Təqvim
BNA-nın timsalında sərnişinlərə xidmət göstərən nəqliyyatçı həmkarlarımıza minnətdarıq
27 iyul 2020 - 16:36

Bu gün Azərbaycanda yeni növ koronavirus ("COVID-19") pandemiyası ilə mübarizə şəraitində silsilə tədbirlər həyata keçirilir. Azərbaycan Respbulikasının Prezidenti cənab İlham Əliyevin qətiyyətli qərarları və zamanında verilmiş tapşırıq və tövsiyələrinə uyğun olaraq, ölkəmizdə virusla mübarizədə və onun geniş miqyasda yayılmasının qarşısının alınması, müvafiq tədbirlərin görülməsi istiqamətində əhəmiyyətli addımlar atılır. Azərbaycan Respublikasının Birinci vitse-prezidenti Mehriban xanım Əliyevanın təşəbbüsləri və çağırışları bu mübarizədə hər bir Azərbaycan vətəndaşının inam və güvənc mənbəyidir.


Azərbaycan Respublikası Nazirlər Kabineti yanında Operativ Qərargahın virusla mübarizədə həyata keçirdiyi tədbirlər sırasında ictimai nəqliyyatın fəaliyyətinin tənzimlənməsi ilə bağlı taleyüklü qərarlar yer alır. "COVID-19" virusunun qapalı məkanlarda, o cümlədən Bakı metropoliteni kimi yeraltı nəqliyyatda xüsusi intensivliklə yayılmaq təhlükəsinə malik olması günümüzün reallığıdır. Məhz bu təhlükələr nəzərə alınaraq, Azərbaycan Respublikasının Nazirlər Kabineti mart ayının 31-i gecə saat 22:00-dan etibarən Bakı metropolitenində sərnişindaşıma fəaliyyətini dayandırmış və 38 gün ərzində paytaxtda insanların hərəkətinin təşkili sahəsində yük, əsas nəqliyyat təminatçısı kimi, Bakı Nəqliyyat Agentliyinin üzərinə düşdü. May ayının 9-da Bakı metropolitenində yenidən qatarların hərəkəti bərpa olunsa da, iyul ayının 4-ü saat 00:00-dan etibarən 5 avqust saat 06:00-a qədər Bakı metropolitenində sərnişindaşıma fəaliyyəti bir daha dayandırıldı.


Bu günlər ərzində də yenidən Bakı şəhərində ictimai nəqliyyatın əsas yükü Bakı Nəqliyyat Agentliyinin üzərinə düşüb. Bundan əlavə Bakı Nəqliyyat Agentliyi iyun və iyul aylarında tətbiq edilən sərt izolyasiya tədbirləri ilə əlaqədar paytaxt ərazisində ictimai nəqliyyatın işinin dayandırıldığı günlərdə bir çox mühüm sahələrin fəaliyyətinin tənzimlənməsi məqsədilə işçilərin daşınmasında danılmaz xidmət və fədakarlıq nümayiş etdirir. Belə müəssisələr sırasında bir çox spesifik sahələrinin iş rejimi müxtəlifliyi ilə seçilən, sutkanın 24 saatı ərzində fasiləsiz fəaliyyət göstərməli olan "Bakı Metropoliteni" QSC də var. Zərurət yarandığı təqdirdə, Agentlik məmnuniyyətlə dəstəyini əsirgəmədən metropolitençilərin də köməyinə çatmağa hazır olduğunu nümayiş etdirir.


Hər kəsə məlumdur ki, ölkə paytaxtı kimi, Bakı şəhərində nəhəng infrastruktura malik, çoxsaylı inzibati, istehsalat, sənaye, təsərrüfat və xidmət sahələrinin hər birinin fasiləsiz işi, insanların nəqliyyat ehtiyaclarının ödənməsi bu günlərdə çox mühüm əhəmiyyət kəsb edir. Həyatın normal axarı ilə davam etməsi, ölkəmizin rifahının sütunu olan sosial-iqtisadi sahələrin iş ritminin təmin olunması nəqliyyat sektorunun da hərəkətverici qüvvəsindən çox asılıdır.


İnsanların rahat və təhlükəsiz daşınmasının məsuliyyəti, ağırlığı, eyni zamanda, bu işin təşkilinin mürəkkəbliyi nəqliyyat sektorunda özünəməxsus yer tutan metropoliten kollektivinə çox yaxından tanışdır və bunun nə qədər böyük zəhmət, fədakarlıq tələb etməsini metropolitençilər yaxşı başa düşürlər.


