Təqvim
Azərbaycanın İtaliyadakı səfiri İtaliya mətbuatına ölkəmizdə COVID-19 virusuna qarşı mübarizə tədbirlərindən danışıb
24 aprel 2020 - 15:57

İtaliyanın Scenari Internazionali online jurnalında Azərbaycanın bu ölkədəki səfiri Məmməd Əhmədzadə ilə “İtaliya ilə həmrəyik, böhrandan sonra strateji tərəfdaşlığımızı gücləndirəcəyik” sərlövhəli geniş müsahibə dərc olunub.

Müsahibəyə girişdə jurnalın redaksiyası tərəfindən qeyd edilib ki,jurnal digər ölkələrin Covid-19 pandemiyasına qarşı mübarizəsi təcrübəsinin İtaliya ictimaiyyətinə təqdim edilməsinəbaşlayıb vəbu xüsusda, ilk olaraq Çinin İtaliyadakı səfiri ilə müsahibə dərc olunub. Vurğulanıb ki, Avropa ilə müqayisədəvirusun daha az yayıldığıAzərbaycanda Covid-19 pandemiyasının yayılmasına qarşı mübarizə və iqtisadi sabitliyin təmini üçün atılan addımların maraqlı olduğunu nəzərə alaraq,redaksiya ikinci müsahibəni Azərbaycanın İtaliyadakı səfirindən almaq qərarına gəlib.

Müsahibəsində diplomat Azərbaycanda COVID-19 virusunun yayılmasının qarşısının alınması istqiamətində Azərbaycan hökuməti tərəfindən görülən tədbirlər, tətbiq olunan xüsusi karantin rejimi, ölkəmizdə mövcud olan müasir səhiyyə infrastrukturu, yenicə istifadəyə verilmiş tibbi mərkəzləri, bu sahədə həyata keçirilən beynəlxalq əməkdaşlıq barədə məlumat verib. Diplomat Azərbaycanda hazırkı şəraitdə ölkəmizdə iqtisadi sabitliyin qorunması, iqtisadi inkişafın təmin olunması, məşğulluq məsələlərinin və sahibkarlıq subyektlərinin dəstəklənməsiüçün hökumət tərəfindən atılan addımlar barədə danışıb.

Mövcud şəraitdə səfirliyin fəaliyyəti barədə də məlumat verən diplomat, İtaliyadakı vətəndaşlarımızla təmasların daha operativ şəkildə təmin edilməsi üçün Səfirlikdə yaradılmış “qaynar xətt”, eləcə də onların Azərbaycana təxliyəsinin təşkili istiqamətində aparılan işdən bəhs edib.

Azərbaycan-İtaliya strateji tərəfdaşlığından danışan diplomat fevral ayında Prezident İlham Əliyevin İtaliyaya tarixi dövlət səfərinin, səfər vaxtı aparılmış müzakirələrin, keçirilmiş tədbirlərin, imzalanmış çoxsaylı sənədlərin, xüsusilə də “Çoxölçülü Strateji Tərəfdaşlığın Gücləndirilməsinə dair Birgə Bəyannamə”nin iki ölkə arasında münasibətlərin ən yüksək səviyyəyə çatdırıldığını, elədədə münasibətlərdə yeni əməkdaşlıq sahələri üzrə daha geniş perspektivlər açdığını nümayiş etdirdiyini bildirib. Diplomat bu güclü fundamentə əsaslanaraq post-pandemiya dövründə strateji tərəfdaşlığın daha da gücləndiriləcəyinə tam inamını ifadə edib.

Bu mürəkkəb dönəmdə Azərabycan xalqının dost İtaliya xalqı ilə həmrəylik və yaxınlıq nümayiş etdirdiyni deyən səfir bu xüsusdaölkəmizdə həyata keçirilən tədbirlər, o cümlədən Bakı Media Mərkəzinin hazırladığı dəstək videoçarxı və Heydər Əliyev Mərkəzinin binasının üzərində İtaliya bayrağının videoproyeksiyası barədə danışıb və bu tədbirlərin İtaliya ictimaiyyəti tərəfindən yüksək qiymətləndirildiyini, İtaliya mətbuatının və sosial şəbəkələrinböyük diqqətində olduğunu bildirib.

Müsahibə ilə aşağıdakı keçiddən tanış olmaq mümkündür:

https://www.scenari-internazionali.com/azerbaigian-ambasciatore-ahmadzada-solidali-con-litalia-dopo-la-crisi-potremo-elevare-partenariato-strategico/

Sosial şəbəkələrdə paylaş:
Gülağa Tənha Respublika günü11:33, 28 may 2020
Qərib Mürşüdov “Viruslar və pandemiya: cari vəziyyət və gələcək və ya umidlər və reallıq” mövzusunda onlayn ustad dərsini keçəcəkdir 18:29, 27 may 2020
Əlahiddə Ümumqoşun Orduda kəşfiyyatçılar arasında yarışlar keçirilib - VIDEO16:27, 27 may 2020
İlham Əliyevin Şamaxı rayonuna səfəri 16:23, 27 may 2020
Rektor Vilayət Vəliyevin tələbələrə müraciəti 16:21, 27 may 2020
XVI-XVII əsrlərdə Habsburqlar və Səfəvilərin diplomatik əlaqələri mövzusunda onlayn elmi seminar keçiriləcəkdir 16:18, 27 may 2020
Kapital Bank POS terminal komissiyalarına endirim etdi 16:17, 27 may 2020
Paytaxtın bu ərazisində suyun verilişi dayandırılıb 16:16, 27 may 2020
Hər evdə olan bu adi 3 məhsul qaraciyəri xəstəliklərdən qoruyur 16:13, 27 may 2020
Gülağa Tənha Məktəb illəri "Otuz ilin sirri" VII hissə12:54, 27 may 2020
Ceyranbatan Sutəmizləyici Qurğularında əsaslı bərpa və yenidənqurma işləri aparılır 15:47, 26 may 2020
Ombudsmanın Cəlilabad Regional Mərkəzi videokonfrans keçirib 15:44, 26 may 2020
Bir araya gəlib "Əl açdım göylərə" dedilər - VIDEO15:41, 26 may 2020
“Almatı”nın voleybolçusu təqibçilərini darıxmağa qoymur 15:38, 26 may 2020
Gözəl mahnı möhtəşəm ifada 15:36, 26 may 2020
Gülağa Tənha Məktəb illəri VI hissə15:00, 26 may 2020
Ramazan bayramı və Respublika Günü münasibətilə tədbir 14:33, 26 may 2020
Aysel Əlizadə nişanlanıb? - VIDEO13:30, 26 may 2020
Vüsalə Musalı Filologiya elmlərində yeni araşdırma və tədqiqat metodları mövzusunda onlayn mühazirə keçəcəkdir 12:26, 26 may 2020
“Müstəqil Azərbaycan Respublikası Azərbaycan Xalq Cümhuriyyətinin siyasi varisidir” mövzusunda virtual Elmi konfransı keçiriləcək 12:25, 26 may 2020
 

Bütün hüquqlar qorunur © 2020

Haqqıımızda | Saytda reklam | Bizimlə əlaqə