Bolqarıstanın görüşləri: Azərbaycanın Dağlıq Qarabağ münaqişəsi ilə bağlı mövqeyi Bolqarıstan ictimaiyyətinə çatdırılıb

Prezident İlham əliyevin MDBMİ-də mühazirələri çox maraqlı idi: Bolqarıstanın Əfqanıstandakı sabiq səfiri

Azərbaycanın Dağlıq Qarabağ münaqişəsi ilə bağlı və Ermənistanın Azərbaycana qarşı həyata keçirdiyi işğalçılıq siyasəti nəticəsində yaranmış regional təhlükəsizlik, humanitar və sosial-iqtisadi problemlər Bolqarıstan ictimaiyyətinə çatdırılıb.

Bu barədə "Azərbaycan-Bolqarıstan dostluğunun inkişafına yardım" İctimai Birliyinin sədri və "Akord" beynəlxalq jurnalının Bolqar dilində baş redaktoru Mariya Hüseynova  Ermənistanın Azərbaycana qarşı həyata keçirdiyi işğalçılıq siyasəti nəticəsində yaranmış regional təhlükəsizlik, humanitar və sosial-iqtisadi problemlər barədə Bolqarıstan ictimaiyyətinin məlumatlandırılması layihəsi çərçivəsində iyunun 18-dən iyulun 2-dək Bolqarıstana səfərin nəticələri barədə məlumat verib.

Səfər çərçivəsində cəmiyyətin sədri Bolqarıstan jurnalistlər İttifaqında, Bolqarıstan Yazıçılar İttifaqında, Bolqarıstanın xarici ölkələr üzrə Dövlət Agentliyində, Bolqarıstanın Xalq Məclisində (parlamentində), Dövlət Aqrar universitetda və Bolqarıstan ictimaiyyətinin nümayəndələri ilə görüşlər keçirib.

İyunun 21-də Bolqarıstan Yazıçılar İttifaqında keçirilmiş görüş zamanı onun sədri Boyan Angelov və Valeri Arjentinski (Bolqarıstanın əfqanıstandakı fövqəladə və səlahiyyətli səfiri 2007-ci ildən 2012-ci ilədək) Dağlıq Qarabağ münaqişəsi barədə məlumat vermişlər.

Ermənistan-Azərbaycan, Dağlıq Qarabağ münaqişəsinin həlli yollarını, Azərbaycanın hökumət və dövlət mövqeyini, Azərbaycanın sülhməramlı mövqeyini, Azərbaycan Respublikası Prezidentinin bu mövzuda mövqeyini əks etdirən məqalələr əks etdirən "Akord" jurnalı da təqdim edilmişdir.

Cənab Valeri Arjentinski görüş zamanı bildirdi ki, Azərbaycan Prezidenti İlham əliyev Moskva Dövlət Beynəlxalq Münasibətlər İnstitutunda təhsil alarkən ona dərs demişdir. "Prezident İlham əliyevin MDBMİ-də mühazirələri çox maraqlı olub", - deyə eks-səfir Arjentinski qeyd edib.

Iyunun 26-da Bolqarıstan deputatı Dora Yankova görüşdə Bolqarıstana Ermənistanın Azərbaycana qarşı işğalçılıq siyasəti nəticəsində yaranmış regional təhlükəsizlik, humanitar və sosial-iqtisadi problemlər barədə məlumat verib.

Bolqarıstan millət vəkili Dora Jankova bolqar dilində  «Akkord» jurnalını nəşr etmək üçün görülən işləri xüsusilə vurğulamışdır və qeyd etdi ki, «Akkord» jurnalının nüsxəsi Bolqarıstan Xalq Məclisi Kitabxanada oxucular üçün təqdim olunacaq.

Iyunun 27-də Sofiya şəhərinin müqəddəs Klement Ohridski adına Sofiya Universiteti ən qədim ali təhsil ocağında Azərbaycan dili və Mədəniyyəti Mərkəzində görüş keçirilib.

Görüşün əvvəlində Azərbaycanın və Bolqarıstanın himni səsləndirilib. "Azərbaycan-Bolqarıstan dostluğunun inkişafına yardım" İctimai Birliyinin sədri və "Akord" beynəlxalq jurnalının Bolqar dilində baş redaktoru Mariya Hüseynova çıxış edərək həyata keçirilən "Ermənistanın Azərbaycana qarşı təcavüzkar siyasəti nəticəsində regional təhlükəsizlik, humanitar və sosial-iqtisadi sahələrdə problemlər barədə Bolqarıstan ictimaiyyətinə məlumat verilməsi"layihəsinin məqsədləri barədə konfrans iştirakçılarına məlumat verdi. Həmçinin, Hüseynova "Akord" beynəlxalq jurnalının Bolqar dilində təqdimatını keçirib. Görüş çərçivəsində Çingiz Mustafayevin "Xocalı" filmi xüsusi əks-səda doğurdu.

 Bundan başqa, "Azərbaycan-Bolqarıstan dostluğunun inkişafında Yardım" İctimai Birliyinin sədri Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının Dağlıq Qarabağ münaqişəsində ölkə rəhbərliyinin nöqteyi-nəzərini Bolqar ictimaiyyətinə çatdırmaqda göstərdiyi maliyyə yardımına görə təşəkkürünü bildirib.

Görüşdə iştirak edən Sofiya Universitetinin müəllim və tələbələri Azərbaycanın mövqeyinin siyasətin, iqtisadiyyatın, mədəniyyətin müxtəlif istiqamətlərində işıqlandırılmasında və Azərbaycan ilə Bolqarıstan arasında əlaqələrin inkişafında mühüm rol oynayan "Akord" jurnalının Bolqar dilində nəşri ilə bağlı görülən işlərdən xüsusi vurğuladılar.

Ermənistanın Azərbaycana qarşı həyata keçirdiyi işğalçılıq siyasəti nəticəsində yaranmış regional təhlükəsizlik, humanitar və sosial-iqtisadi problemlər barədə Bolqarıstan ictimaiyyətinin məlumatlandırılması layihəsi iyunun 18-dən iyulun 2-dək Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyi ilə Bolqarıstanda həyata keçirib.