Xatırlayırsınızsa xeyriyyəçi – şair Gülağa Tənhanın “Dünya öz işindədir” şeirini bu ilin aprel ayında yayınlamışdıq. İl tamam olmamış illərin acıları, məlhəm olub şərbətə çevirildi. Səbəb əldə etdiyimiz Zəfər, Qalibiyyətdir. Adamın əli gəlmir ki bu sözləri  kiçik həriflərlə yazsın, elə Vətən sözünüdə... Bir sözü qoyub başqasına keçirəm, atalar övladları ilə həmişə fəxr etmək istəyərlər:  əxlaqı, elmi, mədəniyyəti və ən başlıca həyatda əldə etdiyi naliyyətləri ilə... Ulu öndər Heydər Əliyev bu günləri görsəydi oğlu İlham Əliyevlə qürur hissi ilə fəxr edərdi... Düşünürəm o dahi, uzaq görən idi və bilirdi ki, zaman gələcək canından, qanından olan övlad Xalqı ətrafına birləşdirərək Qələbələr əldə edəcək, tarix yazacaqdır! O potensialı görürdü, odur ki Qarabağım işğaldan azad edilməsini 2003 – ci ildə gələcəyin Prezidenti olan cənab İlham Əliyevə vəsiyyət etdi. Bu gün Qarabağ azaddır! Yəgin övlad üçün də bundan böyük xoşbəxtlik yoxdur, valideyinin vəsiyyətini gerçəkləşdirmək...Hamı bir nəfər kimi bu yolda səfərbər oldu. Dərin zəka sahibi Heydər Əliyev daim qəlblərdə, yaddaşlarda yaşamaqdadır. Bəlkə də təqdim etdiyimiz videodan bir qədər kənara çıxdıq, bu fikirlər mübaliğəsiz, içdən gələn fikirlər idi deyə qeyd etdim. Bu gün 12 dekabr 2020 – ci ildir və Ulu öndər Heydər Əlirza oğlu Əliyevin 17 il bundan əvvəl dünyadan köçdüyü gündür.  Ruhu şad olsun... Hazırladığımız videoçarxda xeyriyyəçi – şair Gülağa Tənha (Qənbərov) Fəxri Xiyabana təşrif buyuraraq Ulu öndərdin məzarını ziyarət edir. Bu gəliş əsl Sevgi və Vətənpərvərlik idi...Yəgin Şairin gələcəkdə dərc olunan şeirlərində “Dünya öz işindədir” şeirinin alternativi, göz aydınlığını əks etdirən şeirlərlə də qarşılaşacağıq. 

Ruhun şad olsun, cənab GENERAL!

Xeyriyyəçi - şair Gülağa Tənhanın "DÜNYAYA XİTAB" şeiri - Dahi rəhbərimiz Heydər Əliyevin məzarı üstündə düşüncələr. 

A dünya, nə vaxtsa gözləri dolan
Bəndənin qeydinə qalacaqmısan?
Nələr etdiyini yadına salsan,
Qara bulud kimi dolacaqmısan?
 
Ürəyin daşıymış, gözün dolmadı,
Çayın qurumadı, gülün solmadı…
Ona səndən başqa qıyan olmadı,
Sən mənə vəfalı olacaqmısan?
 
Nə vəfan varıymış, nə etibarın,
Qəlbimi üşüdür boranın, qarın.
Mənə şam yandırıb hey korun-korun,
Ağlayıb saçını yolacaqmısan?
 
Özünü unutdu, xalqına yandı,
Xalqını yaşatdı, xalq onu andı.
Bu itki can yaxır xeyli zamandı,
Sən də bizim kimi yanacaqmısan?
 
Onsuz necə ağır keçir ömür-gün,
İnamım itibdi sənə büsbütün…
Onunla yenidən qovuşmaq üçün
Tənhanı qoynuna alacaqmısan?
 
Ey Tanrım, arxa ol bizim İlhama,
Xalqını çatdırsın arzuya, kama!..
Ömrünü bu yolda döndərib şama,
Sən onun qeydinə qalacaqmısan?
Sən onun qeydinə qalacaqmısan?
 
Bakı, Fəxri Xiyaban, 12.12.2004

#Gülağa #Tənha #Gulaga #Tenha #Qəmbərov #Qemberov #Qəmbərov #Qemberov #гюльага #гамбаров #ганбаров #Тенха #şair #iş #adam #xeyriyyəçi #xeyriyyeci #mahnı #müsabiqə #şeir #sheir #maxni #mahni #Qəmbərov #Qemberov #təqdimat #alim #qonaq #şeir #səs #soz #söz #sənətkar #senetkar #xalq #vətən #veten #can #Azərbaycan #yurd #el #oba #anons Hazırladı: Ağa M. A