Xeyriyyəçi-şair Gülağa Tənhanın sözlərinə bu dəfə əməkdar artist Bəyimxanım Vəliyeva müraciət edib. Karantin dövründə vaxtdan səmərəli istifadə edərək mütailə etməyi də unutmayaq. Tarix boyu bu kimi xəstəlik və müharibələr baş verdikdə ibadətlə bərabər ədəbiyyata, incəsənətə sığınan insanlar daha sağlam qaldıqları təsdiq olunmuşdur: yəni sıxıntı baş verdikdə insanın daxilində sanki boşluq əmələ gəlir və bu sirri bilən, mənəviyyatı qıdalandıraraq, çətin dönəmi, digərlərinə nisbətən daha rahat keçirmiş olur. Gəlin bir qədər düşünmək üçün insana xas "qibtə" hissini qısaca nəzərdən keçirdək. Bu hiss nə vaxt yaranmış olur? Əldə etdiyinə qane olmamaq, şəxsi keyfiyyətlərini lazımınca dəyərləndirməmək, öz həyatından çox digər insanların həyatı ilə maraqlanmaq və bu kimi digər xüsusiyyətlər. Qibtə etdiyiniz qonşu, qohum, tanış və ya kimliyindən asılı olmayaraq istənilən şəxs yaxından tanıyıb, daxilini görsəydiniz bəlkə də tam başqa qənaətə gəlmiş olardınız... Eləcə də çox guman ki, sizə də qibtə edənlər vardır. Odur ki, gəlin şeirləri birlikdə oxuyaq! * * * Nələr çəkdiyimi kimsə bilməyir, Səndən uzaqlarda gülməyib üzüm, Bu bahar çiçəklər erkən oyandı, TƏNHANIN ÖZ DƏRDİ VAR Məni xoşbəxt bilənlərə DƏRDİMƏ Bir qara çalmalı ağı deyərmi GƏLİR Deyəsən, sıxılır ürəyim bir az, TANRI PAYI Saçların dağılıb… SƏNƏ OXŞAYIR Bahar fəsli ləçəklənən ardı var... #Gülağa #Tənha #Gulaga #Tenha #Qəmbərov #Qemberov #Qəmbərov #Qemberov #гюльага #гамбаров #ганбаров #Тенха
Kədərdən yükümü bağlayıram mən.
Çox da ki, gözümdə yaş görünməyir,
İçimdə inləyib, ağlayıram mən.
Çəkildi sınağa etibar, dözüm,
Üzünü görməyə həsrətdi gözüm,
Yuxuda ətrini qoxlayıram mən.
Ürək həsrət ilə alışıb, yandı.
Səni itirsəmdə xeyli zamandı,
Sevgimi əmanət, saxlayıram mən.
Gülağa Tənha yaradıcılığında sanki şair yuxarıda qeyd olunan şeirinin sirrini "Tənhanın öz dərdi var" şeirində açıq aydın göstərmişdir.
Ağlayanın dərdi – bir,
Gülənin yüz dərdi var.
Dərdsiz bəndə tapılmaz,
Hərənin öz dərdi var.
Ağanın – ağa dərdi,
Dönüb yumağa dərdi,
Dərdini hara sərdi?–
Dinəmmir, söz dərdi var.
Buludun – dolmaq dərdi,
Çiçəyin – solmaq dərdi,
Közün – kül olmaq dərdi,
Ocağın köz dərdi var.
Dərdi uzaqdan tanı,
Hanı duyğusuz, hanı?..
Dərdsiz bilmə Tənhanı,
Tənhanın öz dərdi var.
20 may, 2002
Ədəniyyatda tənqidçilərin yerlərini tutmaq istəməsək də azpress.az saytı Gülağa Tənhanın bir birinə yaxın və əlaqəli şeirlərdən seçmələri oxuculara təqdim edir.
Bu ağca dərdimə, bəyaz dərdimə?
Görəsən,
gözümün yaşı dəyərmi,
Mənasız saydığım dayaz dərdimə?
Dillərə düşübdür söhbətim,
sözüm,
Özümü yandırır alovum, közüm.
Hələ ki, yollardan yığılmır gözüm,
Əlac tapılarmı bu yaz dərdimə?
Bəsdi!
Zamanıdı, dil açasıyam,
Kim deyir Tanrıya əl açasıyam?
Könlümdən biryolluq yol açasıyam,
Göynəyən,
göynədən Araz dərdimə!..
29 may, 2002
Deyəsən, bu dünya mənə dar gəlir.
Onsuz da həmişə sevincdən qabaq
Könüllər talayan intizar gəlir.
Səbr elə, kükrəmə, çağlama, axma,
Dünya günahsızdır – yandırıb yaxma,
Ah çəkib göylərin gözünə baxma,
Sənli də, sənsiz də boran, qar gəlir.
Mənə də tanışdı bu hiss, bu duyğu,
Ölümdü ürəkdə sevgi yoxluğu.
Sovuşar dağların qar soyuqluğu,
Çaylar kükrəyəndə ilk bahar gəlir.
Özün öz əlinlə əyil, dər gülü,
Yollar da sıxılır, yola sər gülü.
Çiçəyim, adətdi, təzə-tər gülü
Dərməyə həvəslə nazlı yar gəlir.
Bu da bir qovğadı qollu-qanadlı,
Əzabı – şirindi, qəhəri – dadlı.
Təntimə, darıxma, sənə mən adlı
haqdan qüdrət alan havadar gəlir.
Çiliklə, parçala gümanı burda,
Dağla şəri burda, yamanı burda,
Qurtar tənhalıqdan Tənhanı burda,
Sevgimdən sənə bir ixtiyar gəlir!
Sumqayıt, 04.10. 2004
Gül yatağında
uzanıb yatmısan bəlkə indi sən.
Mənim yuxum isə ərşə çəkilib,
Nələr çəkdiyimi hardan biləsən?
Yuxumu qaçıran dəli bir eşqin,
Coşqun harayıdı, çılğın hayıdı.
Ömrümün narahat, vurğun günləri
Mənə göndərilən Tanrı payıdı.
İspaniya, sentyabr, 2001
Çiçəklər sənə oxşayır.
Yarpaqlara sığal çəkən
Küləklər sənə oxşayır.
Həsədini çəkən gül də,
Xiffət nəğməli bülbül də,
Yanan-yandıran könüldə
Diləklər sənə oxşayır.
Günəş kimi işıq saçan,
Saf eşqinə nəğmə qoşan,
Çaylar kimi aşıb-daşan
Ürəklər sənə oxşayır.
İspaniya, 1999
Bütün hüquqlar qorunur © 2024