Təqvim
Azərbaycan Milli Xalça Muzeyinin 50 illiyinə həsr olunmuş kitab təqdim olundu (+FOTOLAR)
26 noyabr 2019 - 16:20

Canveten.az xəbər verir ki, Bakı Kitab Mərkəzində “Azərbaycan Xalça Muzeyi” adlı kitabın təqdimat mərasimi keçirildi.Tədbirdə Mədəniyyət naziri Əbülfəs Qarayev, Yazıçılar Birliyinin sədri, Xalq yazıçısı Anar, Azərbaycan Milli Xalça Muzeyinin direktoru Şirin Məlikova, Bakı Kitab Mərkəzinin direktoru Günel Rzayeva qonaqlar qarşısında çıxış etdilər. Gecənin aparıcısı Rəşad Mehdili oldu.

Muzeyin yeni nəşrindəbu mədəniyyət ocağının tarixi, Azərbaycan xalçalarının müxtəlif növləri, dekorativ-tətbiqi sənətin ayrı-ayrı sahələri, zəngin kolleksiyasının ən gözəl nümunələri, xalça sənətinin inkişafında xüsusi rolu olan görkəmli şəxslər haqqında məlumatlar öz əksini tapıb. Dörd yüz səhifədən ibarət Azərbaycan, ingilis və rus dillərində hazırlanmış kitabda muzeyin eksponatlarının şəkilləri ilə yanaşı, onun tarixini əks etdirən arxiv fotoları və sənədləri geniş illüstrativ materiallar əsasında verilib.

Azərbaycan Milli Xalça Muzeyində “Xovlu xalçalar”, “Xovsuz xalçalar”, “Xalça məmulatları”, “Parça, geyim və tikmə”, “Keramika, ağac, şüşə və kağız”, “Zərgərlik” və “Bədii metal” kolleksiyaları qorunur. Kolleksiyaların hər biri haqqında sənətşünaslar və müvafiq sənət sahələrinin mütəxəssisləri tərəfindən müfəssəl fəsillər hazırlanıb. Kitabda həmçinin muzeyin sərgi işi, beynəlxalq əlaqələr, Qarabağın işğalından sonra Milli Xalça Muzeyində müvəqqəti fəaliyyət göstərən Şuşa filialına həsr olunmuş bölmələr də yer alıb.

Təqdimatda muzeyin direktoru Şirin Məlikova kitabın müəlliflərini – Kübra Əliyeva, Mira Məmmədxanova, Aytən Əhmədova, Aygün Abbasova, Gülzadə Abdulova və Qoşqar Qoşqarlını təqdim etdi.Hər müəllif öz çıxışında tədqiq etdiyi kolleksiya barədə məlumat verdi.

Onların çıxışlarında yer alan mövzulara əsasən auditoriyadakı qonaqlar arasında müsabiqə keçirildi. Müsabiqədə Milli Xalça Muzeyi, onun müxtəlif eksponatları, məsələn, muzeyin ilk eksponatı “Balıq” xovlu xalçası, arxeoloji qazıntılar zamanı aşkarlanmış keramik qab və məfrəşə aid suallar verildi. Qaliblərə müxtəlif mükafatlar – Milli Xalça Muzeyininnəşrləri, muzeyə pulsuz giriş və s. təqdim edildi.

Təqdimat mərasimində Azərbaycan Milli Xalça Muzeyinin fəaliyyətini və yeni kitabı əks etdirən video-çarx nümayiş olundu.

Azərbaycan Dövlət Akademik Musiqili Teatrının solisti, Əməkdar artist Nərgiz Kərimova və Azərbaycan Dövlət Akademik Opera və Balet Teatrının solisti Fərid Əliyev Üzeyir Hacıbəylinin “Arşın mal alan” operettasından Əsgər və Gülçöhrənin duetini ifa etdilər.

