Təqvim
AzTU-da İİV/QİÇS-infeksiyası ilə bağlı profilaktik aksiya keçirilib (+FOTOLAR)
17 may 2019 - 14:16

Canveten.az xəbər verir ki, mayın 14-də Azərbaycan Respublikası Səhiyyə Nazirliyi QİÇS-lə Mübarizə Mərkəzinin həkimləri tərəfindən Azərbaycan Texniki Universitetində (AzTU) İİV/QİÇS-infeksiyası ilə bağlı  profilaktik aksiya keçirilib.

Əvvəlcə tələbələrə İİV/QİÇS-infeksiyası haqqında geniş məlumat verilib. Qeyd olunub ki, AzTU tələbələri hər il QİÇS-lə bağlı müayinəyə cəlb olunurlar.

Səhiyyə Nazirliyi QİÇS-lə Mübarizə Mərkəzinin nümayəndələri bildiriblər  ki, İİV-İnsanın İmmun çatışmazlığı Virusudur. Bu virus insanın müxtəlif infeksiyalara müqavimətini təmin edən immun sistemini mərhələlərlə zədələyərək, sonda tamamilə onu sıradan çıxarır və nəticədə Qazanılmış İmmun çatışmazlığı Sindromu (QİÇS) əmələ gəlir. İİV-infeksiyasının ilk əlamətləri yarananadək bir neçə il keçə bilər. Bu müddət ərzində İİV-infeksiyasına yoluxmuş insan bilmədən başqalarını da yoluxdura bilər.

Daha sonra tələbələr könüllü və anonim qaydada testdən keçiblər. Müayinə nəticələrinə görə AzTU-da QİÇS-ə yoluxma halı aşkar olunmayıb. QİÇS-lə Mübarizə Mərkəzinin həkimləri tələbələrə QİÇS-lə bağlı məsləhətlər verib və onlara xəstəliyin profilaktikası barədə maarifləndirici məlumat materiallarını təqdim ediblər.

 

! © Müəllif hüquqları qorunur ! Məlumatdan istifadə etdikdə istinad mütləqdir ! Məlumat internet səhifələrində istifadə edildikdə müvafiq keçidin qoyulması mütləqdir !!!  

ŞƏRHLƏR :

                              

( Sos.şəbəkədə gedən yazışmanin FOTO-ƏKSİ. Məzmun və qramatik səhvlərə görə redaksiya məsuliyyət daşımır )

                                    

Sosial şəbəkələrdə paylaş:

Bütün hüquqlar qorunur © 2024

Haqqıımızda | Saytda reklam | Bizimlə əlaqə