Bu dəfə sizə xeyriyyəçi – şair Gülağa Tənhanın Bakımızın bəzəyi olan “Xəzər” şeirinə bəstələnmiş mahnını təqdim edirik. Musiqisi Aynur Adilqızı, ifaçıları Elnur və Nihatdır. Bütövlükdə bu gözəl kompazisiyanı tamamlayan klip ilə qeyd etdiyimiz kimi nəyin ki Bakımızın bütöv Azərbaycan üçün bir sərvət olan dənizimizin füsünkarlığı əks etdirilmişdir. Xəzərdən söz düşmüşkən qeyd etmək mütləqdir ki, ərazisinə görə adlandırdığımız dəniz, coğrafi qeydlərdə dünyanın ən dərin gölü və bəzi mənbələrdə ad olaraqı: “Əjdaha” mənasını daşıdığı məlumdur...

Gülağa Tənha yaradıcılığı yalnız Azpress.az saytı tərəfindən yayımlanır. Nəzərinizə çatdırırıq ki, videoçarxlar məhz saytda yayımlanandan sonra yutub kanalında yenindən baxa bilərsiniz. Yeni videolarla görüşünüzə gələcəyik. Azpress.az saytını izləməyi və kanalımıza abunə olmağı unutmayın!

söz: Gülağa Tənha (Qənbərov)
musiqi: Aynur Adilqızı
ifa: Elnur və Nihat

XƏZƏR

Vətənim dağlar, dərələr,
Bir də mavi Xəzərdi.
Oylağım küləkli düzlər,
Pıçıldaşan ləpələrdi.
Bəzən sakit mürgü vurur,
Bəzən şahə qalxır Xəzər.
Gah mışıl-mışıl uyuyur,
Gah şimşəktək çaxır Xəzər.
Abşeronun nəfəsidi,
Onun xəzri, gilavarı.
Həzin sevgi nəğməsidi
Layla çalan dalğaları.
Aylı, ulduzlu gecələr
Bir çilçıraq olar Xəzər.
Sirli nağıla çevrilər,
Yuxulara dolar Xəzər.
Bakı, 1993