Bir qrup alim misiri əridərək başqa maddəyə çevirib.

“Ölkə.Az” xəbər verir ki, yeni maddə kimyəvi proseslərdə qızıl və gümüş kimi dəyərli metallarla eyni funksiyanı yerinə yetirir. Mütəxəssislərin fikrinə əsasən, yeni maddə elektronik cihazların istehsalında qızıl və gümüş kimi dəyərli metalları əvəz edəcək. Bu barədə məlumat “Science Advances” elmi jurnalında verilib.

Məlum olub ki, professor Sun Jianın rəhbərlik etdiyi qrup misi yüksək tempraturda elektirklə yüklənmiş arqon qazına məruz qoyub.
Sürətlə hərəkət edən ionlaşmış parçalar mis atomları ilə toqquşub və soyuyan, sıxılan atomlar bir cihaz üzərində toplaşıb. Yeni dənəciklər ilə bir bakteriyanın mində biri boyda incə bir təbəqə əldə edilib. Sonra isə bu təbəqə alimlər tərəfindən reaksiya otağına aparılıb. Maddə sadəcə dəyərli metalların həyata keçirə biləcəyi bir proses olan kömürü spirtə çevirmək üçün katalizator kimi istifadə edilib.

Təcrübədə əldə edilən yeni bu təbəqənin nano hissəcikləri bu prosesdə qızıl və gümüşə bənzər şəkildə katalizator kimi fəaliyyət göstərib. Məsələ ilə bağlı açıqlama verən alimlər yeni maddənin elektronik cihazların istehsalında qızıl və gümüş kimi dəyərli metalları əvəz edəcəyini açıqlayıblar.

! © Müəllif hüquqları qorunur ! Məlumatdan istifadə etdikdə istinad mütləqdir ! Məlumat internet səhifələrində istifadə edildikdə müvafiq keçidin qoyulması mütləqdir !!!  

ŞƏRHLƏR :

( Sos.şəbəkədə gedən yazışmanin FOTO-ƏKSİ. Məzmun və qramatik səhvlərə görə redaksiya məsuliyyət daşımır )