Gülağa Tənha:

 DÜNYANIN
(Baş açmadıq kələyindən dünyanın)

Anlamadıq, torpağına can atdıq,
Beşiyindən, bələyindən dünyanın.
Yoxuşunda dizimizi qanatdıq,
Baş açmadıq kələyindən dünyanın.

Söyüdlərin saçlarını hörmədik,
Üzümüzü çəməninə sərmədik,
Bir sədaqət, bir etibar görmədik,
Hurisindən, mələyindən dünyanın.

Can isitmir ocaq daha, köz daha,
Dərd bitirib sən açdığın iz daha,
Ay Gülağa, səbrli ol, döz, daha
ələnmərik ələyindən dünyanın.

Moskva, 20 may, 1988