Təqvim
İlham Əliyev və Macarıstanın baş naziri arasında məktub mübadiləsi olub
05 may 2022 - 12:18

Macarıstanın Baş naziri Viktor Orban Azərbaycan Respublikasının Prezidenti İlham Əliyevə təbrik məktubu ünvanlayıb. 

Məktubda deyilir:

“Diplomatik münasibətlərimizin qurulmasının 30 illiyi münasibətilə Sizə ən xoş arzularımı yetirirəm.

Şadam ki, son üç onillikdə ölkələrimiz arasında əlaqələr davamlı şəkildə inkişaf edib və biz qarşılıqlı hörmətə əsaslanan sıx strateji tərəfdaşlıq münasibətləri qurmuşuq.

Sizi əmin edirəm ki, Macarıstan siyasi, iqtisadi, ticarət və mədəni sahələrdə ikitərəfli əlaqələrimizin dərinləşdirilməsinə sadiqdir. Ümumi məqsədlərimizə nail olmaq üçün Siz bundan sonra da hökumətimin dəstəyinə arxalana bilərsiniz. İnanıram ki, enerji sahəsində əməkdaşlığımızın genişləndirilməsi və macar şirkətlərinin Qarabağın yenidən qurulmasında iştirakı ilə bağlı danışıqlar uğurla nəticələnəcək.

Sizə möhkəm cansağlığı və ali dövləti vəzifənizdə yeni uğurla arzu edirəm”.

Eyni zamanda Prezident İlham Əliyev Macarıstanın Baş naziri Viktor Orbana təbrik məktubu göndərib.

 

Məktubda deyilir:

“Azərbaycan Respublikası ilə Macarıstan arasında əlamətdar tarix – diplomatik münasibətlərin qurulmasının 30-cu ildönümü münasibətilə Sizi təbrik edir, dost xalqınıza ən xoş və səmimi arzularımı çatdırmaqdan məmnunluq duyuram.

Müasir diplomatik əlaqələrimizin tarixi 30 illik dövrü əhatə etsə də, xalqlarımız arasında əsrlərdən bəri davam edən dostluq və əməkdaşlıq ənənələri mövcuddur. Macarıstan Azərbaycan üçün yaxın dost və tərəfdaş ölkədir. Məmnunluqla qeyd etmək istəyirəm ki, ötən onilliklər ərzində dövlətlərarası münasibətlərimiz dinamik və hərtərəfli inkişaf etmiş, strateji tərəfdaşlıq səviyyəsinə yüksəlmiş, siyasi, iqtisadi, humanitar və digər sahələrdə əlaqələrimiz daha da genişlənmişdir.

Bu gün ölkələrimiz arasında siyasi, iqtisadi, energetika, nəqliyyat, kənd təsərrüfatı, təhsil və digər sahələrdə fəal əməkdaşlıq mövcuddur. Hesab edirəm ki, qarşılıqlı faydalı əməkdaşlığımızın daha da inkişaf etdirilməsi üçün geniş imkanlar vardır.

Hazırda Azərbaycanın işğaldan azad olunmuş ərazilərində genişmiqyaslı bərpa və yenidənqurma işləri həyata keçirilir. Biz Macarıstandan olan şirkətlərin də bu prosesdə iştirakını görməkdən məmnun olardıq.

Azərbaycan ilə Macarıstan həm də beynəlxalq və regional təşkilatlar çərçivəsində səmərəli əməkdaşlıq edirlər. Macarıstanın Avropa İttifaqı çərçivəsində ölkəmizə göstərdiyi dəstəyi və Türk Dövlətləri Təşkilatı xətti ilə əməkdaşlığımızı yüksək qiymətləndiririk. Əminəm ki, Azərbaycan Respublikası ilə Macarıstan arasında qarşılıqlı etimad və dəstəyə əsaslanan dostluq münasibətləri bundan sonra da xalqlarımızın mənafelərinə uyğun olaraq inkişaf edəcək və genişlənəcəkdir.

Sizə möhkəm cansağlığı, xoşbəxtlik, işlərinizdə müvəffəqiyyətlər, dost Macarıstan xalqına daim əmin-amanlıq və rifah diləyirəm”.

Sosial şəbəkələrdə paylaş:
Kişini elektrik cərəyanı vuraraq öldürüb 16:18, 21 may 2022
Əli Əsədov lotereya və idman mərc oyunları təşkilatçıları ilə bağlı qərar imzaladı 16:15, 21 may 2022
Bayden Ukraynaya 40 milyardlıq yardım paketini İMZALADI 16:12, 21 may 2022
200 kəsiri olan tələbəni məhkəməyə verdilər 13:58, 21 may 2022
ALLAH ADAMI13:27, 21 may 2022
Ermənistan Prezidenti İsveçrəyə getdi 12:45, 21 may 2022
İlham Əliyev və Nikol Paşinyanın Brüsseldə görüşü keçiriləcək 18:59, 20 may 2022
Gülağa Tənha - Ölkənin birnci şəxslərinin sərəf və ləyaqətinə hörmətdən danışdı 18:40, 20 may 2022
Dünyanın ən bahalı avtomobili satıldı 18:37, 20 may 2022
ÜST “Meymun çiçəyi”nə görə təcili toplanır 18:35, 20 may 2022
Əli Əsədov: "Bakı İrəvandan öhdəliklərin yerinə yetirilməsini gözləyir" 18:26, 20 may 2022
İlham Əliyev ICESCO-nun Baş direktorunu qəbul edib 13:36, 20 may 2022
Rusiyada 12 hərbi komissarlıq yandırılıb 19:07, 19 may 2022
İran Prezidenti İlham Əliyevi səfərə dəvət ETDİ19:04, 19 may 2022
Əlillik bu hallarda müddətsiz müəyyən ediləcək - QƏRAR17:44, 19 may 2022
Gülağa Qənbərov : Əli İnsanov , Sizin " Heydər Əliyev Fondu " sözünü dilə gətirməyə mənəvi haqqınız yoxdur ! 17:22, 19 may 2022
İlham Əliyev Türkiyənin kənd təsərrüfatı və meşəçilik nazirinin başçılıq etdiyi nümayəndə heyətini qəbul edib 17:07, 19 may 2022
Azərbaycanda yeni publik hüquqi şəxs yaradılır - FƏRMAN12:53, 19 may 2022
Paşinyan Təhlükəsizlik Şurasının iclasını keçirdi 22:21, 18 may 2022
Nazirliyə yeni səlahiyyət verildi - FƏRMAN22:18, 18 may 2022
 

Bütün hüquqlar qorunur © 2022

Haqqıımızda | Saytda reklam | Bizimlə əlaqə