Təqvim
Daşkənddə böyük Azərbaycan yazıçısı Cəlil Məmmədquluzadənin 150 illiyi ilə əlaqədar elmi-praktik konfrans keçirilib (+FOTOLAR)
31 oktyabr 2019 - 17:09

Canveten.az xəbər verir ki,  Mirzə Uluğbəy adına Özbəkistan Milli Universiteti Özbəkistandakı Heydər Əliyev adına Azərbaycan Mədəniyyət Mərkəzi ilə birgə böyük Azərbaycan yazıçısı, “Molla Nəsrəddin” ədəbi məktəbinin banisi Cəlil Məmmədquluzadənin 150 illiyi ilə əlaqədar elmi-praktik konfrans keçirib.

     Konfrans çərçivəsində Cəlil Məmmədquluzadənin Daşkənddə özbək dilində çap olunan “Poçta qutusi” kitabının təqdimatı da olub.

     Konfransda Özbəkistanın elm və mədəniyyət xadimləri, yazıçılar, universitetin professor-müəllim heyəti, tələbələr iştirak edib.

     Əvvəl iştirakçılar AMM-nin təşkil etdiyi sərgiyə baxıblar. Sərgidə Ulu Öndər Heydər Əliyevin həyat və fəaliyyəti, Prezident İlham Əliyevin rəhbərliyi ilə ölkəmizin iqtisadi inkişafından bəhs edən kitablar, “Qarabağ həqiqətləri” seriyasından Heydər Əliyev Fondu tərəfindən rus və ingilis dillərində çap edilən nəşrlər, Özbəkistandakı Heydər Əliyev adına Azərbaycan Mədəniyyət Mərkəzinin Daşkənddə Azərbaycanın tarixi və mədəniyyəti ilə bağlı özbək dilində çap etdirdiyi kitablar nümayiş etdirilib. Sonda kitablar universitetə hədiyyə olunub.

     Professor Həmidulla Baltabayev Cəlil Məmmədquluzadənin həyatı və yaradıcılığı haqqında məlumat verib.

     Universitetin prorektoru Raxima Kərimova Azərbaycan-özbək ədəbi əlaqələrindən danışıb, son bir neçə ildə Özbəkistanda Azərbaycan ədəbiyyatı və mədəniyyətinə dair çoxlu kitabın çap edildiyini, bu işdə Mədəniyyət Mərkəzininin böyük rolu olduğunu vurğulayıb.

    Özbəkistandakı Heydər Əliyev adına Azərbaycan Mədəniyyət Mərkəzinin direktoru Samir Abbasov Azərbaycan-özbək dostluğundan, həmçinin şair və yazıçılarımızın yaradıcılıq əlaqələrindən danışıb. O deyib ki, indiyədək Azərbaycan ədəbiyyatı, mədəniyyəti və tarixi ilə bağlı Özbəkistandakı Heydər Əliyev adına Azərbaycan Mədəniyyət Mərkəzin layihəsi ilə Daşkənddə özbək dilində  60-dan artıq kitab işıq üzü görüb. Böyük Azərbaycan şairi Nizami Gəncəvinin “Xəmsə”si özbək dilində tərcümə olunub və Daşkənddə çap edilmişdir. Sonra natiq  Azərbaycan ədəbiyyatının görkəmli nümayəndəsi, böyük yazıçı, dramaturq, publisist və ictimai xadim Cəlil Məmmədquluzadənin yaradıcılığından söz açıb, ədibin “Molla Nəsrəddin” ədəbi məktəbin banisi olduğunu vurğulayıb. Diplomat öz nitqində qeyd edib ki, yazıçının yazdığı hekayələr onu kiçik janrın böyük ustadı kimi tanıtmışdır. Azərbaycan Respublikası Prezidenti cənab İlham Əliyevin Sərəncamı ilə 2019-cu il 17 yanvar tarixində Azərbaycan ədəbiyyatının görkəmli nümayəndəsi Cəlil Məmmədquluzadənin 150 illik yubileyi qeyd edilib.

