Təqvim
Gözəl mahnı möhtəşəm ifada
26 may 2020 - 15:36

Bütün dünya ölkələrinin əhalisi Covid-19 pandemiyasının törətdiyi fəsadlarından əziyyət çəkdiyi bir vaxtda incəsənət xadimləri Azərbaycanın musiqi mədəniyyətini təbliğ edərək, öz təkrarolunmaz ifaları ilə insanlara dəstək verdiklərinin şahidi oluruq.
Beləki, bu ilin may ayının əvvələrində görkəmli tarzən, Azərbaycanın xalq artisti, “Şərəf” və “Şöhrət” ordenli,Dövlət mükafatçısı,professor, Ü.Hacıbəyli adına BMA-nın elmi-tədqiqat laboratoriyasının baş elmi işçisi Ramiz Quliyevin İran İslam Respublikası Milli Alətlər Orkestrinin bədii rəhbəri Əli Əkbər Qurbaninin təşəbbüsü ilə görkəmli bəstəkarımız Vasif Adıgözəlovun “Layla” mahnısına onlayn rejimdə beynəlxalq layihə kimi gözəl bir klip çəkilmişdir. Əslində Ramiz Quliyevin Avropa ölkələrində və Amerikada bir necə aparıcı simfonik orkestrləri ilə istər konsertləri, istər beynəlxalq simpozium ve festivallar çərçivəsində saysız çıxışları olub. Elə həmin - İranın Milli Alətlər Orkestri ilə də bir neçə il əvvəl “Fəcr” festivalında birgə ifaları baş tutmuşdur. Lakin indiki çıxışlarının tam fərqli, virtual formatda çəkilməsi müasir çağırışlara tam cavab verir.
Həmin mahnı kiçik həcmli olsa da burada bəstəkarın fikir aydınlığı görünür, eyni zamanda xarakterində etnomusiqimizə aid laylayların intonasiyası aydın eşidilir. “Laylay” mahnısını bir çox musiqiçilərimiz ifa ediblər, hətta onun bəstəkar Pikə Axundova tərəfindən kamera orkestri üçün işləməsi də mövcuddur. Ramiz müəllimin İran musiqiçilərinin müşayiəti ilə onu birgə səsləndirməsi tamamilə yeni təəssürat yaratdı, bunun da səbəbi, təbii ki, Ramiz Quliyevin fövqəladə sənət istedadına sahib olmasıdır. Müxtəlif Şərq çalğı alətlərində ifa edən (onlar içərisində kamança, İran tarı, sitar, ud, nağara və.s) musiqiçilərin hamısı elə bil möhtəşəm musiqi və ifanın seyrinə düşmüşdülər. Ramiz Quliyevin əsil klassik ifa üslubunda sevimli tarını bağrına basıb yanıqlı çalaraq, barmaqlarının vurduğu xallarla, həzin melodiyanın axıcılığı ilə xəyalən bizi işğal altında olan Şuşaya, Çıdır düzünə apardı.
Əslən Qarabağlı olan Ramiz Quliyevin ifasında doğma torpağları üçün həsrəti hiss olunurdu və sanki o, düşmənlərimizə ismarıc göndərirdi: nə qədər ki, Azərbaycan xalqı və onun sözünü dünyaya çatdıran elm və mədəniyyət xadimləri varsa, heç vaxt musiqi mədəniyyətimizin “beşiyi” olan Şuşa şəhəri düşmənlərimizin olmayacaq!
Qeyd etmək lazımdır ki, Ramiz Quliyevin müasir tar ifaçılığının təbliğində, tətbiqində və inkişafında misilsiz xidmətləri vardır. O həm görkəmli tarzən, həm də musiqişünas-alim kimi tar aləti ilə bağlı yaranan bütün problemlərə olduqca həssas yanaşır. Buna sübut kimi, onun Mədəniyyət Naziriliyinin təşkil etdiyi ümumrespublika seminarlarında və regionlarda təşkil olunan ustad dərslərində gənc müəllim və tarzənlərə verdiyi vacib tövsiyyələrini və məsləhətlərini göstərmək olar. Bəlkə də, Ramiz Quliyevin böyük əməyi bahasına yetişdirdiyi neçə nəsil tar ifaçıları və ustadımızın baş tutmuş saysız xarici konsertlərindəki mükəmməl çıxışları sayəsində bu gün xalqımızın “şah” aləti sayılan tarın məhz Azərbaycan incəsənətinə məxsus olması heç kimdə şübhə doğurmur.
Yeni cəkilmiş klipin bu günlərdə televiziya kanallarinda nümayişi başlanacaq. Biz isə öz növbəmizdə ustad sənətkara möhkəm can sağlığı və bundan da yüksək nailiyyətlər arzulayırıq.

