Təqvim
"Hərbiyyə - 2019" hərbi vətənpərvərlik düşərgəsində Türkiyənin Zəfər bayramı qeyd edilib + FOTO=8
16 avqust 2019 - 16:09

Müdafiə Nazirliyi, “ASAN xidmət”, Gədəbəy rayon İcra Hakimiyyəti, “ASAN Könüllüləri” təşkilatı, Türk Əməkdaşlıq və Koordinasiya Agentliyi (TİKA), Cavad Xan Tarix və Mədəniyyət Fondunun birgə layihəsi çərçivəsində bir həftədir ki, davam edən "Hərbiyyə - 2019" hərbi vətənpərvərlik düşərgəsinin sonuncu günü türk zəfər marşlarının və Azərbaycan-Türkiyə qardaşlığını tərənnüm edən mahnıların səsləndirilməsi ilə başlanıb.
30 avqust "Zəfər bayramı”na həsr olunmuş təntənəli mərasimdə düşərgənin gənc vətənpərvərləri ilə yanaşı Müdafiə Nazirliyinin, Gədəbəy rayon İcra Hakimiyyətinin və Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin rəsmiləri, bölgənin müdafiəsində dayanan hərbi hissənin döyüşçüləri və ictimaiyyət nümayəndələri iştirak ediblər. Əvvəlcə Azərbaycan və Türkiyənin dövlət himnləri ifa olunub.
Əməkdar incəsənət xadimi, Prezidentin fərdi təqaüdçüsü polkovnik Abdulla Qurbani Azərbaycan - Türkiyə qardaşlığından danışıb, 30 avqust "Zəfər bayramı"nın tarixi barədə ətraflı məlumat verib. Qeyd olunub ki, Birinci Cahan savaşından sonra Osmanlı Türkiyəsi parçalanmaq təhlükəsi qarşısında qalarkən Mustafa Kamal Paşa öz tərəfdarları ilə mücadiləyə qalxaraq ölkəni işğalçılardan azad edib, təcavüzkar dövlətlərin qoşunlarının ölkə ərazilərindən çıxarılmasına nail olublar. 1923-cü ildə ilk dəfə, 1936-cı ilin may ayından sonra isə rəsmi olaraq 30 avqust günü “Zəfər bayramı" kimi qeyd edilməyə başlanıb.
A.Qurbani nəzərə çatdırıb ki, Türkiyə ilə Azərbaycanın şanlı ənənələrə bağlı tarixi dostluğu və qardaşlığı bu gün də uğurla davam etdirilir. Türkiyə dövlətinin qurucusu ölməz Atatürkün "Azərbaycanın sevinci bizim sevincimiz, kədəri bizim kədərimizdir. Azərbaycan bizim qardaşımızdır", ulu öndər Heydər Əliyevin isə "Biz bir millət, iki dövlətik. Bu, bizim dostluğumuzun, qardaşlığımızın mənasını, məzmununu təşkil edir" kəlamları bu gün də aktualdır və dostluğumuzun, qardaşlığımızın ən böyük şüarına çevrilib.
Türkiyə və Azərbaycanın iqtisadi, siyasi və mədəni əlaqələri, eləcə də hərbi əməkdaşlığı bu gün də yüksək səviyyədədir və daha da inkişaf edir. Hər iki ölkənin iştirakı ilə möhtəşəm layihələr həyata keçirilir.
Ötən il Bakının işğalından azad edilməsinin 100 illiyinə həsr olunmuş hərbi paradda tarixi gerçəkliklərin canlandırılması, Türkiyə və Azərbaycanın dövlət bayraqları altında hərbçilərin fəxri keçidi, "Türk Ulduzları" eskadrilyası və Azərbaycanın milli şahinlərinin Bakı səmasında birgə nümunəvi uçuşları, qardaş ölkələrin prezidentlərinin fəxri kürsüdə bir yerdə bu təntənəni izləmələri dostlarımızı sevindirdi, düşmənlərimizi isə xar etdi.
Bakı paradının mötəbər tribunasından Türkiyə prezidenti Rəcəb Tayyib Ərdoğan bir daha bəyan etdi ki, "Azərbaycanın qüruru bizim qürurumuzdur, dərdi, ağrısı, problemi də bizim problemimizdir".
Dövlətimizin başçısı, Ali Baş Komandan cənab İlham Əliyev isə "Bu gün, sözün əsl mənasında, tarixi bir gündür, Türkiyə-Azərbaycan birliyi, Türkiyə-Azərbaycan qardaşlığı günüdür. Biz bu nəslin nümayəndələri bu günü yaşadırıq, yaşadacağıq", - dedi.
Mərasimdə vurğulanıb ki, Türkiyə və Azərbaycan ordularının nümayəndələrinin birgə təlimləri artıq ənənə şəklini alıb. Bu günlərdə yenə də "TurAz qartalı" birgə uçuş təlimlərinə start veriləcək.
Müdafiə Nazirliyinin rəsmisi bildirib ki, hər il 30 avqust günündə qardaş Türkiyədə hərbi məktəblərin məzunlarına "leytenant" hərbi rütbəsi verilir. Onların sıralarında Azərbaycan oğulları da yetərincədir. Bu il də neçə-neçə azərbaycanlı gənc Türkiyə ali hərbi məktəblərini müvəffəqiyyətlə bitirərək zabit rütbəsinə layiq görülüb.
Gədəbəy rayon İcra Hakimiyyətinin başçısı İbrahim Mustafayev çıxış edərək Müdafiə Nazirliyinin 30 avqust "Zəfər bayramı"nın "Hərbiyyə" düşərgəsində təşkil etdiyinə görə minnətdarlıq edib.
"Hərbiyyə-2019" hərbi vətənpərvərlik düşərgəsində keçirilən ümumi hərbi hazırlıq, xüsusi dağ hazırlığı, atıcılıq və digər yarışlarda fərqlənən gənc vətənpərvərlərə, Qarabağ müharibəsi qazilərinə, həmçinin qonaqlara Müdafiə Nazirliyinin nəşri olan "Azərbaycan-Türkiyə: Qardaşlığın Təntənəsi" kitab-albomları hədiyyə edilib.
Hərbi orkestr "Mehtər" marşlarını, Azərbaycan Milli Konservatoriyasının tələbələri Nicat və Rəvan Əliyevlər isə türk vətənpərvərlik mahnılarını ifa ediblər.
Tədbir Üzeyir Hacıbəyli və Əhməd Cavadın birgə yazdıqları "Çırpınırdı Qara dəniz, baxıb türkün bayrağına" misrası ilə başlanan məşhur mahnının bütün iştirakçılar tərəfindən birgə ifası ilə başa çatıb

