Təqvim
“Sərhədsiz muzey” (+FOTOLAR)
15 noyabr 2019 - 01:16

Canveten.az xəbər verir ki, dünən Azərbaycan Milli Xalça Muzeyinin fiziki imkanları məhdud şəxslərə uyğunlaşdırılmış ikinci mərtəbəsinin açılış mərasimi keçirilib. 13 noyabr - Beynəlxalq Gözdən Əlillər Günü ilə əlaqədar təşkil olunan tədbiri giriş nitqi ilə muzeyin direktoru Şirin Məlikovaaçıb. O, ölkəmizin ilk inklüziv muzeyi olan Azərbaycan Milli Xalça Muzeyində artıq görmə qabiliyyəti məhdud insanlar üçün eksponatlar barədə mətnlərin ikinci mərtəbədə də Brayl əlifbası ilə təqdim olunduğunu diqqətə çatdırıb. Həmçinin burada xovlu və xovsuz texnologiyanın birlikdə tətbiqi ilə üzərində həndəsi və nəbati elementlər, zoomorf və antropomorf təsvirlər olan kiçik ölçülü xalça nümunələrinin nümayiş etdirildiyini bildirib.Şirin xanım bu nümunələrin muzeyin Ənənəvi texnologiya şöbəsinin toxucuları tərəfindən 9 ay müddətində hazırlandığını deyib. Görmə qabiliyyəti məhdud insanlarınhəmin xalça növlərinin toxunuş müxtəlifliyini taktil (toxunma) üsulla duya bildiklərini vurğulayıb.

Direktor onu da qeyd edib ki, muzeyin birinci mərtəbəsində təqdim edilən eksponatlarla 2019-cu ilin əvvəlindən taktil üsulla, həmçinin Azərbaycan və ingilis dillərində xüsusi audioyazı və Brayl şrifti ilə hazırlanan yazılı materiallar vasitəsilə tanış olmaq mümkündür: “Eyni zamanda, həmin dövrdən etibarən muzeyin Ənənəvi texnologiya və Uşaq şöbələrinin əməkdaşları xüsusi qayğıya ehtiyacı olan şəxslər üçün ustad dərsləri keçirlər. Muzeyimizdə əlil arabalarının ekspozisiyada maneəsiz hərəkəti üçün də lazımi şərait var”.

AçılışdaMədəniyyət NazirliyiMuzeyişi və mədəni sərvətlərə nəzarət şöbəsinin Muzeylərlə işsektorunun müdiri Nərgiz Abdullayeva, Azərbaycan Gözdən Əlillər Cəmiyyətinin sədr müavini Reyhan Cəfərova, Dövlət Ermitaj Muzeyinin Qiymətli metalların bərpası laboratoriyasının rəhbəri Malkiel İqor Karloviç də çıxış edərək tədbirin əhəmiyyətindən söz açıblar.

Sektor müdiri Nərgiz Abdullayeva Mədəniyyət Nazirliyi və Azərbaycan Milli Xalça Muzeyinin təşkilatçılığı ilə keçirilən tədbirin fiziki məhdudiyyətli insanların ictimai-mədəni mühitdə bərabərliyinin təmin olunması, onlara psixoloji və mənəvi dəstək məqsədi daşıdığını bildirib. Nərgiz xanım xüsusi qayğıya ehtiyacı olan insanların daim dövlətimizin diqqət və qayğısı ilə əhatə olunduğunu, onların mütəmadi şəkildə sosial müdafiəsinin daha da gücləndirilməsi istiqamətində məqsədyönlü, sistemli, kifayət qədər geniş, əhatəli layihə və proqramlar həyata keçirildiyini vurğulayıb. O, cəmiyyətin ən həssas təbəqəsini nəzərə alaraq, həyata keçirilən bu layihəni isə Azərbaycan Milli Xalça Muzeyinin növbəti uğuru kimi dəyərləndirib. Gələcəkdə ölkəmizdə fəaliyyət göstərən digər muzeylərin də bu təcrübədən yararlanmasınınönəmini diqqətə çatdırıb.

Sonra qonaqlar Azərbaycan Milli Xalça Muzeyinin fiziki imkanları məhdud şəxslərə uyğunlaşdırılmış ikinci mərtəbəsi ilə tanış olublar.

Qeyd edək ki, tədbir çərçivəsində Azərbaycan Milli Xalça Muzeyi və “Gülsam” Əlillərin Reabilitasiya İctimai Birliyi birgə xeyriyyə məqsədli sərgi-satış yarmarkası keçirib. Yarmarkada birliyin üzvü olan fiziki məhdudiyyətli insanların əl işləri təqdim olunub.

 

Sosial şəbəkələrdə paylaş:
Kateqoriya:
İQTİSADİYYAT, MUSİQİ
Gülağa Tənha: LALƏNİN QARA XALI18:26, 24 iyun 2022
Ruslar Ukraynanın daha bir şəhərini tamamilə zəbt etdilər 18:23, 24 iyun 2022
Azərbaycan, Ermənistan və Rusiyanın baş prokurorları arasında görüş keçirildi 18:20, 24 iyun 2022
Bayden Azərbaycanla bağlı qərar imzaladı 13:59, 24 iyun 2022
Ermənilər Göyçə gölünü qurudur 13:15, 24 iyun 2022
PKK-nın rəhbər şəxslərindən biri məhv edildi 13:00, 24 iyun 2022
Rəsul Rzanın ev-muzeyi yaradılacaq 15:37, 23 iyun 2022
İlham Əliyev Qırğızıstanla Anlaşma memorandumlarını TƏSDİQLƏDİ 15:34, 23 iyun 2022
91 yaşlı milyarder model arvadından BOŞANIR 15:32, 23 iyun 2022
Gülağa Tənha: XALQIN VƏKİLİ – SƏN12:24, 23 iyun 2022
SEPAH-ın kəşfiyyat xidmətinin rəhbərinə sui-qəsd oldu12:17, 23 iyun 2022
İlham Əliyev Rumıniya nümayəndə heyətini qəbul etdi 12:16, 23 iyun 2022
İlham Əliyevin Özbəkistana səfəri başa çatdı 17:46, 22 iyun 2022
Braziliya gözəli vəfat etdi 17:42, 22 iyun 2022
Şair, aktyor və tənqidşünaslar məclisi: Gülağa Tənha-Nizaməddin Şəmsizadə-İlham Əskərov-Vaqif Yusifli15:12, 22 iyun 2022
Rusiyada hərbi hissədə güclü partlayış baş verdi 15:09, 22 iyun 2022
Rusiyanın S-300 müdafiə sistemləri Belarusa aparıldı 14:54, 22 iyun 2022
Füzulidə şirkət rəsmisini ilan sancdı 14:51, 22 iyun 2022
Bülənt Ərsoyun məzarına lift də quraşdırılacaq 17:55, 21 iyun 2022
FİFA Rusiyaya qadağını uzatdı 17:51, 21 iyun 2022
 

Bütün hüquqlar qorunur © 2022

Haqqıımızda | Saytda reklam | Bizimlə əlaqə