Təqvim
“Xalça diyarına səyahət” festivalı başa çatıb (+FOTOLAR)
12 dekabr 2019 - 16:21

Canveten.az xəbər verir ki, Azərbaycan Milli Xalça Muzeyinin Uşaq şöbəsinin 10 illik yubileyinə həsr olunmuş sevinc, əyləncə, həyəcan dolu ikigünlük “Xalça diyarına səyahət” festivalı dünənbaşa çatıb.

Festivalı muzeyin direktoru, Əməkdar mədəniyyət işçisi Şirin Məlikova açaraq ilk dəfə məhz bu muzeydə Uşaq şöbəsinin yaradıldığını və ötən müddət ərzində tədris sahəsində fəaliyyətini inkişaf etdirdiyini vurğulayıb: “Məqsədimiz uşaqları milli dəyərlərimizlə, irsimizlə, mədəniyyətimizlə daha yaxından tanış etmək olub. Və bu istəyimizə nail olmaq üçün gördüyümüz işlər artıq öz bəhrəsini verir”. Şirin xanım muzeyin uşaqların sevimli məkanına çevrilməsindən, Uşaq şöbəsinə üz tutan balaca dostların ilbəil artmasından məmnunluğunu diqqətə çatdırıb. Tədbirin Yeni il ərəfəsində keçirilməsinin uşaqların sevincini daha da artırdığını deyib.

300 nəfərdən artıq uşağın qatıldığı festivalın açılış mərasimində 3 nömrəli Uşaq - Gənclər İnkişaf Mərkəzinin rəqs qrupu, Üzeyir Hacıbəylinin Ev Muzeyinin nəzdində “Nur” uşaq xor studiyasının kollektivi, “Çiçəyim” uşaq teatrının üzvləri, “Azəri inciləri” rəqs kollektivi çıxış edib. Tədbir iştirakçıları tərəfindən böyük maraqla qarşılanan bu ifalardan sonra muzeyin Uşaq şöbəsinin dərnək üzvlərinin rəsm və xalçaçılıq üzrə bir-birindən gözəl əl işlərindən ibarət sərgi açılıb.

Tədbirdə Misirin Azərbaycandakı səfirliyinin əməkdaşı Kəmalə İsgəndərova uşaqlara əsrarəngiz Misir nağılları oxuyub. Balaca dostlar suvenir xalça, qar adamı yumşaq oyuncağı, yeni il açıqcası və s. hazırlanması, şəddə toxunması üzrə ustad dərslərə qatılıb, öz bacarıq və qabiliyyətlərini nümayiş etdiriblər. Onlar üçün əyləncəli viktorina, maraqlı kvest oyunu keçirilib, “Məlikməmmədin nağılı”,“Şəngülüm, Şüngülüm, Məngülüm” kukla tamaşaları və “Xalçaların bəhsi” tamaşası göstərilib.

Festival çərçivəsində uşaqlar üçün yazılmış “Azərbaycanın sehirli abidələri” kitabının müəllifi, memar Elçin Əliyevlə,“Çimərlikdə” uşaq kitabının müəllifi Lalə Məlik və nəşrin illüstrasiyalarının müəllifi İrina Eldarova ilə görüş imkanı qazanan tədbir iştirakçıları kitab və digər hədiyyələr əldə ediblər.OnlarGürcüstan Milli Qeştalt İnstitutunun mütəxəssisi Zaira Nadiraşvilinin art-terapiya, “Nur” uşaq xor studiyasının bədii rəhbəri, xor dirijoru Mələk Vəlizadəninmusiqi terapiyası təlimlərinə də qatılıblar və bu görüşlərdən böyük zövq aldıqlarını bildiriblər.

