Canveten.az xəbər verir ki, Özbəkistan-Azərbaycan Dostluq Cəmiyyəti, Özbəkistandakı Heydər Əliyev adına Azərbaycan Mədəniyyət Mərkəzinin və Özbəkistanın “Art Media” şirkətinin   layihəsi ilə keçirilən konsert proqramında anşlaq olub.

İlk öncə Sarayda  Özbək gənc musiqiçilərinin iştirakı ilə Özbəkistandakı Heydər Əliyev adına Azərbaycan Mədəniyyət Mərkəzinin layihəsi ilə hazırlanmış “Sizə salam gətirmişəm” adlı musiqi klipi nümayiş etdirilib.

Türk dünyasının zəngin sənət, mədəniyyət, incəsənət beşiyi olan, Şərqin təkrarsız ənənələrini özündə yaşadan qardaş Özbəkistanın tanınmış sənətçiləri konsert proqramında çıxış ediblər.

“Özbəkistandan sevgilərlə” adlı konsert proqramında Özbək musiqisinin dünya şöhrətli ulduzları, Özbəkistan Respublikasının Əməkdar Artistləri, Nixol Dövlət Mükafatı laureatları Uluqbek Raxmatullay və Yulduz Turdiyeva xalq və estrada musiqilərini ifa edərək Azərbaycan tamaşaçılarına gözəl zövq yaşadıblar.

Konsert proqramımda Azərbaycandan da tanınmış müğənnilər fəxri qonaqlar kimi çıxış etmiş və onlar birgə duetlər ifa etmişlər.

Azərbaycan Respublikasının xalq artisti, tanınmış muğam ustası  Mansum İbrahimov müğənni Yulduz Turdiyeva ilə birgə duetlər ifa etmiş, Uluqbek Raxmatullayev isə və Azərbaycanlı meyxanaçı Tərlan Novxanı ilə birgə musiqilər səsləndiriblər.

Özbəkistandakı Heydər Əliyev adına Azərbaycan Mədəniyyət Mərkəzinin direktoru Samir Abbasov dəfələrlə Azərbaycan musiqiçilərinin Özbəkistan səhnəsində konsert proqramlarının təşkil edildiyini, lakin Özbək sənətçilərinin Azərbaycanın ali səhnəsində birinci dəfə olaraq çıxış etdiyini söyləyib. Musiqi xalqları yaxınlaşdırır, birləşdirir, doğmalaşdırır, onların qarşılıqlı anlaşmasını təmin edən universal bir dil olduğunu söyləyən diplomat tədbirə marağın böyük olduğunu vurğulayıb və layihəyə dəstək göstərən şirkətlərə öz təşəkkürünü bildirib.

Qeyd edək ki, layihəyə Özbəkistandakı Azərbaycan Səfirliyi, Azərbaycan Hava Yolları Şirkəti, Azərbaycan Respublikası Sahibkarlar təşkilatı milli Konfederasiyası, Azərbaycanda “Okuklu İnşaat” Şirkəti, Azərbaycanın “Xəzər” Televiziyası və “Muz TV” xüsusi dəstək göstəriblər.