Sosial şəbəkələrdə paylaş:
Kateqoriya:
HUQUQ, QHT
Gülağa Tənha 2 iyul 17:00, 02 iyul 2020
Gülağa Tənha "Qızıl yarpaq, Tənha səs" ifa edir: Əməkdar artist Elza Seyidcahan14:00, 01 iyul 2020
Gülağa Tənha " Tənhanın öz dərdi var ! " ifa: Xalq artisti İlham Əsgərov18:00, 30 iyun 2020
Gülağa Tənha "Qızıl yarpaq, Tənha səs" ifa edir Xalq artisti Canəli Əkbərov13:00, 29 iyun 2020
Gülağa Tənha "Qızıl yarpaq, Tənha səs" müsabiqə (anons və I hissə)14:13, 28 iyun 2020
Gülağa Tənha Sevgi şeirlərindən seçmələr...15:00, 27 iyun 2020
Gülağa Tənha 26 iyun15:00, 26 iyun 2020
Gülağa Tənha qardaşoğlu üçün sifariş etdiyi maşın...17:00, 25 iyun 2020
Bu gün “Dənizçi Günü” peşə bayramı qeyd edilir 16:57, 25 iyun 2020
Kapital Bank kartların müddətini uzatdı 16:55, 25 iyun 2020
8103 SMS icazə sistemi ilə bağlı dəyişiklik 16:54, 25 iyun 2020
Bəhrəmtəpə-Biləsuvar avtomobil yolunun tikintisi sürətlə davam etdirilir 16:53, 25 iyun 2020
Xaricdə təhsil almış gənclər Azərbaycan Tələbə və Məzunlar Platformasını yaradır. 16:51, 25 iyun 2020
Özbək dilində Azərbaycan ədəbiyyatı nəzəriyyəsi çapdan çıxıb. 16:49, 25 iyun 2020
Azərbaycan Respublikasının Baş Prokurorluğu və Dövlət Gömrük Komitəsinin Mətbuat xidmətlərinin məlumat16:47, 25 iyun 2020
BMA-nın elmi-tədqiqat laboratoriyası növbəti onlayn elmi seminar keçirimişdir. 16:44, 25 iyun 2020
Yük avtomobillərində dərman preparatları və mobil telefonlar aşkar edildi 16:00, 24 iyun 2020
Energetika Nazirliyi yanvar-may ayları üzrə neft və qaz hasilatına dair göstəriciləri açıqlayıb 15:59, 24 iyun 2020
Bakıətrafı qəsəbələrdə içməli su təchizatı 15:58, 24 iyun 2020
Yeni “ABAD” Bakaleyası “Dəniz Mall”da yerləşən “Bravo” marketində fəaliyyətə başlayıb 15:56, 24 iyun 2020
 

Bütün hüquqlar qorunur © 2020

Haqqıımızda | Saytda reklam | Bizimlə əlaqə