Təqvim
GÜLAĞA QƏNBƏROV (TƏNHA): "DAVAM EDƏCƏK İSLAHATLARA MANE OLANLARA YERLƏRİNİ GÖSTƏRƏCƏYİK!"
23 dekabr 2019 - 23:38


      "Prezident İlham Əliyev cənablarının bəyan edib, həyata keçirdiyi möhtəşəm kurs çərçivəsində start götürən yeni islahatlar dalğasının xoş təsirli ab-havasında yaşayan Azərbaycan, yenə, beynəlxalq aləmin diqqətini özünə cəlb edir. Müstəqil Azərbaycan dövlətinin müasirləşdirilməsi üçün, onun bütün sahələrdəki inkişafının davamını qlobal dünyanın çağırışlarına uyğunlaşdırıb, yeni trendlər əsasında daha zəngin etməyə hesablanan ölkə rəhbərinin yeni islahatları xarici ölkələrin mütəxəssisləri və ekspertləri tərəfindən yüksək dəyərləndirilir.  
Prezident İlham Əliyevin son günlər həyata keçirdiyi islahatlar, dünya dövlətlərinin ictimai-siyasi həyatında fəallıqları ilə seçilən, bu dövlətlərin elmi-mədəni elitalarına daxil olmağı bacaran, ziyalı iş adamları, müxtəlif sənət və peşə sahibi, ictimai-siyasi xadim kimi tanınan və nüfuz sahibi olan soydaşlarımızın da ürəyincədir", -- bu sözləri, bir sıra xarici ölkələrdə iş adamı kimi tanınan, adı dünyanın zənginləri sırasında yer alan milyonçu həmyerlimiz Gülağa Tənha (Qənbərov) CANVƏTƏN.AZ-ın əməkdaşı ilə söhbətində xüsusi vurğulayıb. Xeyriyyəçi və şair kimi də yaxşı tanıdığımız soydaşımız bildirib ki, prezident İlham Əliyevin son zamanlar keçirdiyi iqtisadi müşavirələrdə bir sıra mühüm məqamlara toxunması, faktiki olaraq, yeni islahatlar dalğasının anonsu idi: "İslahatların davam etdirilməsi yolunda çox güclü siyasi iradə ortaya qoyan möhtərəm Prezident həmin müşavirələrdə qətiyyətlə bildirdi ki, o, Azərbaycanı müasir, sürətlə inkişaf edən, şəffaflığı öz siyasətində bayrağa çevirən ölkə kimi görmək istəyir. Heç kim görülən işlərdə onlara mane ola bilməz”.
      Yerli və xarici rəy sorğuları göstərir ki, seçicilərin yerli məmurlardan müəyyən narazılığı olsa da, ölkə rəhbərinin reytinqi və ictimai rəydə nüfuzu çox yüksəkdir. Onun çıxışlarında deyilməyən, lakin konkret hədəfləri olan nüansların mövcudluğu da, vacib problemlərin təcili həllini tələb edir. Bürokratik aparatdakı müəyyən çatışmazlıqların aradan qaldırılması, kadr islahatlarının səmərəli aparılması, idarəetmənin daha da çevikləşdirilməsi, Dağlıq Qarabağ probleminin həlli yolunda müsbət irəliləyişə nail olunması deməkdir. Məhz bu problemlərin həllini ictimaiyyət səbirsizliklə ölkə başçısından gözləyir. Rəy sorğuları göstərir ki, möhtərəm Prezident bütün seçkilərdə qalib gəlmək iqtidarındadır, həmçinin, bu islahatları keçirmək üçün güclü xalq dəstəyinə malikdir. Bölgədə cərəyan edən siyasi proseslər fonunda onun fəaliyyətindəki uğurlar, dövlətçiliyin qorunmasında başlıca qarantı kimi yüksək qiymətini alıb. Bunu hər bir seçici belə dərk edir və islahatlara dəstək verən ictimai rəylərdə də, deyilənlər xüsusi vurğulanır. Bunlar, möhtərəm Prezidentin müsbət mövqeyini xarici ölkələrdəki soydaşlarımız arasında getdikcə daha da möhkəmləndirir. Məhz buna görə, bütün həmyerlilərimiz dövlətin, cəmiyyətin və hakimiyyətin qorunmasına dəstək verdiyini açıq şəkildə bəyan edirlər".
       Gülağa Tənhanın sözlərindən məlum olur ki, cəmiyyətdə qarşılıqlı anlaşmanı, islahatları daha da dərinləşdirmək üçün, ictimai rəydən alınan dəstəyi getdikcə artıran yeni kadr islahatları ölkəmizdən kənarda fəaliyyət göstərən və yüksək nüfuz sahibi olan həmyerlilərimizin, onların təmsil olunduqları diaspor qurumlarımızın da ürəyincədir. Ölkə başçısının apardığı islahatlara maneə yaratmaq üçün ortaya atılan xarici qüvvələrin destruktiv hərəkətləri, uğursuz olur. Həmsöhbətimizin dediyinə görə, Azərbaycanın inkişafını gözü götürməyən qüvvələr ölkə başçısının islahatlar kursunu bu yolla sabotaj etmək, bu iyrənc üsulla ona mane olmaq istəyirlər: "Görünən odur ki, xaricdə fəaliyyət göstərən, doğma Vətəndəki dinamik və dayanıqlı inkişafı istəməyən anti-Azərbaycan mövqeli müəyyən dairələr hələ də mövcuddur. Buna görə də onlar nəzarətlərindəki qara qüvvələrin vasitəsi ilə, aparılan islahatları əngəlləmək istəyirlər”.
