Canveten.az xəbər verir ki,  “Celentano Tribute Show” fevralın 13-də Heydər Əliyev Sarayında keçiriləcək konsertində tamaşaçıları sürpriz gözləyir. Bu barədə dünya şöhrətli aktyor və müğənni Adriano Çelentanonun “rəsmi əkiz” Maurizio Schweizer Bakı sakinləri və şəhərin qonaqlarına etdiyi müraciətində bildirib.

Qeyd edək ki, Bakıda ilk dəfə, sevgililər gününə özəl olaraq keçiriləcək təkrarsız İtaliya layihəsi Celentano Tribute Show nümayiş etdiriləcək. Kreativ layihələri ilə seçilən SUNAR Medianın təşkilatçılığı ilə reallaşan konsert proqramı əfsanəvi dünya ulduzu Adriano Celentanonun 80 illik yubileyi şərəfinə keçirilir.

Əfsanəvi Adriano Celentanonun ən sevimli xitləri və performansları Maurizio Schweizerin ifasında Azərbaycan tamaşaçısına təqdim olunacaq.

İstedadı və böyük əməyi sayəsində Maurizio öz tanınmış əkizinin obrazının bütün detallarını - səsini və hərəkətlərini inanılmaz bacarıqla təkrarlaya bilir. Celentano Tribute Show  bir çox dünya ölkələrində konsert proqramı ilə çıxış edərək, tamaşaçıları valeh edir. Buna missal olaraq, Moskvanın Crocus City Hall konsert zalında keçirilən unudulmaz şouları qeyd etmək olar.

Bundan başqa, şou ABŞ  teatrlarında da böyük uğurla nümayiş etdirilir. Fransa, Ukrayna, İspaniya, Latviya, Türkiyə, Qazaxıstan, Almaniya, Mold Moldova və sair ölkələrdə də uğur qazanan şouindi Azərbaycanda geniş tamaşaçı kütləsinə  ilk dəfə təqdim olunacaq.

Biletləri İtiket (on-line almaq üçün linkə tıklayınhttps://iticket.az/events/concerts/celentano-tribute-show/6191 )  və şəhərin bütün kassaları, eləcə də ASAN xidmət kassalarından almaq mümkündür.

https://www.youtube.com/watch?v=-VPNnu8jn4U&feature=youtu.be

! © Müəllif hüquqları qorunur ! Məlumatdan istifadə etdikdə istinad mütləqdir ! Məlumat internet səhifələrində istifadə edildikdə müvafiq keçidin qoyulması mütləqdir !!!  

ŞƏRHLƏR :

( Sos.şəbəkədə gedən yazışmanin FOTO-ƏKSİ. Məzmun və qramatik səhvlərə görə redaksiya məsuliyyət daşımır )