Masallıda 23 iyun -

Dövlət Qulluqçularının Peşə Bayramı Günü qeyd olunub

23 iyun – Dövlət Qulluqçularının Peşə Bayramı Günü münasibətilə Masallıda tədbir keçirilib.

Dövlət qulluqçularını peşə bayramı günü münasibəti ilə təbrik edən Masallı Rayon İcra Hakimiyyətinin başçısı Araz Əhmədov çıxışında bildirib ki, respublikamızın Prezidenti cənab İlham Əliyevin 25 may 2006-cı il tarixli sərəncamı ilə 23 - iyun Azərbaycan Respublikasının Dövlət Qulluqçularının Peşə Bayramı Günü elan olunub: «Dövlət qulluğu haqqında» Azərbaycan Respublikası Qanunu qəbul edildikdən sonra onun tətbiqi mexanizmini yaratmaq məqsədi ilə cənab Prezident tərəfindən onlarla qanun, fərman və sərəncamlar imzalanmış, dövlət qulluğunun bütün əsas istiqamətlərinin qanunvericilik yolu ilə tənzimlənməsini təmin etmək məqsədilə əsasnamələr, qaydalar, nümunələr təsdiq edilmişdir...”

Tədbirdə dövlət qulluğunda fərqlənən bir qrup dövlət qulluqçusuna RİH başçısı və Dövlət idarələri və İctimai Xidmət İşçiləri Həmkarlar İttifaqı Masallı rayon komitəsi tərəfindən fəxri fərman və qiymətli hədiyyələr təqdim olunub.

Akif AĞAYEV