Ehtimal olunur ki, onlar hakimiyyət daxilindəki yüksək çinli nankor məmurlarla gizli iş birliyi üçün dil tapa biliblər. Bəzi yüksək çinli məmurlar təkcə öz mənafeləri naminə islahatlara mane olmur, həm də xaricdəki dairələrin təxribatı ilə hərəkət etməyə üstünlük verirlər. Onlar özlərini sığortalamaq üçün, bu və ya digər şəkildə həm ölkədəki radikal qruplarla, həm də xaricdəki dairələrlə əlbir olaraq, bu prosesi ləngitmək istəyirlər.  
      Cənab Prezident son çıxışları zamanı islahatlara mane olan vəzifə sahiblərinin mövcud olduğunu qəti şəkildə bəyan edib, bildirib ki, bu gün iqtidarda olan bu xainlər islahatlara qarşı çıxış edirlər. Bu islahatlar onların şəxsi maraqlarına toxunur və onlar, hər vəchlə hakimiyyətin işinə əngəl törətmək çalışırlar. Bu xainlər slahatlara meylli olan, yeni təfəkkürə malik kadrları qaralamaqdan belə çəkinmirlər. Ölkə rəhbəri bildirib ki, belə vəzifə sahiblərinə qarşı daim barışmaz mövqe nümayiş etdiriləcək, islahatlara mane olanlara "yerləri" göstəriləcək. Cənab İlham Əliyevin dediyi kimi, belə adamlarla bir yolun yolçusu olmaq mümkün deyil, demokratik islahatlar davam edəcək və bu kursa qarşı çıxanlar tezliklə öz postlarını itirməli olacaqlar.
     Sirr deyil ki, xaricdəki bəzi dairələr dolayı yollarla islahatlara mane olan şəxsləri maliyyələşdirirlər. Biz belə nadan fikirli qüvvələrə, yəni, Azərbaycanın inkişafını gözü götürməyən xaricdəki düşmənlərimizə qarşı daim barışmaz mövqedəyik. Harada yaşamasından asılı olmayaraq, doğma Vətənini sevən hər bir kəs belə etməlidir.      Əməkdaşımız bu gün ictimaiyyəti daha çox maraqlandıran məsələlər ətrafında yaranan suallarını da Ğülağa Tənhaya ünvanlayıb. Həmsöhbətimiz "Bu islahatların davamını necə görürsünüz və bu, ölkənin xoş gələcəyi naminə nələr vəd edir?" sualına cavabında bildirib ki, idarəçilikdə işgüzarlıq və bacarıq vacib şərtlərdən biridir: "Proseslərin arxasınca sürünməklə irəliyə doğru hər hansı addım atmaq mümkün deyil. Bundan sonra cavan, müasir təhsilli və dünyagörüşlü, həmçinin, daha çevik kadrlarla işləməyə üstünlük veriləcək. Möhtərəm Prezident cəmiyyətə əvvəlcədən təqdim etdiyi islahatlarda bu prinsipləri əsas götürüb və hər zaman abı-havanın daha da pozitivləşməsi istiqamətində mühüm addımlar atıb. Nəticədə, Azərbaycan dünyanın inkişaf etməkdə olan ölkələri sırasında üçüncü yerə yüksəlib, bütün reytinq sorğularında isə, öncül mövqeləri tutub. Ölkə başçısı imzaladığı bütün sosial proqramlarda müasirləşdirməni əsas götürüb. Əhalinin bütün təbəqələrinin maddi rifahının yaxşılaşmasına xidmət edən sərəncamlar verib, məhkəmə-hüquq islahatlarının keçirilməsi ilə bağlı sənədlər təsdiqləyib, şəhid ailələrini daim nəzarətdə saxlayır, onlarla mütamadi görüşlər keçirir, genişmiqyaslı əfv sərəncamları imzalayıb, yerli və mərkəzi icra strukturlarında önəmli kadr dəyişiklikləri aparıb. Ölkə başcısı dövlət büdcəsinə daha effektiv və peşəkar nəzarət formalaşdırılacaq və ən əsası, şişirdilmiş rəqəmlər təqdim edən dövlət qurumlarına qarşı mübarizə daha da sərtləşdiriləcəyi barədə anonslar verib. Azərbaycanın sağlam qüvvələri ölkədə həyata keçiriləcək islahatları dəstəkləyir, bunun ardıcıl və davamlı olmasını vacib sayır.     Dövlət başçısı nəinki ölkə daxilində, ölkədən kənarda da Azərbaycanın milli maraqlarını yüksək səviyyədə qoruyur. Zənnimcə ki, islahatlara maneə yaratmaq istəyənlər öz niyyətlərinə çata bilməyəcəklər. Onlar prosesdən kənarda qalıb, ciddi şəkildə ifşa olunacaqlar. Cənab prezidentin başladığı yeni kursun müsbət nəticələrini artıq açıq-aydın görürük. Bu kurs ictimai, siyasi, sosial, iqtisadi həyatımızın şəffaflaşdırılmasına hesablanıb, dövlət idarəçilik sisteminin struktur islahatlarından, idarəçilik sisteminin təkmilləşdirilməsindən başlayıb, şübhə doğuran qurumların ləğv olunması, birləşdirilməsi, orada çalışan insanların digər lazım olan sahələrə yerləşdirilməsi həyata keçirilib. İqtisadi islahatların konturları elan olunub. Dövlət büdcəsindən tutmuş xidmət sahələrinə, vergi yığımından tutmuş sahibkarlıq sahəsinə qədər həm struktur, həm dövlət idarəçilik sisteminin, o cümlədən sahibkarlıq fəaliyyətinin təkmilləşdirilməsi həyata keçirilib.
