Təqvim
Nizami Gəncəvinin özbək dilinə tərcümə olunmuş "Xəmsə"sinin təqdimatı keçirilib (+FOTOLAR)
18 oktyabr 2019 - 12:25

Canveten.az xəbər verir ki, oktyabrın 10-da AMEA-nın Nizami Gəncəvi adına Milli Azərbaycan Ədəbiyyatı Muzeyində dahi şair Nizami Gəncəvinin özbək dilinə tərcümə  olunmuş Xəmsəsinin təqdimatı keçirilib.

Vəsait Özbəkistandakı Heydər Əliyev adına Azərbaycan Mədəniyyət Mərkəzinin nəzdindəki tərcümə bürosu tərəfindən tərcümə edilib.

Tədbirdə Azərbaycan Milli Məclisinin deputatı, AMEA-nın professoru Qənirə Paşayeva, filologiya üzrə elmlər doktoru Sona Vəliyeva, Özbəkistandakı Heydər Əliyevadına  Azərbaycan Mədəniyyət Mərkəzinin direktoru Samir Abbasov, Özbəkistan Yazıçılar Birliyinin üzvü, publisist Babaxan Şərif, şairə Xasiyyət Rüstəmova, tarixçi- publisist Şöhrət Barlas, KİV nümayəndələri və digər şəxslər iştirak ediblər.

Mərasimi muzeyin direktoru, akademik Rafael Hüseynov açaraq Nizami Xəmsəsinin yeni təntənəsi mövzusunda  məruzə ilə çıxış edib. Akademik qeyd edib ki, XII-XIII əsrlərdə yaşamış dahi Nizami Gəncəvinin irsi hər zaman dünya ədəbi-elmi fikrinin diqqət mərkəzində olub, tükənməz xəzinə kimi qorunub saxlanılıb. R.Hüseynov Nizaminin öz yaradıcılığı ilə fars dilini ən yüksək mərhələyə qaldırdığını, lakin bütün əsərlərində türkçülüyün nəfəsinin hiss olunduğunu vurğulayıb.

XIII əsrdə Hindistanın türk əsilli böyük şairi Əmir Xosrov Dəhləvi tərəfindən Nizaminin Xəmsəsinə cavab yazıldığını deyən R.Hüseynov bununla Nizamişünaslığın əsasının qoyulduğunu, sonrakı dövrlərdə bir çox tanınmış ədiblərin dahi şairin poemalarına müraciət etdiyini bildirib. Akademik həmin ədiblərdən görkəmli özbək şairi Əlişir Nəvainin Xəmsəsinin xüsusilə fərqləndiyini və onun Nizami Gəncəvinin əsərlərini yeni mərhələyə qaldırdığını diqqətə çatdırıb.

Özbəkistan elmi-ədəbi ictimaiyyətində Nizaminin daim xatırlandığını və sevildiyini deyən məruzəçi bildirib ki, Daşkənd şəhərində yerləşən Dövlət Pedaqoji Universiteti 1936-cı ildən dahi azərbaycanlı şairin adını daşıyır. Təqdimatı keçirilən kitabın Camal Kamal tərəfindən yüksək peşəkarlıqla tərcümə edildiyini diqqətə çatdıran akademik nəşrin bir çox ölkələrin elmi mərkəzlərinə göndəriləcəyini söyləyib. R.Hüseynov, həmçinin Nizaminin divanının nəşrə hazırlandığını və çap olunduqdan sonra özbək dilinə tərcüməsinin nəzərdə tutulduğunu vurğulayıb. Bundan əlavə, Nizami Gəncəvinin “Yeddi gözəl” poemasının Slovakiyada özünün yazdığı müqəddimə ilə işıq üzü gördüyünü xatırladan alim şairin digər əsərlərinin də slovak dilində nəşrinin planlaşdırıldığını deyib.

R.Hüseynov, o cümlədən hazırda Əlişir Nəvainin Xəmsəsinin filologiya elmləri doktoru Ramiz Əskər tərəfindən Azərbaycan dilinə tərcümə edildiyini bildirib.

