Bu gün dünyada Azərbaycanlı və Ermənilər arasında baş verənlər Sumqayıt hadisələrini xatırladır. Motiv eyni olsa da daha geniş ərazidə, müxtəlif ölkələrdə baş verməkdədir. Biz artıq müharibənin içindəyik! Əslində atəşkəs dediyimiz tarixdən bu yana düşman tərəf öz səhvlərini başa düşmələri üçün möhlət versək də onlar bir dəqiqə də olsun boşuna keçirmədən daim, gecə-gündüz durmadan döyüşüblər: media, mətbuat və.s. O qədər əxlaqlı xalqıq ki, yenə də humanizm göstərmişik, bir qədər də laqeydlikdə olub. Bu döyüş hər birimizindi: yazar qələmilə, alim elmi ilə, yəni əlindən hansı bacarıq gəlirsə özünü səfərbər edib Vətəni naminə mübarizə aparmalıdır. Elə müharibəsiz də insan ulu babalarımızın daim yaşadığı, havasını, suyunu udduğu müqəddəs torpağın qayğısını çəkməli deyilmidir? Bunu kiməsə görə yox məhz özü üçün etməlidir, - axı O, hər şeyi görür! Bütün gözəl adları özündə cəmləyən Böyük qüvvə sənin torpağa, həmyerlilərinə, ailəyə, bütövlükdə dəyərlərə münasibətini görür və əgər biz Qarabağa layiqiksə o yenə də bizim olacaqdır... Bizim olmamız üçün isə həqiqətən də bunu istəməli və ləyaqətli şəkildə güclərimizi birləşdirərək bir olmalıyıq... 
İlin bu günü həm də cümə günüdür. Türkiyədə 86 il sonra ilk dəfə Ayasofiyada “Cümə namazı” - nın qılınması zəfərinin kökündə əqidənin olmasına dəlalət etmirmi?  Kiminsə xoşuna gəlib gəlməməsini fikirləşmədən öz ideyasına, imanına söykənən xalq dünya durduqca mövcud olacaqdır. İnsan taleyində olduğu kimi dövlətlərdə bir yol keçmiş olur və bu yolda qazanclar və itgilər də qaçılmazdır. Geriyə qalan hər gün yazılmaqda olan tarix və adlardı. Vətən ocaq kimidir onu havada, suda və quruda qoruyanlar isə müqəddəs missiyanı yerinə yetirirlər... 
24 iyul pilot palkovnik – leytinant Rəşad Atakişiyevin qəza nəticəsində həlak olmasının 1 ili tamam olur. Səma şahinimizin timsalında bütün şəhidlərimizin əziz xatirəsi yad edilir, Allahdan hər bir azərbaycanlıya səbir, provakasiyalara uymadan, zəkayla Vətənə, xalqa, dövlətə xidmət etməyi diləyirik...

Canveten.az – saytı sözləri Gülağa Tənhaya aid olan “Ağlama, şəhid anası” klipini təqdim edir!

Söz: Gülağa Tənha

Musiqi: Razim Paşayev

İfa: Cabir Abdullayev

AĞLAMA, ŞƏHİD ANASI

Gözlərinə yaş olaram,
Ağlama, şəhid anası.
Oğluna qardaş olaram,
Ağlama, şəhid anası.
Üz, göylərdən buludu üz,
O çarəsiz ümidi üz.
Bağrına daş bağlayıb döz,
Ağlama, şəhid anası.
Qıyma bulud kimi dolum,
Köynəyindən keçir məni,
Gəlmişəm ki, oğlun olum,
Ağlama, şəhid anası!
Bakı, may, 1993

Hazırladı: Ağa Məhəmməd Aman

#Gülağa #Tənha #Gulaga #Tenha #Qəmbərov #Qemberov #Qəmbərov #Qemberov #гюльага #гамбаров #ганбаров #Тенхa