Təqvim
Gülağa Tənha Cəmiyyətə ünvanlanan mesaj!
17 iyun 2020 - 14:00

Azpress.az - saytı silsilə olaraq Masallı rayonu 3 saylı orta Məktəbin məzunlarının otuz il sonra bir araya gəlməsini təqdim etdi. Onların hər biri bir tale, bir yol seçib, həyatın axarına kimi uyğunlaşıb, kimi uyğunlaşmayıb... Nədir bu həyatda dayanıqlı yaşamağın sirri? Bəlkə, müdrik hekayədə deyildiyi kimi: insan həyatının sirri ovuclarındadır: hər kəs ovucuna qoyulan qilin bənnası, memarıdı... Kimi bu gildən bağçasında bitən gülləri qoymaq üçün güldan düzəldir, kimi sehirbazlığı öyrənib gili, pula çevirir... kimisi də, diqqət etmədiyi üçün əlindəkini yerə salıb bir ömür boyu əli açıq qalır... Belə çıxır ki, sehirbazlığı öyrənə bilməkmidir gerçəklik?! Bəs qədər? Beləcə suallarla həyat davam edir...

 

Tədbirin sonuna yaxın Anara adlı məktəbli Gülağa Tənhanın "Dünyaya xitab" şeiri ilə çıxış edir. Çıxışdan sonra qarmonda müşayiət edən valideyn, ovqatı dəyişdirəcək, ritmik mahnı ifa etmək istəsə də, Gülağa Tənha ifanı əli ilə qəti şəkildə dayandırır... Bu o demək idi ki, belə şeirdən və ovqatdan sonra bu üslubda musiqi ifa etmək olmaz!... Daha sonra müəllif mikrafonu götürüb cəmiyyətə ünvanlanan vacib nitqi ilə çıxış edir. Ətraflı video linkdə...

 


xeyriyyəçi - şair Gülağa Tənha "DÜNYAYA XİTAB"


Dahi rəhbərimiz Heydər Əliyevin
məzarı üstündə düşüncələr


A dünya, nə vaxtsa gözləri dolan
Bəndənin qeydinə qalacaqmısan?
Nələr etdiyini yadına salsan,
Qara bulud kimi dolacaqmısan?

 

Ürəyin daşıymış, gözün dolmadı,
Çayın qurumadı, gülün solmadı…
Ona səndən başqa qıyan olmadı,
Sən mənə vəfalı olacaqmısan?


Nə vəfan varıymış, nə etibarın,
Qəlbimi üşüdür boranın, qarın.
Mənə şam yandırıb hey korun-korun,
Ağlayıb saçını yolacaqmısan?


Özünü unutdu, xalqına yandı,
Xalqını yaşatdı, xalq onu andı.
Bu itki can yaxır xeyli zamandı,
Sən də bizim kimi yanacaqmısan?


Onsuz necə ağır keçir ömür-gün,
İnamım itibdi sənə büsbütün…
Onunla yenidən qovuşmaq üçün
Tənhanı qoynuna alacaqmısan?

Ey Tanrım, arxa ol bizim İlhama,
Xalqını çatdırsın arzuya, kama!..
Ömrünü bu yolda döndərib şama,
Sən onun qeydinə qalacaqmısan?
Sən onun qeydinə qalacaqmısan?


Bakı, Fəxri Xiyaban, 12.12.2004

 

 

#Gülağa #Tənha #Gulaga #Tenha #Qəmbərov #Qemberov #Qəmbərov #Qemberov #гюльага #гамбаров #ганбаров #Тенха

Sosial şəbəkələrdə paylaş:
Kateqoriya:
TEATR-KİNO, Həyat tərzi

Bütün hüquqlar qorunur © 2024

Haqqıımızda | Saytda reklam | Bizimlə əlaqə