Gülağa Tənhanın həyatının sirli məqamları Editor.az-da

Editor.az ənənəvi “Kim kimdir” rubrikasını davam etdirir və bu dəfə ABŞ-ın “Forbes” jurnalı tərəfindən dünyanın zənginləri sırasında yer alan həmyerlilərimizdən və onların keçdiyi həyat yolundan bəhs ediləcək.

Haqqında bəhs edəcəyimiz növbəti “qəhrəman”ımız biznes fəaliyyəti ilə yanaşı adı ədəbi ictimaiyyətə yaxından tanış olan Gülağa Tənha (Qəmbərov) olacaq.

Gülağa Tənha kimdir?

Gülaga Məmi oglu Qəmbərov (Gülağa Tənha) 1959-cu il mayın 20-də Masallı rayonunun Ərkivan kəndində anadan olub. Uşaqlığı çətin və səfalət işində keçən Gülağa Tənha yolunu Rusiyadan salır. Əmək fəaliyyətinə Moskva şəhərinin tikinti obyektlərində fəhlə kimi başlayır. Ali təhsil almaq istəyi onu rahat buraxmır və istehsalatdan ayrılmadan Moskva İnşaat Mühəndisləri İnstitutuna daxil olur. Gülağa Tənha sonralar öz xatirələrində yazır ki, Moskvada keçirdiyi ilk illər onun üçün ciddi sınaq olur və o, əldə etdiyi geniş təcrübəyə görə, öz keçmişinə minətdardır.

Fəhləlikdə rəisliyə gedən uzun çəkmir…

Daha sonra o, SSRİ Ticarət Nazirliyinin Əsaslı Tikinti və Layihələşdirmə Baş İdarəsinin rəisi vəzifəsinə təyinat alır. Bu sahədə əldə etdiyi təcrübə onun gələcək inkişafı istiqamətində bir stimul olur. Tikintiyə aid iki monoqrafiya və 5 metodik vəsaitin müəllifidir. Beynəlxalq EKO Energetika Akadimiyasının tikinti və memarlıq rektorudur. Əfqanıstan müharibəsi iştirakçısıdır.

Öz adına fond yaradan sahibkar…

“Gülaga Qəmbərov Fondu”nun prezidentidir. Rəhbərlik etdiyi fond Azərbaycanda təhsilin, səhiyyənin, idmanın və mədəniyyətin inkişafı sahəsində çoxsaylı layihələr həyata keçirir, xeyriyyəçilik fəaliyyəti ilə məşğul olur.

“Şahmat tacını Bakıya gətirmək ən böyük arzumdur”

Respublikaməzda idmanın inkişafına qayğı göstərən Gülaga Qəmbərovun ən böyük arzularından biri dünya şahmat tacının Azərbaycana gətirilməsidir. Bunun üçün o, Türkan və Zeynəb Məmmədyarova bacılarına öz köməyini əsirgəmir. Gimnastikanın, badmintonun da inkişafına maraq göstərən Gülaga Qəmbərovözü qayıq idmanını xoşlayır. Əgər respublikamızda idmanın bu sahəsinə maraq artarsa, təmənnasız olaraq daha bir neçə yelkənli qayıq göndərməyə hazırdır.

Təkcə Azərbaycanda deyil, Rusiyada da xeyriyyəçiliklə məşğuldur…

Gülaga Qəmbərov Moskvadakı “Nadejda i pomoş” Xeyriyyə Fondunun da təsisçilərindən biridir. Fondun digər təsisçiləri şimal-şərq dairəsi prefekti, Moskva şəhər dumasının sədri Vladimir Mixayloviç Plotoniv və dumanın maliyyə büdcə komissiyasının sədrı İqor Yevgenyeviç Antonovdur.

Şair Gülağa Tənha

Gülağa Tənha həm də ədəbi fəaliyyətlə məşğuldur və indiyə qədər onlarla şeri dərc olunub. Onun ədəbi tədbirlərdə yaxından iştirakı, bədii qiraətçilik qabiliyyətinin olması da söylənilənlər arasındadır.
Xatırladaq ki, o, Rusiyada uzun müddətdir ki, biznes fəaliyyəti ilə məşğuldur və bir neçə iri obyekti var. Onun əsasən tikinti və restoran biznesi məşğul olduğu deyilir. Bakının girəcəyində də əzəmətli evlər inşa etdirən G.Tənhanın sərvəti haqqında konkret məlumat olmasa da, onun yüzmilyonçu olduğu söylənilir.

Azər Niftiyev, Editor.az