Təqvim
Gülağa Tənha Kitab təqdimatı ("Vətəndaş olaq" şeir, "Vətənə gələndə" mahnı və anons)
12 yanvar 2021 - 10:00

Təqdim etdiyimiz videoçarxların birinci hissəsində xeyriyyəçi – şair Gülağa Tənhanın (Qənbərov) keçirtdiyi şeir müsabiqəsinin qaliblərindən biri olan məktəbli Sevinc Hüseynli şairin kitab təqdimatında “ Vətəndaş olaq” şeirini səsləndirir. Xalq artisti Mələkxanım Eyyubova isə Gülağa Tənhanın “Vətənə gələndə” şeirinə  Əməkdar artist Elza Seyidcahan tərəfindən bəstələnmiş mahnını ifa edir.  Video linkin üçüncü hissəsində  xeyriyyəçi-şair Gülağa Tənhanın “Azərbaycana bağlıyam” adlı kitablarının təqdimat mərasimində yadda qalan anları nümayiş etdirilir. 

 


VƏTƏNDAŞ OLAQ!...


Dil açıb Vətənə ana demişəm,
Vətənim – anamdı, anam – Vətəndi!
Udduğum havadı, içdiyim sudu,
Damarımda axan qanım – Vətəndi!
Yurda bağlananın, yurddaş olanın
Ocağı – Vətəndi, közü – Vətəndi!
Vətəndi bulağı, qayası, daşı,
Çəməni – Vətəndi, düzü – Vətəndi!
Canında-qanında od olmayanın,
Fikri, düşüncəsi qəpiyə dəyməz.
Vətənin adına ad olmayanın
Vətənsiz yaşamaq qəddini əyməz.
Gəl Vətən naminə yanaq, yaxılaq,
Bir bədən üstündə ayıq baş olaq.
Demirəm ucalaq uca göylərə,
Çölündə, düzündə qara daş olaq…
Vətəndaş olaq!
Vətəndaş olaq!
 

 

VƏTƏNƏ GƏLƏNDƏ

 

Qabağına yüyürər
Yol Vətənə gələndə.
Məcrasına sığışmaz
Sel Vətənə gələndə.
Saçına daraq olar
Yel Vətənə gələndə.
Ayağına sərilər
Gül Vətənə gələndə.
Gözdən həsrət yaşını
Sil Vətənə gələndə.
Gələndə oğul kimi
Gəl Vətənə gələndə!
Məzari – Şərif, 1980
 
 
Gülağa Tənha 

 

 

 


#Gülağa #Tənha #Gulaga #Tenha #Qəmbərov #Qemberov #Qəmbərov #Qemberov #гюльага #гамбаров #ганбаров #Тенха 
 

Sosial şəbəkələrdə paylaş:
Kateqoriya:
TEATR-KİNO, Həyat tərzi

Bütün hüquqlar qorunur © 2021

Haqqıımızda | Saytda reklam | Bizimlə əlaqə