Təqvim
BDU-da 9 noyabr - Dövlət Bayrağı Günü qeyd olunub (+FOTOLAR)
12 noyabr 2019 - 18:54

Canveten.az xəbər verir ki, Bakı Dövlət Universitetində (BDU) 9 noyabr - Dövlət Bayrağı Günü qeyd olunub.

Tədbirdə dövlət bayrağımız tələbələr tərəfindən səhnədə dalğalandırılıb, Azərbaycan Respublikasının dövlət himni səsləndirilib.

Tədbiri giriş sözü ilə açan BDU-nun rektoru Elçin Babayev qeyd edib ki, universitet bu gün Azərbaycan Respublikasının mühüm bayramlarından birini - Dövlət Bayrağı Gününü qeyd edir. O bildirib ki, bayraq namusumuzdur, qeyrətimizdir, bizi irəliyə səsləyən, gələcəyə aparan, Vətənimizin tarixini yaşadan atributdur. Bu atributa hörmətlə yanaşmalı, onu göz bəbəyi kimi qorumalı və onunla qürur duymalıyıq. O vurğulayıb ki, üçrəngli bayrağımız şərəfli bir yol keçərək bu gün müstəqil Azərbaycanın başı üzərində dalğalanır. Sovet dövründə olan təbliğata baxmayaraq xalqımız öz bayrağını ürəyində yaşatdı.

Azərbaycan Xalq Cümhuriyyətinin yadigarı olan bayraq 1990-cı il noyabrın 17-də Naxçıvan Muxtar Respublikası Ali Məclisinin sədri, xalqımızın ümummilli lideri Heydər Əliyevin təşəbbüsü və rəhbərliyi ilə keçirilən sessiyada Naxçıvan Muxtar Respublikasının dövlət bayrağı kimi təsdiq edildi. Eyni zamanda, Naxçıvan Muxtar Respublikası Ali Məclisi Azərbaycan SSR Ali Soveti qarşısında bu bayrağın Azərbaycanın rəsmi dövlət rəmzi kimi tanınması haqqında vəsatət qaldırdı. 1991-ci il fevralın 5-də Azərbaycan Respublikası Ali Soveti vəsatətə baxıb və bu bayrağın yenidən Azərbaycanın dövlət bayrağı kimi qəbul edilməsi haqqında qərar qəbul etdi. Müstəqilliyimiz uğrunda mübarizənin qızğın çağında ümummilli lider Heydər Əliyevin bu qərarı o dövr üçün cəsarət tələb edən bir addım idi.

Bu gün Prezident İlham Əliyev tərəfindən ölkəmizdə uğurlu daxili və xarici siyasət aparılır. Bu siyasət nəticəsində bayrağımız beynəlxalq arenalarda dalğalanır.

Rektor Elçin Babayev vurğulayıb ki, bayrağımız milli birliyimizin rəmzidir. Bu bayraq təkcə Azərbaycan ərazisində yaşayan vətəndaşlarımızı deyil, həm də dünya azərbaycanlılarını birləşdirir. Arzu edirəm ki, bayrağımız bütöv Azərbaycan üzərində, Qarabağda dalğalansın.

Sonra Dövlət Bayrağı Günü ilə bağlı videoçarx nümayiş olunub.

BDU-nun Tarix fakültəsinin əməkdaşı, dosent Ələmdar Şahverdiyev məruzəsində Azərbaycan bayrağının keçdiyi uzun tarixi yoldan bəhs edib. Bildirib ki, bayrağımızın 3 rəngi xalqımızın əsrlərə dayanan tarixini özündə əks etdirir.

Tarix fakültəsinin tələbələri Şəms Əlicanova və Rauf Əliyev, Filologiya fakültəsinin tələbəsi Nadir Rzazadə, Beynəlxalq münasibətlər və iqtisadiyyat fakültəsinin tələbəsi Rəfiqə Nurəliyeva çıxışlarında Azərbaycan gənclərinin bayrağımız ətrafında sıx birləşdiklərini diqqətə çatdırıblar. Onlar bayrağımıza həsr olunan şeirlər səsləndiriblər.

Tədbir bədii kompozisiya ilə davam edib.

 

Sosial şəbəkələrdə paylaş:
Gülağa Tənha "Qızıl yarpaq, Tənha səs" ifa: Əkbər Əlizadə16:24, 10 iyul 2020
Gülağa Tənha Pərvanələr saatı bildirir...13:19, 09 iyul 2020
Gülağa Tənha "Qızıl yarpaq, Tənha səs" ifa: Əməkdar artist Könül Kərimova13:00, 08 iyul 2020
Gülağa Tənha Şeirlərdən ibarət kompazisiya15:00, 07 iyul 2020
Gülağa Tənha "Odlar diyarı" ifa: Fidan Əsgərli10:50, 06 iyul 2020
Masallıda xüsusi karantin rejiminin sərtləşdirilməsi ilə bağlı Masallı RİH başçısının geniş tərkibdə onlayn müşavirəsi keçirilib. -FOTO=3 17:13, 05 iyul 2020
icaze.e-gov.az portalında bir sıra icazələr ləğv edilib 17:11, 05 iyul 2020
Əsgərlikdən gələn oğluna qonaqlıq edən ata cərimələndi -FOTO=2 17:08, 05 iyul 2020
HƏSƏN BƏY ZƏRDABİNİN TƏVƏLLÜD TARİXİ HAQQINDA Asif Rustemli FOTO=2 17:03, 05 iyul 2020
Neftçala şəhərinə yeni magistral su kəməri çəkilir -FOTO=416:59, 05 iyul 2020
Biz də bu düzənlə yaşamağa məcburuq... -FOTO16:25, 05 iyul 2020
Əməkdar artist Tofiq Hüseynov vəfat edib 16:23, 05 iyul 2020
287 min şəxsə birdəfəlik şəkildə 190 manat ödəmə veriləcək 16:20, 05 iyul 2020
Gülağa Tənha "Qızıl yarpaq, Tənha səs" ifa: Əməkdar artist Zeynəb Behbudova13:20, 05 iyul 2020
Su çatışmazlığı ilə bağlı beynəlxalq ekspert rəyi 16:01, 04 iyul 2020
“İki gün ev şəraitində müalicə alıb, qızdırması düşmüşdü” - Etibar Babayevin xanımı 15:59, 04 iyul 2020
Avtomobil ehtiyat hissələrini gizlədərək keçirtmək istədi 15:57, 04 iyul 2020
FB dostlarıma müracıət və ya FB dostluğumuzu necə qoruyaq? Hümbət Həsənoğlu düşünməyə dəvət edir 15:55, 04 iyul 2020
“Prezidentə dedi ki, Ramiz Mehdiyev mətbuatda məndən yazdırır” Siyavuş Novruzov köhnə YAP-çıları “vurdu”: 15:52, 04 iyul 2020
Multiliteralizm mövzusunda onlayn vebinar 15:50, 04 iyul 2020
 

Bütün hüquqlar qorunur © 2020

Haqqıımızda | Saytda reklam | Bizimlə əlaqə