Təqvim
İlham Əliyev və Mehriban Əliyeva “Gənclik” parkının açılışında
26 avqust 2021 - 20:15

Avqustun 26-da Azərbaycan Respublikasının Prezidenti İlham Əliyev və birinci xanım Mehriban Əliyeva Bakının Xətai rayonu ərazisində yeni yaradılan “Gənclik” parkının açılışında iştirak ediblər.

 

Prezidentin köməkçisi Anar Ələkbərov burada yaradılan şərait barədə dövlətimizin başçısına və birinci xanıma məlumat verdi.

 

Bir zamanlar baxımsız ərazi olan bu yerin indi həmin görkəmindən əsər əlamət qalmayıb. Paytaxtın Xətai rayonunda yerləşən ərazi yenidən qurularaq Azərbaycanın meşə tipli füsunkar parklarından birinə çevrilib.

 

Hələ 2019-cu il noyabrın 11-də “Gənclik” parkı yeni salınarkən Heydər Əliyev Fondunun “Regional İnkişaf” İctimai Birliyinin “Təbiət naminə birləş, Həyat naminə birləş!” layihəsi çərçivəsində ağacəkmə aksiyasında iştirak edən dövlətimizin başçısı parkın abadlaşdırılması, təbii mənzərəsinin qorunub saxlanılması, burada əyləncə və idmanla məşğul olmaq üçün şəraitin yaradılması ilə yanaşı, iaşə obyektlərinin qurulması, insanların asudə vaxtlarının səmərəli təşkili məqsədilə zəruri infrastrukturun qurulmasına dair tapşırıqlar vermişdi. Üzərindən qısa zaman keçməsinə baxmayaraq, tapşırıqlar tam şəkildə icra olunub və nəticədə yeni istirahət mərkəzi paytaxtın ən gözəl məkanlarından birinə çevrilib.

 

Parkda şəhər sakinlərinin və qonaqların istirahəti üçün müxtəlif infrastruktur yaradılıb. Buraya üz tutanlar həm yay, həm də qış aylarında paytaxt Bakının, o cümlədən Xəzər dənizinin əsrarəngiz mənzərəsini də seyr edə bilərlər.

 

Gənclik parkı 43 hektar ərazini əhatə edir. Burada 300 minədək ağac əkilib, yaşıllıqlar salınıb. Bir sözlə, sakinlər və qonaqlar parkda asudə vaxtlarını səmərəli keçirə biləcəklər.

 

Yeni istirahət məkanında həm uşaqlar, həm də böyüklər üçün idman və əyləncə sahələri yaradılıb, attraksion quraşdırılıb. Həmçinin Əmək və Əhalinin Sosial Müdafiəsi Nazirliyi tərəfindən fiziki məhdudiyyətli şəxslər üçün idman və əyləncə sahəsi yaradılıb.

 

“Gənclik parkı”nın tərtibatı zamanı hər bir detal xüsusi zövqlə hazırlanıb. Burada təqdim olunan "Ürəklər" kompozisiyası paytaxtımıza, təbiətimizə, insanlarımıza olan sevgini tərənnüm edir.

 

Burada bağlı və açıq futbol meydançaları inşa olunub. Parkda ziyarətçilər üçün piknik məntəqələri də var. Qaçış üçün cığırlar, eləcə də velosiped yolları parkın idmansevərlərin də ən çox üz tutduqları məkana çevriləcəyindən xəbər verir.

 

Park ərazisinin genişliyi nəzərə alınaraq istirahət edən şəxslərin rahatlığı üçün müvafiq məlumatlandırıcı və istiqamətləndirici lövhələr quraşdırılıb. Ərazinin ən görməli yerlərindən biri də parkda yaradılan göldür.

 

Azərbaycanda ekoloji vəziyyətin yaxşılaşdırılması üçün dövlət səviyyəsində həyata keçirilən layihələrə birinci xanım Mehriban Əliyevanın rəhbərlik etdiyi Heydər Əliyev Fondu da xüsusi diqqət yetirir. Fond ölkəmizdə yeni yaşıllıqların salınması və mövcud yaşıllıq sahələrinin qorunması üzrə layihələr icra edir. Bu sahədə Fondun vitse-prezidenti, IDEA İctimai Birliyinin təsisçisi və rəhbəri Leyla Əliyevanın təşəbbüsü və dəstəyi ilə ekoloji durumun daha da yaxşılaşdırılması, yeni yaşıllıqların salınması məqsədilə icra olunan layihələrin də mühüm rolu var.

 

Beləliklə, “Gənclik” parkı paytaxtda aparılan abadlıq-quruculuq işlərinə mühüm töhfə verməklə ölkənin sosial-ekoloji hədəflərinin reallaşdırılmasının davamlı xarakter aldığını bir daha təsdiqləyir.

 

Sosial şəbəkələrdə paylaş:
Qubadlıda gömrük postu yaradıldı 18:34, 27 oktyabr 2021
Müdir işdən çıxmaq istəyən işçini döydü 18:27, 27 oktyabr 2021
Rövşən Əkbərova hökm oxundu: 10 il həbs, 40 min manat da ödəməli olacaq18:10, 27 oktyabr 2021
Türkmənistan prezidenti məşhur serialın ssenari müəllifi olduğunu İDDİA ETDİ17:47, 27 oktyabr 2021
Azərbaycan və Türkiyənin dini liderləri QARABAĞDA15:31, 27 oktyabr 2021
Gülağa Tənha Kitab təqdimatı (professor Nizami Cəfərov, tamaşa və "Xəzər" mahnısı)15:08, 27 oktyabr 2021
Bu universitetdə erməni dilinin tədrisinə başlanıldı 14:59, 27 oktyabr 2021
Ağdaşda 15 yaşlı qız intihara cəhd etdi 14:17, 27 oktyabr 2021
Mingəçevirdə saxta koronavirus pasportu satan xəstəxana rəhbərliyinə cinayət işi açılıb 12:58, 27 oktyabr 2021
Ailə aclıqdan ölməmək üçün uşağını 500 dollara satdı11:16, 27 oktyabr 2021
İrana kiberhücüm olundu: SİSTEM ÇÖKDÜ18:21, 26 oktyabr 2021
Koçaryanın deputatını tribunadan sürüyərək atdılar +VİDEO18:14, 26 oktyabr 2021
Mehriban Əliyeva Prezident İlham Əliyevlə Zəngilandan yeni foto paylaşıb +FOTO=218:07, 26 oktyabr 2021
Qarabağda döyüşən ABŞ ermənisindən etiraf +VİDEO18:01, 26 oktyabr 2021
Gülağa Tənha Kitab təqdimatı (anons, tamaşa, qəzəl)17:18, 26 oktyabr 2021
Prezidentlər Zəngəzur dəhlizinin təməlini qoydu 15:30, 26 oktyabr 2021
Füzuli Beynəlxalq Hava Limanının rəmzi açarları prezidentlərə təqdim edildi 14:27, 26 oktyabr 2021
1075 il həbs cəzası alan Adnan Oktarın həbsxanadan yeni fotosu14:17, 26 oktyabr 2021
Tanınmış yazıçı Narkoloji Dispanserdən EVƏ BURAXILDI11:33, 26 oktyabr 2021
İki polis əməkdaşı silah oğurluğuna görə TUTULDU10:55, 26 oktyabr 2021
 

Bütün hüquqlar qorunur © 2021

Haqqıımızda | Saytda reklam | Bizimlə əlaqə