmin edəcək.

Sosial şəbəkələrdə paylaş:
Masallının təhsil işçisi “Əməkdar müəllim” fəxri adına layiq görülüb Akif Ağayev, +FOTO21:43, 05 oktyabr 2022
İlham Əliyevdən Ermənistana növbəti XƏBƏRDARLIQ15:40, 05 oktyabr 2022
Gülağa Tənha: VƏTƏN YARALANMASIN15:33, 05 oktyabr 2022
İlham Əliyev və birinci xanım Mehriban Əliyeva Azərbaycan Milli Şəhərsalma Forumun açılış mərasimində iştirak edirlər +FOTO15:30, 05 oktyabr 2022
“Zərərli vərdişlərdən imtina” – Masallıda maarifləndirici seminar Akif Ağayev +FOTO=415:26, 05 oktyabr 2022
Masallıda Teymur Bayrəməlibəyovun büstünün açılışı Akif Ağayev, +FOTO=413:46, 25 sentyabr 2022
Gülağa Tənha: BİRİ SƏNSƏN, BİRİ DƏ MƏN20:05, 24 sentyabr 2022
Finlandiya rusiyalı turistlərin ölkəyə girişini qadağan edəcək 23:37, 23 sentyabr 2022
Almaniyada səfərbərlikdən yayınan rusiyalılara siyasi sığınacaq veriləcək 23:34, 23 sentyabr 2022
İsraildə erməni təxribatlarına etiraz edildi 23:33, 23 sentyabr 2022
Gülağa Tənha: «GECƏNİ ƏYNİNƏ GEYİNMİŞ AYAM…»14:07, 23 sentyabr 2022
NADİR AĞAYEV – 87 Akif Ağayev, +FOTO=1511:26, 23 sentyabr 2022
Gülağa Tənha: QƏLƏMİM17:55, 22 sentyabr 2022
Onlar Putinin qohumu ilə dəyişdirildilər 17:49, 22 sentyabr 2022
Rusiya hava limanlarında ölkədən çıxmaq istəyən kişiləri dindirirlər 17:47, 22 sentyabr 2022
Sürücülük imtahanları belə təşkil ediləcək 17:45, 22 sentyabr 2022
Prezident Azərbaycanın yəhudi icmasını təbrik etdi 17:42, 22 sentyabr 2022
Gülağa Tənha: NƏRGİZİM22:21, 21 sentyabr 2022
Nijni Novqorod - Yerevan təyyarəsində sərnişin öldü 22:19, 21 sentyabr 2022
İlham Əliyev Laçın şəhərində inşa ediləcək “Laçın” qovşaq yarımstansiyasının təməlqoyma mərasimində iştirak edib +FOTO=522:15, 21 sentyabr 2022
 

Bütün hüquqlar qorunur © 2022

Haqqıımızda | Saytda reklam | Bizimlə əlaqə