Nuridə İsmayilzadə
Ü.Hacıbəyli adına BMA-nın
elmi-tədqiqat laboratoriyasının müdiri,
sənətşünaslıq üzrə fəlsəfə doktoru, dosent

Sosial şəbəkələrdə paylaş:
Gülağa Tənha Sən varsan gecəm də gündüz kimidir...10:59, 26 yanvar 2021
Gülağa Tənha Mövsümün nəbzi...10:53, 25 yanvar 2021
Gülağa Tənha “Unutma ki sənin burada Şəfiqə adlı anan var!”10:50, 24 yanvar 2021
Gülağa Tənha Şəfiqə Axundovanın 80 illik yubileyindən xatirə10:31, 23 yanvar 2021
Gülağa Tənhaya şeir həsr etdilər10:25, 22 yanvar 2021
Gülağa Tənha xeyriyyəçilik etməyinin səbəbi məlum oldu10:19, 21 yanvar 2021
Gülağa Tənha Keçmişi unutmaq olmaz!12:35, 19 yanvar 2021
Gülağa Tənha "Cavab beş" müsahibəsi13:21, 18 yanvar 2021
“ASAN xidmət”dən Qələbəni bizə yaşadanlar üçün xüsusi xidmət 22:25, 17 yanvar 2021
BDU-nun jurnalistika fakültəsinin tələbəsi Əsgər İsmayılov yazır: Xatirimizdə "Yaddaş muzeyi" olaraq yaşayacaq şəkil... 22:11, 17 yanvar 2021
Hərbi əməliyyatlar zamanı xəsarət almış hərbi qulluqçuların tibbi-sosial ekspertizasının operativ, keyfiyyətlə və mərkəzləşmiş şəkildə aparılması üçün komissiya yaradıldı 21:53, 17 yanvar 2021
Vaksinasiyadan imtina edənləri hansı cəza gözləyir? - TƏBİB-dən AÇIQLAMA 19:55, 17 yanvar 2021
Azərbaycanda xüsusi karantin rejimi BU TARİXƏDƏK uzadıldı 19:51, 17 yanvar 2021
Məktəblərlə bağlı VACİB AÇIQLAMA 19:30, 17 yanvar 2021
Karantin rejimilə bağlı NƏ DƏYİŞDİ? - İZAH 19:24, 17 yanvar 2021
Azərbaycan təsəvvür edə bilməyəcəyimiz bir mövqeyə sahib oldu - Deputat 18:31, 17 yanvar 2021
Deputat Azay Guliyev: Prezident İlham Əliyevin islam və xristian dünyasına Şuşadan verdiyi mesaj barədə yazıb 18:13, 17 yanvar 2021
Gülağa Tənha Qərar qəbul etmə prinsipi və...14:30, 17 yanvar 2021
Səhiyyə Nazirliyi: Vaksin təhlükəsizdir 20:12, 16 yanvar 2021
Gürcüstanda iki nəfəri girov götürən keçmiş polis əməkdaşı saxlanılıb 20:07, 16 yanvar 2021
 

Bütün hüquqlar qorunur © 2021

Haqqıımızda | Saytda reklam | Bizimlə əlaqə