Təqvim
Qalib xalqın məğrur seçicisi
13 fevral 2024 - 17:49

GÜCLÜ, BÜTÖV AZƏRBAYCAN NAMİNƏ

 

Bu əlamətdar günlərdə hamımız sevincliyik. Çünki dövlətçilik tariximizdə böyük önəm kəsb edən növbədənkənar president seçkiləri 30 ildən sonra ölkəmizin bütün suveren ərazisini əhatə etdi. Təkcə vətənimizdə deyil, xaricdə yaşayan həmyerlilərimiz də seçkilərdə fəal iştirak etdilər. 44 günlük Vətən müharibəsindəki möhtəşəm qələbəmizdən sonra xalqımız Zəfər seçkisində bir daha həmrəyliyini nümayiş etdirdi. Seçkilərdə qalib adını haqq edən namizəd, qalib xalqın alternativsiz lideri İlham Əliyev inamlı qələbə qazanaraq növbəti müddətə dövlət başçısı seçildi...

Respublikamızın hər yerində olduğu kimi, Masallı rayonunda da fevralın 7-də növbədənkənar president seçkiləri zamanı səhər saatlarından başlayaraq bütün məntəqələrdə yüksək seçici fəallığı müşahidə olunurdu. Səsvermənin azad, demokratik və şəffaf keçməsi üçün bütün məntəqələrdə komissiya üzvlərinin normal fəaliyyəti, vətəndaşların rahat səs vermələri üçün bütün lazımi şərait yaradılıb, seçki məntəqələri zəruri texniki vasitələrlə təchiz edilmişdi.
Məntəqələrdə səsvermənin gedişini izləyən yerli və beynəlxalq müşahidəçilər seçki prose¬sində qanunvericiliyin tələblərinə riayət edilməsinin, şəffaflığın təmin olunmasının şahidi oldular.
7 fevral günü bir neçə seçki məntəqəsində səsvermənin gedişini izlədim. Böyük mütəşəkkiliklə keçirilən seçkilərdə masallıların səsverməyə ruh yüksəkliyilə qatıldığının şahidi oldum. Səhər saatlarından etibarən insanlar seçki məntəqələrinə axışırdılar.
75 saylı Yardımlı-Masallı seçki dairəsinin 82 saylı seçki məntəqəsində hamı kimi gənclərin də səsvermədə fəallığı göz qabağında idi. İlk dəfə səs verəcək 18 yaşlı Ərkivan qəsəbə sakini, Lənkəran Dövlət Universitetinin nəzdində Sosial və Aqrar-Texnoloji Kollecin tələbəsi Humay Gülverdiyevanın sevinci yerə-göyə sığmırdı:
– Qalib ölkənin, bütöv Azərbaycanın gənc seçicisi olmağımdan böyük iftixar hissi duyuram. Dövlətimiz, xalqımız və gələcəyimiz üçün xeyirli olsun deyə parlaq gələcəyimizə səs verdim.
Günorta saatlarında 73 saylı Masallı-Cəlilabad seçki dairəsinin 1 saylı seçki məntəqəsində olarkən vətəndaşların izdihamı ilə qarşılaşdım. 84 yaşlı Masallı şəhər sakini Rafael Fərəcovun fikirlərini öyrənməyə çalışıram. O, deyir:
–Neçə illərdir ki, seçkilərdə iştirak edirəm. Xalq tərəfindən böyük coşqu ilə qarşılanan bugünkü bayram əhval-ruhiyyəli prezident seçkisinə layiqli namizədə səs verməyə, vətəndaşlıq borcumu yerinə yetirməyə gəlmişəm.
74 saylı Masallı seçki dairəsinin 8 saylı seçki məntəqəsindədə eyni mənzərə ilə rastlaşdım. Hər kəs bu tarixi fürsəti əldən buraxmamaq üçün böyük növbələrə düzülərək öz rəyini bildirməyə tələsirdi.
Səsverməyə gələn 91 yaşlı mahmudavarlı ağsaqqal Ağaverdi Sadıqov ürək sözlərini bizimlə bölüşür:
–Evdə də səs verə bilərdim. Lakin heç cür qərar tuta bilmədim. Bugünkü fərəh dolu anları sizlərlə birgə yaşamaqdan ötrü bura gəldim. Ölkəmizin daha da çiçəklənməsi, inkişafı və güclənməsi naminə mən də öz seçimimi etdim və yanlmadığımı düşünürəm.
Digər məntəqələrdə də vətəndaşlar seçki hüquqlarının təmin olunmasına, öz iradələrini sərbəst şəkildə ifadə etmələrinə görə minnətdarlıqlarını bildirirdilər.
Məlumat üçün bildirək ki, 73 saylı Masallı-Cəlilabad, 74 saylı Masallı, 75 saylı Yardımlı-Masallı, 76 saylı Lənkəran-Masallı seçki dairələri üzrə fəaliyyət göstərən 124 seçki məntəqəsi üzrə seçicilərin sayı 115479 nəfəri əhatə edir.

 

Akif AĞAYEV
 

Sosial şəbəkələrdə paylaş:
Kateqoriya:
ELM-TƏHSİL
Ən çox oxunan müəlliflə görüş – II Kitab Sərgisi çərçivəsində 17:29, 08 aprel 2024
Aprel şəhidinin xatirəsi anılıb - Masallıda 00:48, 06 aprel 2024
Masallı məktəblərində Aprel döyüşlərilə bağlı tədbirlər keçirilib 21:23, 05 aprel 2024
Şəhid Qəhrəman İsmayılovun doğum günü qeyd olunub – Masallıda 23:51, 04 aprel 2024
Şəhid Elşən Bəşirovun xatirəsi anılıb – Masallıda 20:14, 03 aprel 2024
“Zəfərə gedən yol” – Masallıda tədbir 19:12, 03 aprel 2024
Masallılı karateçi qardaşlar respublika birinciliyinin qalibidir 12:47, 31 mart 2024
Masallı məktəblərində Azərbaycanlıların Soyqırımı Günü ilə bağlı tədbirlər keçirilib 14:58, 30 mart 2024
Kənd təsərrüfatı nazirinin müavini Masallıda vətəndaşları qəbul edib, fermerlərlə görüşüb 12:33, 30 mart 2024
Əliməmməd Nuriyev “Heydər Əliyevin 100 illiyi (1923-2023)” yubiley medalı ilə təltif olunub 23:19, 29 mart 2024
“Sağlamlıq körpüsü” layihəsi – Masallıda 20:59, 29 mart 2024
Masallıda iftar süfrəsi açılıb 19:55, 28 mart 2024
Azərbaycanda vətəndaşlar sağlam və təhlükəsiz formada yaşayır və yaşayacaqlar 13:28, 27 mart 2024
Qəhrəman tank komandiri 21:18, 24 mart 2024
Masallıda şəhid Sahil Babayevin xatirəsi anılıb 20:12, 21 mart 2024
“Ana, mənə az ağla” 11:49, 21 mart 2024
Masallının ümumtəhsil müəssisələrində Novruz tədbirləri 17:31, 19 mart 2024
“Heydər Əliyevin 100 illiyi” yubiley medalları təqdim edilib - Masallıda 18:48, 18 mart 2024
Sərrast atıcı, xilaskar döyüşçü 15:27, 18 mart 2024
İMKANSIZ AİLƏLƏRƏ BAYRAM SOVQATI PAYLANILDI - GÜLAĞA TƏNHANIN TƏŞƏBBÜSÜLƏ11:48, 18 mart 2024
 

Bütün hüquqlar qorunur © 2024

Haqqıımızda | Saytda reklam | Bizimlə əlaqə