Canveten.az xəbər verir ki, tədbir Ukrayna Azərbaycanlıları Birləşmiş Diasporunun sədri, hüquq elmləri doktoru Hikmət Cavadov, Kiyev Azərbaycanlıları Konqresinin sədri Oleq Krapivin və Birləşmiş Ukrayna-Azərbaycan konqresinin sədri Rövşən Tağıyevtəşkilatçılığı ilə həyata keçirilib.

Ədəbi-musiqili gecənin rəsmi hissəsi“Azərbaycan” mahnısının ifası ilə başlanıb.

Daha sonra söz Azərbaycan Yazıçılar birliyi Xəzər bölməsinin sədri Arif Buzovnalıya verilib. A.Buzovnalı İmaddəddin Nəsiminin həyat və yaradıcılığı, İ.Nəsimi fəlsəfəsi, çağdaş həyatımızda rolu, Avropa və Şərq fəlsəfəsinə təsiri mövzusunda məruzə ilə çıxış edib.

Tədbirdə Ukrayna Azərbaycanlıları Radasının baş katibi seyid Qədəməliyev, Diasporalarla iş üzrə dövlət komitəsinin sədri Fuad Muradov, Ukraynada Azərbaycan Mədəniyyət Mərkəzinin rəhbəri və “Nəsimi – 650” tədbirinin aparıcısı Qurban Xəlilov, Cəfər Behbudov, aktrisa və müğənni Nataliya Kudriyaşova, Ukraynada məşhur olan Anna - Mariya dueti, Azərbaycandan-tarda əməkdar artist Şəhriyar İmanov, kamançada Elvin Novruzov, Muğam müsabiqəsininlaureatı,gənc xanəndə Orxan Hüseynov, Azərbaycanrəqs qrupu, Qafqaz rəqs qrupu, Ukraynada Azərbaycan Mədəniyyət Mərkəzinin rəqs qruplarıiştirak ediblər.

Ukraynadakı Azərbaycan Mədəniniyyət Mərkəzinin musiqi və rəqs kollektivləri ilə yanaşı Ukraynanın məşhur ifaçıları və Azərbaycandan dəvət olunmuş muğam üçlüyü Ukraynanın hər tərəfindən gəlmiş həmvətənlərimizə yaddaqalan bir gecə yaşadıblar.Nəsimi fəlsəfəsi və poeziyası barədə çıxışlarla yanaşı böyük şairin qəzəlləri də tədbirdə səslənib.

Ülviyyə İsrafilova

! © Müəllif hüquqları qorunur ! Məlumatdan istifadə etdikdə istinad mütləqdir ! Məlumat internet səhifələrində istifadə edildikdə müvafiq keçidin qoyulması mütləqdir !!!  

ŞƏRHLƏR :

( Sos.şəbəkədə gedən yazışmanin FOTO-ƏKSİ. Məzmun və qramatik səhvlərə görə redaksiya məsuliyyət daşımır )