Tədbirin sonunda qonaqlar yeni toxunan xalçanın adət-ənənəyə uyğun şəkildə dəzgahdan kəsimində iştirak etdilər. Xalçada ənənəvi xovsuz şəddə kompozisiyasının süjeti – dəvə karvanı əks olunub. Yeni hazırlanmış xalça xovlu və xovsuz texnikaların birgə tətbiqi ilə hazırlanıb. İki texnikanı özündə birləşdirən xalçalar son dövrlərMilli Xalça Muzeyinin Ənənəvi texnologiya şöbəsinin əməkdaşları tərəfindən görmə qabiliyyəti məhdud insanlar üçün hazırlanır. Toxucular xovsuz yastı səthtə xovlu texnikada yüksək sıxlıqla ornamentləri toxuyurlar. Bu yenilik görmə qabiliyyətini itirmiş və ya görmə qabiliyyəti məhdud olan insanlara xalçalarımızı “görmək”, texnikaların müxtəlifliyini hiss etmək, toxunmaqla qabarıq ornamenti duymaq imkanı verir.

Tədbirdə Ənənəvi texnologiya şöbəsinin əməkdaşlarının işləri də nümayiş etdirildi. Muzeyin Uşaq şöbəsinin əməkdaşları qonaqlara çətən, şəddə və suvenir xalçalar üzrə ustad dərsləri keçdi. Ən yaxşı əl işlərinin müəllifləri muzey tərəfindən mükafatlandırıldı. 

 

Sosial şəbəkələrdə paylaş:
ZİYA MƏMMƏDOVUN DÜKAN QALMAQALI QAZİLƏRİ AYAĞA QALDIRDI - VİDEO17:34, 28 mart 2020
Britaniya kraliçası da koronaya yoluxdu17:29, 28 mart 2020
Şura 56 layihəni korona ilə mübarizəyə dəyişdi – Müraciət17:26, 28 mart 2020
Gülağa Tənha Özündən sonra gələn nəsil üçün...17:21, 28 mart 2020
“Könüllü DOST”lardan tənha yaşlılara əsl dost dəstəyi 12:13, 28 mart 2020
“BakuBus” avtobuslarında yeni qaydaların tətbiqinə başlanılıb 12:10, 28 mart 2020
Bakıda küçəyə çıxma qadağası... - DİN-dən cavab12:07, 28 mart 2020
Əlahiddə Ümumqoşun Orduda praktiki atışlar keçirilib - VİDEO12:03, 28 mart 2020
Gülağa Tənha İşıq gələn tərəfə...23:52, 27 mart 2020
Azərbaycanda dəhşətli faciə: 4 yaşlı uşaq avtomobildə yanaraq öldü 18:33, 27 mart 2020
Ağcabədidə ahıl və tənha sakinlər qayğı ilə əhatə olunub 18:29, 27 mart 2020
Milli Məclisdə informasiya mübadiləsi internet üzərindən uğurla davam etdirilir 18:25, 27 mart 2020
Muxtar respublikada dezinfeksiya işləri davam etdirilir 18:23, 27 mart 2020
Gənclər Fondunun fəaliyyəti ilə bağlı məlumatlar 12:38, 27 mart 2020
Dahilərin xəstəliyi - epilepsiya... 12:34, 27 mart 2020
Azərbaycan İstiqlal Muzeyi Koronavirusla Mübarizəyə Dəstək Fonduna vəsait köçürüb.12:31, 27 mart 2020
“AzRusTrans” QSC Koronavirusla Mübarizəyə Dəstək Fonduna vəsait ayırdı 12:28, 27 mart 2020
Tənha yaşlılara göstərilən sosial xidmətlərə dəstək olan qurumların sırası genişlənir 19:26, 26 mart 2020
Gülağa Tənha Tövsiyə!19:18, 26 mart 2020
Koronavirusdan ən çox ziyan çəkən 12 sahə... - Nazir açıqladı19:13, 26 mart 2020
 

Bütün hüquqlar qorunur © 2020

Haqqıımızda | Saytda reklam | Bizimlə əlaqə