Təqvim
Gülağanı - Tənha qəbul etmərəm...
18 sentyabr 2019 - 20:46

Redaksiyadan:

Bəlkə də, bu şeir bəziləriniz üçün, tələb olunan səviyyədə o qədər də, güclü deyil. Amma, burada bir əsas mahiyyət var ki, bu da ürəkdən gələn sözlərin axınıdır. Əkər , kimsə kiməsə öz pərəstişini bu və ya digər formada biruzə verirsə, əlbətdə ki, bunun nəyi pisdir. Bu nöqteyi nəzərdən, tanınməş adamlarin həyat və yaradıcılığının vurğunu olanlardan ibarət qruplar yaranir ki, bunlar da bir müddətdən sonra həmin sevilən şəxsin fanatları adlanır. Bu gün biz, bunlardan birinin , tanınmış şair Gülağa Tənhaya həsr etdiyi, şerini Sizlərə təqdim edirik. UNUTMAYIN: Redaksiyamızın poctu, hər zaman Sizlərin də üzünə açıqdır...

 

***

 

Sizlər və biz Gülağa Tənha haqqında nə qədər yazsaq da onun iç dünyasının bir parçasını ancaq çözə bilərik.Mən ONU bir şair, yazıçı, öz sənətini yüksək səviyyədə bilən, Əsl Azərbaycan vətəndaşı-Vətən üçün hətta ölümə gedən biri kimi tanıyıram.Çox sadə, alicənab , zəhmətkeş, qayğıkeş bir vətəndaşdır.Bizdə orta məktəbi tikdirəndə o, sement qarışdırmağa kömək edəndə mən sanki ayıldım, və ona aşağıdakı seiri yazdım. 

Afəddin

 

Daha bu dünyadan ümüd üzmərəm,
Vardır Tənha təki Vətənə yanan.
Nə qədər hisslərə qapansaq da biz,
Vardır Vətən dərdin öz dərdi sayan!

 

Belə səviyyəyə yüksəlib çıxmaq,
Gəlməsin kimsəyə çox sadə, asan.
Bunu məndən qabaq Sədi də deyib
"Görmədik düz yolda yolunu azan!"

 

Nahaqlar haqları üstələyəndə,
Bezirəm inan ki, mən də dünyadan.
Bunları yazıram , başa düşənə,
Hər şeyin yaxşısın bilir Yaradan!

 

Nədən yaranmışıq ora dönürük,
Cismimlə ruhumu kimdir ayıran?
Xoşbəxt ol kəsdir ki, yaxşı işindən,
Apara oraya ömür payından!

 

Ucaltdın qəlblərdə elə abidə ,
Qoparmaz zərrəsin qopsa da tufan,
Biz köçüb getsək də bu yer üzündən,
Yazdığın tarixi unutmaz zaman!

 

Sizin qəlbinizin bu genişliyin,
Tanrı vermiş sizə özündən nişan!
Heç zaman unutmaz sizi bu millət,
Nə qədər mövcuddur,bu Azərbaycan!

 

Gülağanı - Tənha qəbul etmərəm,
Qəlbən vardir ona bir sirdaş olan.
Sizi ömrü boyu unutmayacaq.
Bir kəndli balası,bir sadə oğlan!


(Afəddin Duyğu) Masallı, Təzəkənd kəndi.

Sosial şəbəkələrdə paylaş:
Kateqoriya:
TEATR-KİNO

Bütün hüquqlar qorunur © 2024

Haqqıımızda | Saytda reklam | Bizimlə əlaqə