Təqvim
"20 YANVAR FACİƏSİ"ni xatırlayaq... (I hissə) Fotolar S.Rasimindir (AZpress.AZ)
15 yanvar 2019 - 13:48

Xalqımızın çoxəsrlik tarixində onun başına çox bəlalar gəlib, neçə-neçə müharibələr görüb, neçə-neçə yadelli işğalçı hücumları ilə qarşılaşıb. Lakin, heç zaman əyilməyib,sınmayıb. Vətən,Torpaq qeyrəti onu ayağa qaldırıb, azadlıq və istiqlal savaşlarında şücaət, mərdlik, qəhrəmanlıq göstərib. Babəklər, Cavanşirlər,Koroğlular, Nəbilər yetişib bu döyüşlərdə. Azərbaycan torpağı, odlar ölkəsi öz varlığını məhz igid, mərd övladlarına arxalanmaqla qoruyub saxlayıb, bizim günlərə gəlib çatıb, müstəqil, suveren dövlət kimi dünya birliyində layiqli yerini tutmağa müvəffəq olub.
1990-cı il 20 Yanvarda Azərbaycan torpağı göz yaşına bələndi, dünyanı göz yaşıyla islatdı. Məhz bu tarixdə 1988-ci ildən başlamış xalq hərəkatı özünün kuliminasiya nöqtəsinə çatdı və yüzlərlə qəhrəman oğul və qızlarımız bu yolda şəhid olaraq, gələcək nəsillərə İstiqlal bəxş etdilər.Onları meydanlara silahlı rus qəsbkarlarının qarşısına çıxaran qəlblərində gəzdirdikləri azadlıq duyğusu, Vətən torpağının bütövlüyünün toxunulmazlığını qorumaq və təmin etmək arzusu idi. Onlar gecəyarı, xaincəsinə Bakı üzərinə yeridilən güclü hərbi qüvvəyə və zirehli texnikaya əliyalın müqavimət göstərəndə məmləkətinin müqəddəratını, düşünmüşlər. Dərk etmişlər ki, şəhidsiz Torpaq, itkisiz Qələbə, qansız İstiqlal olmur. Qurani-Kərimdə deyildiyi kimi, “Şəhidlərin yeri cənnətdir, onlara “öldü” demək qəbahətdr, şəhid üçün ağlamaz və üzülməzlər, çünki, onlar öz rəbbinin dərgahında diridirlər və əcrə yetişən sayılırlar”.
İllər ötəcək, zaman keçəcək, həyata yeni-yeni nəsillər gələcək. Lakin XX əsrin sonuna yaxın yaşadığımız illərdə düçar olduğumuz faciələrin ağrı-acısı və bu faciələrə mərdliklə sinə gərib hünər, mətanət göstərmiş, Vətən yolunda, Ana torpaq uğrunda özünü şəhid etmiş, öz doğma xalqına əsil sədaqət nümunəsi göstərmiş insanların qəhrəmanlığı heç zaman unudulmayacaqdır. Həmişə minnətdarlıq hissi ilə xatırlanacaqdır ki, 1990-cı ilin “Qara yanvar”ında həlak olanlar müqəddəs amal naminə, milli mənlik, milli varlıq naminə öz canlarını, qanlarını fəda etməkdən çəkinməmişlər.
Deyirlər ki, şəhidi olan xalq irəlini daha yaxşı görər. Qoy Azərbaycanımız ağlamasın, dərd çəkməsin. Çünki, onun qəhrəman övladları xalqın xoşbəxt gələcəyi naminə canlarından keçmişlər. Xalqın öz şəhidlərinə olan bu hədsiz ehtiram hətta beynəlxalq ictimaiyyətin də diqqətini çəkmiş və bizlərə təskinlik ola biləcək müsbət rəylər formalaşdırmışdır. Hətta bu canlı faciənin törədildiyi vaxtlar rus yazıçılarından biri belə bir ifadə işlətmişdir: “İnanmıram ki, dünyada öz milli qəhrəmanına azərbaycanlı kimi belə böyük məhəbbətlə ehtiram bəsləyən başqa bir xalq olsun”.
20 yanvar şəhidlərinə ən müqəddəs və əbədi abidə xalqımızın müstəqilliyi, azadlığıdır. Vətən övladlarının uğrunda həlak olduğu müstəqilliyi xalqımız göz bəbəyi kimi qoruyub saxlayamaqla, 20 Yanvar şəhidlərinin xatirəsini əbədi yaşadacaqdır. Dövlətimizin gücü, qüdrəti də bundadır. Buna arxayın olan uzaqgörən ümummilli liderimiz H.Əliyev cəsarətlə bütün dünyaya elan etmişdir: “Azərbaycanın dövlət müstəqilliyi əbədi olacaqdır, sarsılmaz olacaqdır, dönməz olacaqdır...” 
Allah bütün şəhidlərimizə rəhmət eləsin! Amin!

Sosial şəbəkələrdə paylaş:
Kateqoriya:
ELM-TƏHSİL
Masallı güləşçiləri Bakıdan 11 medalla geri dönüb 19:07, 04 mart 2024
Təzə Alvadıda qaz xəttinin çəkilişi işlərinə baxış keçirilib - Masallıda 18:20, 29 fevral 2024
Əzizabad kəndində daha 17 ev təbii qazla təmin edilib - Masallıda 18:12, 29 fevral 2024
Masallılı voleybolçu yenidən ölkə yığmasına rəhbərlik edəcək 15:28, 28 fevral 2024
Xocalı soyqırımının 32-ci ildönümü Masallının təhsil müəssisələrində qeyd edilib 23:39, 26 fevral 2024
Xocalı soyqırımı qurbanlarının xatirəsi Masallıda böyük ehtiramla anılıb 22:00, 26 fevral 2024
...Xocalıya qayıdanacan 19:33, 25 fevral 2024
Fövqəladə hallar naziri Kəmaləddin Heydərov Masallı şəhərində vətəndaşları qəbul edib 12:45, 25 fevral 2024
Taekvondo üzrə ölkə kubokunun açılış mərasimi - Masallıda 21:29, 24 fevral 2024
“Xocalı naləsi” – Masallı Mədəniyyət Mərkəzinin səhnəsində 19:32, 23 fevral 2024
“Xocalı – qan yaddaşımız” – Masallıda tədbir 13:47, 23 fevral 2024
“Erkən nikahın fəsadları” – Masallıda maarifləndirici tədbir 15:41, 22 fevral 2024
Masallı məktəblərində Beynəlxalq Ana Dili Günü qeyd olunub 22:56, 21 fevral 2024
Məktəbliyə zorakılıq edən yeniyetmədən paylaşım: Vecimə də deyil... 01:24, 21 fevral 2024
Separatçılara son ittihamlar elan ediləcək 21:27, 20 fevral 2024
Mədəniyyətə xidmətdə keçən 46 il 22:07, 19 fevral 2024
Ağacəkmə aksiyası – Masallıda 17:49, 19 fevral 2024
QIR-SAQQIZ “MÜSAFİR”LƏR 18:34, 17 fevral 2024
Milli Qəhrəman Səfəralı Məmmədovun xatirəsi anılıb - Masallıda 19:25, 16 fevral 2024
“Biz sağlam həyatı seçirik” – Masallıda tədbir 19:12, 15 fevral 2024
 

Bütün hüquqlar qorunur © 2024

Haqqıımızda | Saytda reklam | Bizimlə əlaqə