Gülağa Tənha Getdiyimiz yol çətin olsa da məqsədimiz sadədir

Təqvim
Gülağa Tənha Getdiyimiz yol çətin olsa da məqsədimiz sadədir
07 oktyabr 2020 - 18:35

Xeyriyyəçi - şair Gülağa Tənhanın vətənpərvər şeirlərini təqdim etməyə davam edirik.



SİZİN TƏNƏNİZ DƏ ƏZİZDİR MƏNƏ

 


İstədim sevgimin yaşıdı olan
Gülləri yenidən dərəm bu yaşda.
Ayların, illərin qəsdinə durub,
Sən gələn yollara sərəm bu yaşda.
Döndüm ilk eşqimin qan yaddaşına;
Gəldim o yerlərə kövrək, utancaq.
İllər ötüşübdü…
Bulaq başında
Məni kim görəcək, kim tanıyacaq?
Səsini içinə çəkdi bulaqlar,
Gözünü gizlətdi saralan çəmən.
Gözünün yaşını tökdü bulaqlar,
Daşlar tərpənmədi durduğu yerdən.
Duydum təbiətin soyuqluğunu,
Üzüdönüklüyün bəlası kimi.
Dağlar bir tərəfə atdı izimi,
Bağrına basmadı balası kimi.
Sahibsiz bir evə dönən könlümü
Dil deyib ağladı həsrəti burda.
İçdim su əvəzi gözümdən axan,
Gözümü küsdürən heyrəti burda.
Mənim ilk eşqimin lal şahidləri,
Bilmirlər nə tapıb, nə itirmişəm.
Hardan biləydilər, elə eşqimə
Başdaşı əvəzi söz gətirmişəm…
Gözüm gözəllikdən doymur…
Çeşmələr,
A dağlar, ümmandır, dənizdir mənə.
Məni qınaqlara bələyən güllər,
Sizin tənəniz də əzizdir mənə!..


 


ELİMİZDİ

 

 

İkimizin uğuruna can atan
Gülümüzdü, gülümüzdü, gülümüz.
Hər söhbətə, hər kəlməyə bal qatan
Dilimizdi, dilimizdi, dilimiz.
Həsrətini ilim-ilim itirən,
Aralıqda nərgiz, reyhan bitirən,
Dərdi dərin dəryalara yetirən
Selimizdi, selimizdi, selimiz.
Yollarına uzanıbdı qoşa əl,
Ömür ötür, insaf elə, ay gözəl.
Xeyir-dua verənimiz ən əzəl
elimizdi, elimizdi, elimiz.



TANIMASA

 


Yaşdan, ömürdən küsək
İl bizi tanımasa.
Əzək, varsa daş-kəsək,
Yol bizi tanımasa.
Baxmayın hay-haraya,
Necə keçək o taya?
Körpü salaq araya
Sel bizi tanımasa.
Unutma din-imanı,
Yaxın qoyma gümanı.
Qəm-kədər alar canı,
El bizi tanımasa.



07.10.2020 Günün şərhi: Vətən müharibəsinin 11 ci günüdür. Hamı bir nəfər kimi sosial şəbəkə vasitəsilə cənab Prezident İlham Əliyevin növbəti şad xəbərlərini gözləyir. Beşinci nəsil müharibəsi adlanan bu qarşıdurmada düşmən hardan, necə vurulduğunu tam təxmin edəbilmir. Ermənistanın  hərbi texnikaları sıradan çıxarılır, səngərlərində sılah sursatların qoyub, qaçıb gedirlər. Buna baxmayaraq şiddətli müharibə davam edir. Çarəsiz qalan düşmən Füzuli və Tərtər ərazisində yaşayan sıvil əhalimizi atəşə tutur. Azərbaycan ordusunun məqsədi bu erməni xislətinə məxsus hucumların qarşısını alıb müqəddəs torpaqlarımızı geri qaytatmaqdır. Getdiyimiz yol bir qədər çətin olsa da məqsədimiz bu qədər sadədir!




#Gülağa #Tənha #Gulaga #klip #Vətənim #Azərbaycan #Yurdum #Vetenim #AZE #Qarabag #Gulaga #Tenha #Qəmbərov #Qemberov #Qəmbərov #Qemberov #гюльага #гамбаров #ганбаров #Тенха #şair #iş #adam #xeyriyyəçi #xeyri]yyeci #mahnı #Qarabağ 

Sosial şəbəkələrdə paylaş:
Kateqoriya:
TEATR-KİNO, Həyat tərzi
Müstəqil həyata sağlam inteqrasiya III layihəsi uğurla başa çatıb 10:50, 12 fevral 2025
Masallıda tir atıcılığı üzrə rayon turniri keçirilib 17:15, 23 iyul 2024
Şəhid Anar Novruzovun xatirəsi anılıb – MASALLIDA 14:57, 14 iyul 2024
Məhərrəmlik təziyəsini islami dəyərlərə uyğun keçirək 15:51, 10 iyul 2024
Arif Fərzəlinin hekayəsi: “Ölü leyləklər” 19:12, 28 iyun 2024
Qadınların iqtisadi azadlığı mövzusunda maarifləndirmə layihəsinə start verilib 17:26, 28 iyun 2024
“Gender üzrə statistik göstəricilər” – Masallıda seminar-müşavirə 17:03, 28 iyun 2024
“Mübariz ordumuz” – Masallıda tədbir 19:07, 25 iyun 2024
“Yaşıl dünya yazı və şəkillərdə” mövzusunda müsabiqəsinin qalibləri mükafatlandırılıb – Masallıda 16:55, 24 iyun 2024
Masallı məktəblisi qəbul imtahanından 696,2 bal toplayıb 15:30, 22 iyun 2024
GÜLAĞA  TƏNHA:  “Qurtuluş Günü Azərbaycan tarixində dönüş nöqtəsi idi”23:04, 19 iyun 2024
Şəfalı əlləriniz var olsun 00:12, 17 iyun 2024
“Azərbaycanın zəfər tarixi” – Masallıda konfrans 13:39, 15 iyun 2024
“Son zəng” tədbirləri – MASALLIDA 19:31, 14 iyun 2024
Əbədi birlik təntənəsi 18:48, 10 iyun 2024
Masallı güləşçiləri respublika üçüncüsüdür 19:55, 08 iyun 2024
“Fitrətimizdədir vətənpərvərlik” kitabının təqdimatı – MASALLIDA 22:05, 06 iyun 2024
“FİTRƏTİMİZDƏDİR VƏTƏNPƏRVƏRLİK” kitabı haqqında düşüncələr... 20:25, 04 iyun 2024
14 yaşlı Masallı şahmatçısı ölkə birinciliyinin finalında 17:01, 01 iyun 2024
Müstəqillik Gününə həsr olunmuş boks üzrə region turniri – MASALLIDA 12:54, 01 iyun 2024
 

Bütün hüquqlar qorunur © 2025

Haqqıımızda | Saytda reklam | Bizimlə əlaqə