Canveten.az xəbər verir ki, Azərbaycan Milli Elmlər Akademiyası (AMEA) Fizika İnstitutunda cari ilin əvvəllərindən etibarən nəzəri seminarlar keçirilir. Fizika elminin müasir məsələlərinin müzakirəsinə, təbliğinə və tətbiqlərinə həsr olunan seminara sədrlik fizika-riyaziyyat elmləri doktoru Şakir Nağıyev edir. Seminarda AMEA-nın institut və təşkilatları ilə yanaşı, ali təhsil müəssisələrinin nümayəndələri də iştirak edirlər.

Bu gün AMEA Fizika İnstitutunda “Kulon plyus ring-shaped potensialı üçün relyativistik sonlu-fərq tənliyinin dəqiq həlləri” mövzusunda növbəti nəzəri seminar keçirilib. Məruzəçi fizika-riyaziyyat elmləri doktoru Şakir Nağıyev olub. Ş.Nağıyev  ilk olaraq mövzunun aktuallığından danışıb. Bildirib ki, məruzədə bu sahədə aparılan tədqiqatlardan, təcrübələrdən və əldə olunan nəticələrdən bəhs olunur.

Məruzənin sonunda mövzu ətrafında müzakirələr aparılıb və suallar cavablandırılıb.

Seminar  İntitutun dirtektoru, akademik Nazim Məmmədovun çıxışı ilə davam edib. N.Məmmədov AMEA Fizika İnstitutunun hazırki durumundan bəhs edib. İnstitutun h-indeksinin 100-ə yaxınlaşdığını və bu göstəricinin yüksək nəticə olduğunu vurğulayıb. Bilidrib ki, fizika elmini inkişaf etdirmək üçün kadr hazırlığına diqqət yetirmək və  elmə marağı olan gəncləri İnstituta cəlb etmək  lazımdır.

Məryəm Rafaelqızı