Təqvim
İlham Əliyev TASS agentliyində Azərbaycan-Rusiya əməkdaşlığına həsr edilmiş sərgi ilə tanış olub
24 fevral 2022 - 10:48

Fevralın 23-də Azərbaycan Respublikasının Prezidenti İlham Əliyev və birinci xanım Mehriban Əliyeva Moskvada TASS agentliyinin mənzil-qərargahında “Rusiya və Azərbaycanın diplomatik münasibətlərinin 30 ili TASS və AZƏRTAC-ın fotolarında” adlı ekspozisiya ilə tanış olublar. Bu, TASS və AZƏRTAC-ın birgə layihəsidir.

 

İyirmi fotoşəkildən ibarət olan ekspozisiyada Rusiya və Azərbaycan xalqlarının siyasi, iqtisadi, hərbi, mədəni və digər sahələrdə dostluğunun və əməkdaşlığının tarixinin ən yeni dövrü barədə söhbət açılır.

 

TASS agentliyinin baş direktorunun birinci müavini Mixail Qusman ekspozisiyada təqdim edilən şəkillər barədə qonaqlara məlumat verib. TASS-ın fotoqrafları 1997-ci ildə Azərbaycan Prezidenti Heydər Əliyev və Rusiya Prezidenti Boris Yeltsin tərəfindən Dostluq, Əməkdaşlıq və Təhlükəsizlik haqqında Müqavilənin, 2001-ci ildə Heydər Əliyev və Vladimir Putin tərəfindən Xəzər dənizində əməkdaşlığın prinsipləri haqqında Birgə Bəyanatın və Qafqazda təhlükəsizliyin təmin edilməsi və əməkdaşlığın inkişafı prinsipləri haqqında Bakı Bəyannaməsinin imzalanması anlarını əbədiləşdiriblər.

 

Ekspozisiyada Rusiya Prezidenti Vladimir Putinin, RF xarici işlər naziri Sergey Lavrovun, Moskvanın və Bütün Rusiyanın Patriarxı Kirillin Azərbaycana rəsmi səfərlərindən çəkilmiş fotoşəkillər nümayiş etdirilir.

 

Xalq Təsərrüfatı Nailiyyətləri Sərgisində “Azərbaycan” pavilyonunun açılışı və Rusiya Prezidenti Vladimir Putin tərəfindən Azərbaycanın Birinci vitse-prezidenti Mehriban Əliyevaya Rusiya-Azərbaycan münasibətlərinin inkişafında və möhkəmləndirilməsində xidmətlərinə görə “Dostluq” ordeninin təqdim edilməsi mərasimlərindən çəkilmiş kadrlar Mehriban Əliyevanın Rusiyaya səfərlərini əks etdirir.

 

2021-ci ildə Cəbrayılda “KamAZ” Açıq Səhmdar Cəmiyyətinin servis mərkəzinin və “Gəncə Avtomobil Mərkəzi” İstehsalat Birliyinin təməlinin qoyulmasını əks etdirən, AZƏRTAC-ın fotomüxbirinin çəkdiyi fotoşəkil iqtisadiyyat sahəsində əməkdaşlıq nümunəsidir. Azərbaycanın Xəzər Gəmiçiliyi üçün tikilmiş “Prezident Heydər Əliyev” neftdaşıyan tankerinin “Krasnoye Sormovo” zavodunun stapellərindən suya buraxılması mərasimindən çəkilmiş fotoşəkli TASS agentliyi təqdim edib.

 

Sankt-Peterburqda dahi Azərbaycan şairi Nizami Gəncəvinin abidəsinin açılışından, Rusiyanın və Azərbaycanın Xalq artisti Lyudmila Zıkinanın konsertindən sonra Heydər Əliyevin onunla söhbəti zamanı AZƏRTAC-ın fotomüxbirinin çəkdiyi kadrlar mədəniyyət sahəsində qarşılıqlı münasibətlərdən bəhs edir.

 

Ekspozisiyada Rusiya Prezidenti Vladimir Putin ilə Azərbaycan Prezidenti İlham Əliyevin görüşləri həm rəsmi fotoşəkillərlə, həm də onların Bakı sakinləri ilə qeyri-formal görüşündən çəkilmiş kadrlarla nümayiş etdirilir.

 

Prezident İlham Əliyev sərgi ilə tanışlıqdan sonra TASS agentliyinin mənzil-qərargahında Rusiyanın aparıcı kütləvi informasiya vasitələrinin rəhbərləri ilə görüşüb.

Sosial şəbəkələrdə paylaş:
Xersonda mer saxlanıldı 17:45, 29 noyabr 2022
Gülağa Tənha: AZƏRBAYCAN ƏSGƏRİ17:41, 29 noyabr 2022
İnzibati Xətalar Məcəlləsində dəyişiklik edildi 17:13, 29 noyabr 2022
Paşinyanın qardaşı ağır qəzaya düşdü 17:11, 29 noyabr 2022
İlham Əliyev Tatarıstan Prezidentini qəbul etdi 11:59, 29 noyabr 2022
Luqanskda işğalçıların təyyarələri məhv edildi 11:58, 29 noyabr 2022
İlham Əliyev Birləşmiş Ərəb Əmirliklərinin Kabinet işləri nazirini qəbul edib 11:54, 29 noyabr 2022
Gülağa Tənha: BİLƏR21:35, 28 noyabr 2022
Masallı boksçusu respublika üçüncüsüdür Akif Ağayev +FOTO=320:53, 28 noyabr 2022
13 erməni hərbçisinin meyiti qarşı tərəfə təhvil verildi 20:52, 28 noyabr 2022
“Heydər Əliyev İli” ilə bağlı Tədbirlər Planı TƏSDİQLƏNDİ20:51, 28 noyabr 2022
Masallıda mini-futbol turnirinə yekun vurulub Akif Ağayev+FOTO=418:07, 28 noyabr 2022
Prezident AZƏRTAC-a rəhbər TƏYİN ETDİ16:45, 28 noyabr 2022
Ədliyyə Nazirliyinin strukturu DƏYİŞDİRİLDİ16:42, 28 noyabr 2022
Prezident Naxçıvan Dövlət Gömrük Komitəsini LƏĞV ETDİ16:16, 28 noyabr 2022
İlham Əliyev Dövlət Gömrük Komitəsi ilə bağlı fərman İMZALADI 16:14, 28 noyabr 2022
Masallıda çempionla görüş və ustad dərsləri keçirilb Akif Ağayev +FOTO=914:44, 28 noyabr 2022
Gülağa Tənha: MASALLI21:25, 27 noyabr 2022
Gülağa Tənha: LALƏ21:19, 26 noyabr 2022
Azərbaycanda yeni universitet binası tikiləcək - Prezident19:34, 25 noyabr 2022
 

Bütün hüquqlar qorunur © 2022

Haqqıımızda | Saytda reklam | Bizimlə əlaqə