Şəhərdaxili ictimai nəqliyyat sektorunun əsas yükünü üzərinə götürərək bu vəzifənin layiqincə yerinə yetirilməsində, sözün həqiqi mənasında, fədakarlıq nümayiş etdirən, əzmlə və yorulmadan çalışan Bakı Nəqliyyat Agentliyinin kollektivinə metropolitençilər adından təşəkkürümüzü və mənəvi dəstəyimizi bir daha ifadə edirik.


Bu gün hər birimiz naminə evindən iş yerinə, işdən evinə yol alan insanların xidmətində dayanmaq böyük şərəfdir. Belə bir öhdəliyi üzərinə götürən Bakı Nəqliyyat Agentliyinin bütün imkanları daxilində və ən əsası alnıaçıqlıqla bu işi yerinə yetirdiyinə heç bir şübhəmiz yoxdur. Əksər sahələrdə pandemiyanın yaratdığı maneələrə, bəzən mürəkkəbləşən vəziyyətə rəğmən, çətinliklərə sinə gərərək "birlikdə və güclü olub qalib gəlmək" naminə qüvvələrimizi səfərbər etməyi, bir-birimizə dəstək olmağı da unutmamalıyıq. Məhz birlikdə olub, inamla, sayğı və səbirlə bu çətinlikləri aradan qaldıracağımıza əminik.


Pandemiyanın diktə etdiyi xüsusi şərtlər səbəbindən Bakı metrosunun sərnişinlərinə xidmət göstərə bilmədiyi, lakin paytaxtın ağır geoloji təsirləri şəraitində böyük infrastrukturu qorumaq naminə bütün qüvvələrini sərf etdiyi və əməkdaşlarının, əksərən, məhz yerüstü ictimai nəqliyyatın xidmətindən istifadə edərək iş başına yetişdiyi bir vaxtda, Bakı Nəqliyyat Agentliyinin timsalında, virusa yoluxma riski qrupuna daxil olmalarına baxmayaraq, ruh yüksəkliyi ilə və bacarığını əsirgəmədən sərnişinlərinə nümunəvi xidmət göstərməyə çalışan bütün yerüstü ictimai nəqliyyat sektorunun fədakar əməkdaşlarına "Sizinləyik" deyərək, işlərində müvəffəqiyyətlər arzulayırıq.



“Bakı Metropoliteni” QSC-nin kollektivi

Sosial şəbəkələrdə paylaş:
Kateqoriya:
TURİZM
“Heydər Əliyevin 100 illiyi” yubiley medalları təqdim edilib - Masallıda 18:48, 18 mart 2024
Sərrast atıcı, xilaskar döyüşçü 15:27, 18 mart 2024
İMKANSIZ AİLƏLƏRƏ BAYRAM SOVQATI PAYLANILDI - GÜLAĞA TƏNHANIN TƏŞƏBBÜSÜLƏ11:48, 18 mart 2024
Masallılı güləşçilər beynəlxalq turnirin mükafatçısıdır 19:53, 17 mart 2024
2024-cü ilin Gənclər Paytaxtı Lənkəranda Novruz festivalı 17:49, 17 mart 2024
“Aqrar biznes festivalı” – Masallıda 18:12, 14 mart 2024
Novruz düşüncəsi: Səməni 13:40, 14 mart 2024
Düşmən çəpəri, yurd sipəri 17:07, 13 mart 2024
Masallı məktəblərində “İdman həftəsi” keçirilib 19:59, 12 mart 2024
Cəsur komandir: ”Qorxu ölüm deməkdir” 19:12, 11 mart 2024
Dünya çempionu, XTQ zabiti 18:29, 10 mart 2024
EŞQ İLƏ DOLU KÖNÜLLƏR QOCALMAZ 16:24, 09 mart 2024
Masallı güləşçiləri Bakıdan 11 medalla geri dönüb 19:07, 04 mart 2024
Təzə Alvadıda qaz xəttinin çəkilişi işlərinə baxış keçirilib - Masallıda 18:20, 29 fevral 2024
Əzizabad kəndində daha 17 ev təbii qazla təmin edilib - Masallıda 18:12, 29 fevral 2024
Masallılı voleybolçu yenidən ölkə yığmasına rəhbərlik edəcək 15:28, 28 fevral 2024
Xocalı soyqırımının 32-ci ildönümü Masallının təhsil müəssisələrində qeyd edilib 23:39, 26 fevral 2024
Xocalı soyqırımı qurbanlarının xatirəsi Masallıda böyük ehtiramla anılıb 22:00, 26 fevral 2024
...Xocalıya qayıdanacan 19:33, 25 fevral 2024
Fövqəladə hallar naziri Kəmaləddin Heydərov Masallı şəhərində vətəndaşları qəbul edib 12:45, 25 fevral 2024
 

Bütün hüquqlar qorunur © 2024

Haqqıımızda | Saytda reklam | Bizimlə əlaqə