Təqvim
Şeyx beynəlxalq tədbirdə erməni iftiralarından danışdı
06 fevral 2024 - 15:57

Şeyx beynəlxalq tədbirdə erməni iftiralarından danışdı

Qafqaz Müsəlmanları İdarəsinin (QMİ) sədri, Şeyxülislam Allahşükür Paşazadə BMT-nin Sivilizasiyalar Alyansının Beynəlxalq İnsan Qardaşlığı günü ilə bağlı təşkil etdiyi virtual tədbirdə iştirak edib.
CAN VƏTƏN xəbər verir ki, video-konfransın əvvəlində BMT-nin Baş katibi Antonio Quterreşin tədbir iştirakçılarına təbriki səsləndirilib.
BMT Sivilizasiyalar Alyansının Ali nümayəndəsi Miqel Angel Moratinosun sədrliyi ilə keçirilən tədbirə onlayn qoşulan Şeyxülislam həzrətləri Azərbaycan Prezidenti İlham Əliyevin salamlarını tədbir iştirakçılarına yetirib, konfransın işinə xeyir-dua verib. Bugünkü virtual görüşün dünyada sülhə, dinlər və sivilizasiyalararası dialoqun inkişafına töhfə verəcəyinə inandığını bildirib.     
QMİ sədri 2019-cu il, fevralın 4-də Birləşmiş Ərəb Əmirliklərinin  Əbu-Dabi şəhərində Roma Papası Fransisklə Əl-Əzhərin Baş İmamı Şeyx Əhməd əl-Tayyib arasında imzalanan “İnsan Qardaşlığı, Dünyada Sülh və Birgəyaşayış” Sənədini tarixi hadisə kimi xarakterizə edib. Bildirib ki, bəşəriyyətə təhdid olan böhranların dərinləşməsi beynəlxalq hüququn prinsip və normalarına riayət olunmaması üzündən baş verir. Ümumbəşəri mənəvi prinsiplərin bərqərar olması naminə, ksenofobiya və nifrətə çağırış və digər təhdidlərin qarşısının alınması üçün tərəqqipərvər insanların həmrəyliyinə ciddi ehtiyac var. Bu gün demokratiya və söz azadlığı pərdəsi altında dini hisslərin, rəmz və müqəddəsliklərin təhqir olunmasının qarşısı alınmalı, bunun üçün zəruri addımlar atılmalıdır.  
Şeyxülislam Allahşükür Paşazadə son zamanlar erməni təbliğatının ruporuna çevrilmiş bəzi dairələrin, beynəlxalq təşkilatların ölkəmizə qarşı apardığı qarayaxma kampaniyasına toxunaraq Azərbaycanda guya xristian məbədlərinin dağıdılması haqqında səslənən fikirlərin yalan, iftira olduğunu, heç bir fakta söykənmədiyini diqqətə çatdırıb. Vətən müharibəsindən sonra işğaldan azad edilən ərazilərdə aparılan böyük quruculuq işləri barədə danışıb, erməni vandalizminə məruz qalmış məscidlərlə yanaşı kilsə və sinaqoqların təmir-bərpa olunduğunu bildirib.    
Fevralın 7-də Azərbaycanda keçiriləcək Prezident seçkilərinə toxunan Şeyxülislam həzrətləri bu tədbiri ölkəmizin tarixində mühüm hadisə kimi xarakterizə edərək vurğulayıb ki, seçkilər öz müstəqilliyini əldə etdikdən sonra ilk dəfə olaraq Azərbaycanın beynəlxalq hüquqa, BMT Təhlükəsizlik Şurasının qətnamələrinə uyğun dünya birliyi tərəfindən tanınan bütün ərazilərində keçiriləcək.       
Tədbirdə müxtəlif dövlətlərin BMT yanında daimi nümayəndələri, o cümlədən, Səudiyyə Ərəbistanı Krallığının təmsilçisi  Əbdüləziz əl-Vasil, Mərakeş Krallığının daimi nümayəndəsi Ömər Qadiri, Ərəb Dövlətləri Liqasının nümayəndəsi Əbdülməcid Əbdülfəttah, Misir Ərəb Respublikasının nümayəndəsi Osama Əbdülxaliq, Pakistan İslam Respublikasının təmsilçisi Osman Jadun, Vatikan Dövlətinin nunsisi arxiyepiskop Qabriel Cordano, İspaniyanın daimi nümayəndəsi Hektor Hernandes, Kabo-Verdi Respublikasının təmsilçisi Tanya Romialdo və başqaları çıxış edərək fikirlərini bildiriblər.

Sosial şəbəkələrdə paylaş:
Kateqoriya:
QHT
Masallı güləşçiləri Bakıdan 11 medalla geri dönüb 19:07, 04 mart 2024
Təzə Alvadıda qaz xəttinin çəkilişi işlərinə baxış keçirilib - Masallıda 18:20, 29 fevral 2024
Əzizabad kəndində daha 17 ev təbii qazla təmin edilib - Masallıda 18:12, 29 fevral 2024
Masallılı voleybolçu yenidən ölkə yığmasına rəhbərlik edəcək 15:28, 28 fevral 2024
Xocalı soyqırımının 32-ci ildönümü Masallının təhsil müəssisələrində qeyd edilib 23:39, 26 fevral 2024
Xocalı soyqırımı qurbanlarının xatirəsi Masallıda böyük ehtiramla anılıb 22:00, 26 fevral 2024
...Xocalıya qayıdanacan 19:33, 25 fevral 2024
Fövqəladə hallar naziri Kəmaləddin Heydərov Masallı şəhərində vətəndaşları qəbul edib 12:45, 25 fevral 2024
Taekvondo üzrə ölkə kubokunun açılış mərasimi - Masallıda 21:29, 24 fevral 2024
“Xocalı naləsi” – Masallı Mədəniyyət Mərkəzinin səhnəsində 19:32, 23 fevral 2024
“Xocalı – qan yaddaşımız” – Masallıda tədbir 13:47, 23 fevral 2024
“Erkən nikahın fəsadları” – Masallıda maarifləndirici tədbir 15:41, 22 fevral 2024
Masallı məktəblərində Beynəlxalq Ana Dili Günü qeyd olunub 22:56, 21 fevral 2024
Məktəbliyə zorakılıq edən yeniyetmədən paylaşım: Vecimə də deyil... 01:24, 21 fevral 2024
Separatçılara son ittihamlar elan ediləcək 21:27, 20 fevral 2024
Mədəniyyətə xidmətdə keçən 46 il 22:07, 19 fevral 2024
Ağacəkmə aksiyası – Masallıda 17:49, 19 fevral 2024
QIR-SAQQIZ “MÜSAFİR”LƏR 18:34, 17 fevral 2024
Milli Qəhrəman Səfəralı Məmmədovun xatirəsi anılıb - Masallıda 19:25, 16 fevral 2024
“Biz sağlam həyatı seçirik” – Masallıda tədbir 19:12, 15 fevral 2024
 

Bütün hüquqlar qorunur © 2024

Haqqıımızda | Saytda reklam | Bizimlə əlaqə