Təqvim
Şura 56 layihəni korona ilə mübarizəyə dəyişdi – Müraciət
28 mart 2020 - 17:26

Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının sədri, millət vəkili Azay Quliyev QHT-lərə və birgə qrant müsabiqəsi keçirdiyi qurumlara müraciət edib.
Şura sədri müraciətini təqdim edir:
- Hörmətli QHT nümayəndələri və tərəfdaş qurumlar, Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurası ölkəmizdə koronavirusun geniş yayılmasının qarşısını almaq məqsədilə dövlətimiz tərəfindən həyata keçirilən qabaqlayıcı tədbirlərdə QHT-lərin yaxından iştirakını təmin etmək üçün növbəti mühüm təşəbbüslə çıxış etməyə qərar verib.
Belə ki, Şura müvafiq dövlət qurumları ilə birgə həyata keçirdiyi (bu ilin martın 5-də nəticələr elan olunub) aşağıdakı 9 qrant müsabiqələrinin qalibi olan 56 layihənin mövzularını və fəaliyyət planını dəyişərək koronavirusla mübarizə tədbirlərinə yönəltməyi təklif edir:
Səhiyyə Nazirliyi ilə birgə keçirilən qrant müsabiqəsi üzrə qeyri-infeksion xəstəliklərə dair əhalinin maarifləndirilməsi, Antibiotiklərə qarşı rezistentlik mövzusunda əhalinin maarifləndirilməsi, Qazanılmış İmmun Çatışmazlığı Sindromunun (QİÇS), virus hepatitlerinin və cinsi yolla keçən infeksiyaların yayılmasının qarşısının alınması və ondan qorunma yolları barədə maarifləndirmə tədbirlərinin təşkili;
İcbari Tibbi Sığorta üzrə Dövlət Agentliyi ilə birgə keçirilən qrant müsabiqəsi üzrə regionlarda əhalinin icbari tibbi sığorta haqqında maarifləndirilməsi;
Ekologiya və Təbii Sərvətlər Nazirliyi ilə birgə keçirilən qrant müsabiqəsi üzrə ictimai yerlərdə ətraf mühitə tullantıların atılmasının qarşısının alınması;
İctimai Televiziya (İTV) ilə birgə keçirilən qrant müsabiqə üzrə ətraf mühitin qorunmasına həsr olunan sosial çarxların hazırlanması;
Təhsil Nazirliyi ilə birgə keçirilən qrant müsabiqə üzrə tələbələr arasında könüllülüyün təbliği və tələbə-könüllülər hərəkatının təşkili;
Ailə, Qadın və Uşaq problemləri üzrə Dövlət Komitəsi ilə birgə keçirilən qrant müsabiqə üzrə gənc ailələrə psixoloji yardımın göstərilməsi;
Bakı Nəqliyyat Agentliyi ilə birgə keçirilən qrant müsabiqə üzrə yol hərəkəti iştirakçılarının təhlükəsizliyinin təmin olunması ilə bağlı maarifləndirmə tədbirlərinin təşkili, İctimai nəqliyyatda davranış qaydalarının təşviqi, yol-nəqliyyat hadisələrində ilkin tibbi yardımın göstərilməsi ilə bağlı maarifləndirmə işinin təşkili;
Dövlət Miqrasiya Xidməti ilə birgə keçirilən qrant müsabiqəsi üzrə Azərbaycanda yaşayan əcnəbilərin və qaçqın statusu verilmiş şəxslərin Azərbaycan cəmiyyətinə inteqrasiyasının dəstəklənməsi;
Sosial Tədqiqatlar Mərkəzi ilə birgə keçirilən qrant müsabiqəsi üzrə sosial şəbəkələrdə informasiya təhlükəsizliyinin təmin olunmasında vətəndaş cəmiyyətinin rolunun artırılması ilə bağlı tədqiqatların aparılması, sosial-iqtisadi islahatlar çərçivəsində həyata keçirilən fəaliyyətlərə dair təhlillərin hazırlanması və monitorinqlərin həyata keçirilməsi mövzusunda olan layihələr.
Şura bu istiqamətlər üzrə qalib olmuş layihələr çərçivəsində görüləcək işin və nəzərdə tutulan fəaliyyət planının tam olaraq koronavirusla mübarizə tədbirlərinə dəyişməyin mümkünlüyü qənaətində olsa da, bu dəyişikliyin tərəfdaş qurumlar və QHT-lər tərəfindən könüllü olaraq həyata keçirilməsini vacib hesab edir.
Ona görə də Şura Katibliyinin əməkdaşları təklif olunan dəyişiklikləri müvafiq dövlət qurumları və QHT-lərlə onlayn qaydada razılaşdırdıqdan sonra onlarla müqavilə sənədlərinin hazırlanması və imzalanması prosesinə başlayacaq.
Ümid edirəm ki, həm QHT-lər, həm də tərəfdaş qurumlar ölkəmizi ciddi şəkildə təhdid edən Koronavirusla mübarizəyə bütün resursların səfərbər olunması məqsədilə Şuranın qəbul etdiyi bu vacib qərarı anlayışla qarşılayacaq, onu dəstəkləyəcək, xalqımızın təhlükəsizliyinin və sağlamlığının qorunması naminə üzərlərinə düşən vəzifəni layiqincə yerinə yetirəcəklər.