Bunlarla yanaşı, festivalın ikinci günü iştirakçılar möhtəşəm karnaval həyəcanı yaşayıb. Bakıda fəaliyyət göstərən Rus Mədəniyyət Mərkəzinin uşaq rəqs kollektivinin çıxışı, karnavala qatılanlar arasından ən yaxşı geyim - “Miss&Mister” nominasiyası üzrə qaliblərin seçilməsi, onlara hədiyyələrin təqdim olunması, Transformers Bumblebee şou balaca dostların böyük sevinci və coşqusuna səbəb olub.

Festivalda həmçinin Azərsun Holdinq şirkəti uşaqlara hədiyyələr təqdim etdi. Misir, İran, Macarıstanın Azərbaycandakı səfirliklərinin, Monteneqronun ölkəmizdəki konsulluğunun əməkdaşları, “Gülsam” Əlillərin Reabilitasiya İctimai Birliyi və muzeyin Uşaq şöbəsi tərəfindən xeyriyyə satış-yarmarkası təşkil olunub. Qeyd edək ki, satış-yarmarkasından əldə olunan gəlir xəstəlikdən əziyyət çəkən uşaqların müalicəsinə xərclənəcək.

Bir sözlə, Azərbaycan Respublikası Mədəniyyət Nazirliyi, Azərbaycan Milli Xalça Muzeyinin təşkilatçılığı ilə baş tutan tədbir rəngarəng, zəngin proqramı ilə uşaqlara xəyallarından silinməyəcək festival həyəcanı yaşadıb, eyni zamanda, onlara yeni-yeni dostlar qazandırıb.

 

Sosial şəbəkələrdə paylaş:
ZİYA MƏMMƏDOVUN DÜKAN QALMAQALI QAZİLƏRİ AYAĞA QALDIRDI - VİDEO17:34, 28 mart 2020
Britaniya kraliçası da koronaya yoluxdu17:29, 28 mart 2020
Şura 56 layihəni korona ilə mübarizəyə dəyişdi – Müraciət17:26, 28 mart 2020
Gülağa Tənha Özündən sonra gələn nəsil üçün...17:21, 28 mart 2020
“Könüllü DOST”lardan tənha yaşlılara əsl dost dəstəyi 12:13, 28 mart 2020
“BakuBus” avtobuslarında yeni qaydaların tətbiqinə başlanılıb 12:10, 28 mart 2020
Bakıda küçəyə çıxma qadağası... - DİN-dən cavab12:07, 28 mart 2020
Əlahiddə Ümumqoşun Orduda praktiki atışlar keçirilib - VİDEO12:03, 28 mart 2020
Gülağa Tənha İşıq gələn tərəfə...23:52, 27 mart 2020
Azərbaycanda dəhşətli faciə: 4 yaşlı uşaq avtomobildə yanaraq öldü 18:33, 27 mart 2020
Ağcabədidə ahıl və tənha sakinlər qayğı ilə əhatə olunub 18:29, 27 mart 2020
Milli Məclisdə informasiya mübadiləsi internet üzərindən uğurla davam etdirilir 18:25, 27 mart 2020
Muxtar respublikada dezinfeksiya işləri davam etdirilir 18:23, 27 mart 2020
Gənclər Fondunun fəaliyyəti ilə bağlı məlumatlar 12:38, 27 mart 2020
Dahilərin xəstəliyi - epilepsiya... 12:34, 27 mart 2020
Azərbaycan İstiqlal Muzeyi Koronavirusla Mübarizəyə Dəstək Fonduna vəsait köçürüb.12:31, 27 mart 2020
“AzRusTrans” QSC Koronavirusla Mübarizəyə Dəstək Fonduna vəsait ayırdı 12:28, 27 mart 2020
Tənha yaşlılara göstərilən sosial xidmətlərə dəstək olan qurumların sırası genişlənir 19:26, 26 mart 2020
Gülağa Tənha Tövsiyə!19:18, 26 mart 2020
Koronavirusdan ən çox ziyan çəkən 12 sahə... - Nazir açıqladı19:13, 26 mart 2020
 

Bütün hüquqlar qorunur © 2020

Haqqıımızda | Saytda reklam | Bizimlə əlaqə