        Cənab Prezident müşavirələrdəki çıxışlarında açıq bəyan edib ki, islahatlar davam edəcək və islahatlara mane olanlara "yerlərini" göstərəcək. Bir sözlə, ölkə başçısının dediyi kimi: "...kim buna qarşı çıxsa və altdan-altdan bizim işimizə mane olmaq istəsə, əlbəttə ki, belə adamlarla biz bir yolun yolçusu ola bilmərik”. Mən, bir iqtisadçı kimi, tam əminəm ki, həyata keçirilən islahatlar bundan sonrakı dövrdə vətəndaş həyatını tamamilə problemlərdən qurtaracaq.
    Gülağa Tənha fürsətdən istifadə edib, cənab Prezidenti ad günü münasibəti ilə ürəkdən təbrik edib. Ölkə başçısı postunda Ulu Öndərin kursunu layiqincə davam etdirməkdə ona uğurlar diləyib. Şair, cənab Prezidentə həsr etdiyi şeirinə bəstələnmiş mahnını-klipi, ad günü münasibətilə ona ərmağan etdiyini bildirib.

Sosial şəbəkələrdə paylaş:
Kateqoriya:
XARİCİ ƏLAQƏLƏR
Dünyanın koronavirus tablosu: durum qorxuncdur…20:42, 31 mart 2020
Əlahiddə Ümumqoşun Ordunun dağlıq şəraitdə yerləşən bölmələrində möhkəm müdafiə potensialı yaradılıb - VİDEO20:38, 31 mart 2020
Lənkəranın İcra başçısı karantin rejiminin tələblərinin icrası vəziyyəti ilə tanış olub 17:52, 31 mart 2020
1918-ci il azərbaycanlıların soyqırımı. Bakıda mart qırğınları 17:49, 31 mart 2020
Uşağın koronavirus olub-olmamasını analar ayırd edə bilməzlər - Baş pediatr15:06, 31 mart 2020
Hərbi Dəniz Qüvvələrində taktiki təlim keçirilib - VİDEO14:47, 31 mart 2020
Spirt koronavirusdan qoruyurmu? - Ən düzgün cavab14:41, 31 mart 2020
Sumqayıt şəhərinə giriş-çıxış bağlanıb? - AÇIQLAMA13:12, 31 mart 2020
Torpaq mülkiyyətçilərinə fermer kartlarının səyyari paylanması təşkil edilmişdir 18:49, 30 mart 2020
Bakıda sərnişinlər avtobuslardakı dezinfeksiya dispenserlərini sındırırlar 18:46, 30 mart 2020
Bakıda başı telefona qarışan taksi sürücüsü yaşlı qadını belə vurdu - VİDEO18:21, 30 mart 2020
Gülağa Tənha Ruhunuz dincəlsin18:18, 30 mart 2020
Lənkəran Teatrı Koronavirusla Mübarizəyə Dəstək Fonduna vəsait köçürüb 12:29, 30 mart 2020
Dezinfeksiya işləri üçün heç bir vəsait tələb edilə bilməz 12:27, 30 mart 2020
“ASAN Məktub” vasitəsilə 65 yaşdan yuxarı tənha şəxslərin zəruri ehtiyacları qarşılanır 12:25, 30 mart 2020
Koronavirusa yoluxan azərbaycanlı xanım: “Ciddiyə alın, xəstəliyi olmayan gəncləri də öldürür”12:22, 30 mart 2020
35 günlük körpə koronavirusa yoluxdu 18:50, 29 mart 2020
İtaliyada koronavirusdan 46 həkim öldü 18:47, 29 mart 2020
Çin Azərbaycana koronavirusla mübarizə üçün yardım təklif etdi 18:43, 29 mart 2020
Vergilərin ödənilməsi müddəti artırılıb 18:36, 29 mart 2020
 

Bütün hüquqlar qorunur © 2020

Haqqıımızda | Saytda reklam | Bizimlə əlaqə