Sosial şəbəkələrdə paylaş:
Gülağa Tənha Respublika günü11:33, 28 may 2020
Qərib Mürşüdov “Viruslar və pandemiya: cari vəziyyət və gələcək və ya umidlər və reallıq” mövzusunda onlayn ustad dərsini keçəcəkdir 18:29, 27 may 2020
Əlahiddə Ümumqoşun Orduda kəşfiyyatçılar arasında yarışlar keçirilib - VIDEO16:27, 27 may 2020
İlham Əliyevin Şamaxı rayonuna səfəri 16:23, 27 may 2020
Rektor Vilayət Vəliyevin tələbələrə müraciəti 16:21, 27 may 2020
XVI-XVII əsrlərdə Habsburqlar və Səfəvilərin diplomatik əlaqələri mövzusunda onlayn elmi seminar keçiriləcəkdir 16:18, 27 may 2020
Kapital Bank POS terminal komissiyalarına endirim etdi 16:17, 27 may 2020
Paytaxtın bu ərazisində suyun verilişi dayandırılıb 16:16, 27 may 2020
Hər evdə olan bu adi 3 məhsul qaraciyəri xəstəliklərdən qoruyur 16:13, 27 may 2020
Gülağa Tənha Məktəb illəri "Otuz ilin sirri" VII hissə12:54, 27 may 2020
Ceyranbatan Sutəmizləyici Qurğularında əsaslı bərpa və yenidənqurma işləri aparılır 15:47, 26 may 2020
Ombudsmanın Cəlilabad Regional Mərkəzi videokonfrans keçirib 15:44, 26 may 2020
Bir araya gəlib "Əl açdım göylərə" dedilər - VIDEO15:41, 26 may 2020
“Almatı”nın voleybolçusu təqibçilərini darıxmağa qoymur 15:38, 26 may 2020
Gözəl mahnı möhtəşəm ifada 15:36, 26 may 2020
Gülağa Tənha Məktəb illəri VI hissə15:00, 26 may 2020
Ramazan bayramı və Respublika Günü münasibətilə tədbir 14:33, 26 may 2020
Aysel Əlizadə nişanlanıb? - VIDEO13:30, 26 may 2020
Vüsalə Musalı Filologiya elmlərində yeni araşdırma və tədqiqat metodları mövzusunda onlayn mühazirə keçəcəkdir 12:26, 26 may 2020
“Müstəqil Azərbaycan Respublikası Azərbaycan Xalq Cümhuriyyətinin siyasi varisidir” mövzusunda virtual Elmi konfransı keçiriləcək 12:25, 26 may 2020
 

Bütün hüquqlar qorunur © 2020

Haqqıımızda | Saytda reklam | Bizimlə əlaqə