Gənclər və İdman nazirinin müavini İntiqam Babayev: “...Bu cür müsabiqələr Azərbaycanın mədəni irsinin gənclərimiz tərəfindən qorunması, təbliğ olunması və inkişaf etdirilməsi məqsədilə təşkil olunur. Eyni zamanda, işğal altındakı torpaqlarımızın hər küçəsinin, hər məhəlləsinin unudulmaması, gənclərin yaddaşına həkk olunması da belə tədbirlərin əsas məqsədlərindəndir. Əminəm ki, Prezident İlham Əliyevin rəhbərliyi ilə uğurla həyata keçirilən siyasət nəticəsində tezliklə doğma torpaqlarımıza qayıdacağıq”.

Canveten.az xəbər verir ki, bu gün Müslüm Maqomayev adına Azərbaycan Dövlət Akademik Filarmoniyasında qaçqın və məcburi köçkün gənclərin V yaradıcılıq festival-müsabiqəsinin qaliblərinin mükafatlandırılması mərasimi və qala-konserti keçirilib.