Sonra çıxış edən Özbəkistandakı Heydər Əliyev adına Azərbaycan Mədəniyyət Mərkəzinin direktoru Samir Abbasov rəhbərlik etdiyi qurumun fəaliyyəti haqqında məlumat verib. Qeyd edib ki, mərkəz 2013-cü ildə fəaliyyətə başlayıb və ötən dövr ərzində Azərbaycanın tarixi, mədəniyyəti və ədəbiyyatına dair 60-dan artıq kitab özbək dilinə tərcümə olunub. Nizaminin əsrlərdir poemaları ilə bəşəriyyəti fəth etdiyini deyən S.Abbasov yeni nəşrin iki xalq arasında dostluq əlaqələrini daha da möhkəmləndirəcəyini bildirib.

Tədbirdə, həmçinin muzeyin elmi işlər üzrə direktor müavini, filologiya üzrə elmlər doktoru, professor Xatirə Bəşirlinin Nizami və özbək ədəbiyyatı və şöbə müdiri, filologiya üzrə elmlər doktoru, professor Kamil Allahyarovun Nizami əsərlərinin  təbliğində tərcümənin rolu mövzusunda məruzələri dinlənilib.

Mərasim öz işini çıxışlarla davam etdirib.

 

Sosial şəbəkələrdə paylaş:
ZİYA MƏMMƏDOVUN DÜKAN QALMAQALI QAZİLƏRİ AYAĞA QALDIRDI - VİDEO17:34, 28 mart 2020
Britaniya kraliçası da koronaya yoluxdu17:29, 28 mart 2020
Şura 56 layihəni korona ilə mübarizəyə dəyişdi – Müraciət17:26, 28 mart 2020
Gülağa Tənha Özündən sonra gələn nəsil üçün...17:21, 28 mart 2020
“Könüllü DOST”lardan tənha yaşlılara əsl dost dəstəyi 12:13, 28 mart 2020
“BakuBus” avtobuslarında yeni qaydaların tətbiqinə başlanılıb 12:10, 28 mart 2020
Bakıda küçəyə çıxma qadağası... - DİN-dən cavab12:07, 28 mart 2020
Əlahiddə Ümumqoşun Orduda praktiki atışlar keçirilib - VİDEO12:03, 28 mart 2020
Gülağa Tənha İşıq gələn tərəfə...23:52, 27 mart 2020
Azərbaycanda dəhşətli faciə: 4 yaşlı uşaq avtomobildə yanaraq öldü 18:33, 27 mart 2020
Ağcabədidə ahıl və tənha sakinlər qayğı ilə əhatə olunub 18:29, 27 mart 2020
Milli Məclisdə informasiya mübadiləsi internet üzərindən uğurla davam etdirilir 18:25, 27 mart 2020
Muxtar respublikada dezinfeksiya işləri davam etdirilir 18:23, 27 mart 2020
Gənclər Fondunun fəaliyyəti ilə bağlı məlumatlar 12:38, 27 mart 2020
Dahilərin xəstəliyi - epilepsiya... 12:34, 27 mart 2020
Azərbaycan İstiqlal Muzeyi Koronavirusla Mübarizəyə Dəstək Fonduna vəsait köçürüb.12:31, 27 mart 2020
“AzRusTrans” QSC Koronavirusla Mübarizəyə Dəstək Fonduna vəsait ayırdı 12:28, 27 mart 2020
Tənha yaşlılara göstərilən sosial xidmətlərə dəstək olan qurumların sırası genişlənir 19:26, 26 mart 2020
Gülağa Tənha Tövsiyə!19:18, 26 mart 2020
Koronavirusdan ən çox ziyan çəkən 12 sahə... - Nazir açıqladı19:13, 26 mart 2020
 

Bütün hüquqlar qorunur © 2020

Haqqıımızda | Saytda reklam | Bizimlə əlaqə