Azərbaycan Milli Elmlər Akademiyası (AMEA) Nizami Gəncəvi adına Ədəbiyyat İnstitutunun  Azərbaycan-Türkmənistan-Özbəkistan ədəbi əlaqələri şöbəsinin müdiri, filologiya üzrə elmlər doktoru Almaz Ülvi Binnətova Cəlil Məmmədquluzadəni yazıçı, dramaturq, jurnalist, ictimai xadim kimi təhlil edib, milli mətbuatımızın inkişafında ədibin nəşr etdiyi “Molla Nəsrəddin” jurnalının yerindən və rolundan danışıb. O deyib ki, “Molla Nəsrəddin” jurnalının birinci nömrəsi 1906-cı ildə  Tiflisdə işıq üzü görüb. Belə ki, jurnal1906-1918-ci illərdə Tiflisdə, 1921-ci ildə Təbrizdə, 1922-1931-ci illərdə Bakıda nəşr edilib. 25 il ərzində nəşrin 748 nömrəsi çıxıb.

     Dosent Gülbahar Aşurova və filologiya üzrə fəlsəfə doktoru Obidjon Şofiyev “Molla Nəsrəddin” jurnalının ancaq Azərbaycanda deyil, Orta Asiyada da maraqla oxunduğunu diqqətə çatdırıblar.

     Almaz Ülvi Binnətova böyük satirik yazıçının mis üzərində döyülmüş portretini və Bakıda “Molla Nəsrəddin” jurnalının latın qrafikası ilə nəfis şəkildə  çap olunan birinci və ikinci cildlərini universitetə hədiyyə edib.

     Konfransın sonunda AMEA Nizami Gəncəvi adına Ədəbiyyat İnstitutu ilə Mirzə Uluğbəy adına Özbəkistan Milli Universiteti arasında əməkdaşlıq haqqında Memorandum imzalanıb.  

 

Sosial şəbəkələrdə paylaş:
Gülağa Tənha "Fartuna" komandası...13:00, 08 avqust 2020
Gülağa Tənhanın Prezident cənab İlham Əliyevin sərəncamlarına uyğun fəaliyyəti... (I hissə) 13:35, 07 avqust 2020
Ərazi məişət tullantılarından təmizlənir 15:19, 06 avqust 2020
Müddətdən artıq həqiqi hərbi xidmət keçmək istəyənlərin nəzərinə 15:18, 06 avqust 2020
Dr. Vasif Əliyev: “COVİD-19 virusuna qalib gələcəyimiz gün çox uzaqda deyil.” 15:16, 06 avqust 2020
Azərbaycan və Türkiyə hərbçiləri birgə təlimlərin müxtəlif elementlərini icra ediblər - VİDEO 15:14, 06 avqust 2020
Peşə təhsili üzrə qeyri-formal və informal təhsil formaları ilə bağlı qiymətləndirilmə həyata keçiriləcək 15:12, 06 avqust 2020
Pakistan Prezidentinin Azərbaycana təşəkkürü və Qarabağ məsələsi.. 15:10, 06 avqust 2020
Gülağa Tənha insan özünə uyğun dost seçir...03:00:00, 06 avqust 2020
Hannover şəhərində Azərbaycan ordusuna dəstək mitinqi keçirilib 18:58, 05 avqust 2020
Antonio Konte "Yuventus"a dönmək istəyir (AZpressAZ) İNTİQAM Məmmədov 18:56, 05 avqust 2020
Haaqada Xocalı abidəsi daha münasib yerə köçürülüb 18:55, 05 avqust 2020
Yeni dərs ilində tədris prosesinin təşkili haqqında 18:53, 05 avqust 2020
uBankdan yeni imkan: Sizə “Contact” ilə göndərilən pulu banka getmədən alın! 18:51, 05 avqust 2020
Özbək professor Gülbahar Aşurova dünya analarına müraciət etdi: bu işğal bitməyincə axan qanlar durmayacaq, uşaqlar qətl ediləcək, anaların göz yaşları qurumayacaq. 18:50, 05 avqust 2020
Gülağa Tənha başqa ölkəyə çıxıb getməsinin sirrini açıqladı15:00, 05 avqust 2020
BDU məzunları təəssüratlarını bölüşür 18:47, 04 avqust 2020
Avqustun 1-dək Silahlı Qüvvələrə Yardım Fonduna daxil olan vəsait 18:45, 04 avqust 2020
Çimərliklərdə monitorinqlər keçirilib 18:44, 04 avqust 2020
Dönüş yeni vəhdət yaratdı... 18:42, 04 avqust 2020
 

Bütün hüquqlar qorunur © 2020

Haqqıımızda | Saytda reklam | Bizimlə əlaqə