DÜNYA

Yadıma düşəndə cavanlıq dəmi,
Qəlbimə yığılır dünyanın qəmi.
Həyat bir dənizdir, mən tənha gəmi,
Üzdüm gah irəli, gah geri, dünya!
Allah dərgahına tutub üzümü,
Göylərə qaldırdım özüm-özümü.
Sən də insaf elə, kəsmə sözümü,
Dua eyləyirəm bəşəri, dünya!
Göylərə baxıram duman içində,
Daş üstə yatıram al-qan içində,
Vətən həsrətilə hicran içində,
Çəkir imtahana bizləri dünya!
Kimə sevinc verdin, kimə göz yaşı,
Kimə kədər verdin, kimə daş-qaşı,
Gülağa qəm çəkir, ağarır başı,
Vətənin qoynunda yox yeri, dünya!
Sənin o məkrinə, şərinə lənət,
Sənin bu cəhənnəm yerinə lənət.
Namərd ölmüşünə, dirinə lənət,
Diddin caynağında mərdləri, dünya!

Məzari – Şərif, 26 iyun, 1980

Təqdim ediyimiz “Dünya” şeiri  xeyriyyəçi – şair Gülağa Tənha (Qənbərov) tərəfindən Əfqanistan müharibəsində yaralandığı ərəfələrdə yazılmışdır. Müxtəlif xanəndələr, müğənnilər bu şeirə müraciət edərək səsləndirmişdilər. Onlardan biri də Xalq artisti Gülyaz Məmmədovadır. O, müəllifin iştirakı ilə televiziya kanalların birində məhz “Dünya” şeirinin segah üzəriudə ifa etmişdir. Həmin video yazıya video link bölməsində baxa bilərsiniz. Şair Gülağa Tənhanın bu şeirini sinvolik olaraq yaralı əsgərlərimizə, qazilərimizə həsr edirik...

#Gülağa #Tənha #Gulaga #Tenha #Qəmbərov #Qemberov #Qəmbərov #Qemberov #гюльага #гамбаров #ганбаров #Тенха #şair #iş #adam #xeyriyyəçi #xeyriyyeci #mahnı #müsabiqə #şeir #sheir #maxni #mahni #Qəmbərov #Qemberov #təqdimat #alim #qonaq #şeir #səs #soz #söz #sənətkar #senetkar #xalq #vətən #veten #can #Azərbaycan #yurd #el #oba #anons