Canveten.az xəbər verir ki,  Bakı Bələdiyyə Teatrının aparıcı aktrisası Zülfiyyə Qurbanova Xocalı faciəsinin 27-ci il dönümü münasibəti ilə çəkilən video çarxda rol alıb. Sosial çarxda aktrisa övladını düşməndən qorumaq üçün istəmədən öldürmək məcburiyyətində qalan ana obrazını canlandırıb. 1992-ci ildə baş vermiş dəhşətli faciədən kiçik bir hissəni özündə əks etdirən çarx “Ana harayı” adlanır.

Aktrisanın sözlərinə görə, bu rolu oynamaq mənəvi cəhətdən heç də asan olmayıb: “Bir anlıq Xocalıda baş verənləri düşündüm. Həqiqətən dəhşətlidir. Canından bir parçaya qıymaq dünyadakı ən böyük faciə idi ki, bunu da biz qadınlara mənfur düşmənlərimiz yaşatdı. Təbii ki, onların etdiklərini də unutmuruq. Hamilə, azyaşlı uşağı olan analara verdikləri işgəncələri düşündükcə bədənimdə qanım donur”.

Qeyd edək ki, “Ana harayı” adlı sosial çarxın rejissoru Nadir Mahmudov, ideya müəllifi Orxan Cahangir, operatoru isə Vüsal Cəfərovdur.

! © Müəllif hüquqları qorunur ! Məlumatdan istifadə etdikdə istinad mütləqdir ! Məlumat internet səhifələrində istifadə edildikdə müvafiq keçidin qoyulması mütləqdir !!!  

ŞƏRHLƏR :

( Sos.şəbəkədə gedən yazışmanin FOTO-ƏKSİ. Məzmun və qramatik səhvlərə görə redaksiya məsuliyyət daşımır )