Təqvim
Akademik Musiqili Teatr Təbriz səfərinə hazırlaşır (+FOTOLAR)
20 oktyabr 2019 - 03:33

Canveten.az xəbər verir ki, dekabr ayının 1-dən 7-dək İran İslam Respublikasının Təbriz şəhərində II Alef Beynəlxalq Teatr Festivalı keçiriləcək.


     Dünyanın bir çox nüfuzlu teatrlarının qatılacağı bu festivalda ölkəmizi Azərbaycan Dövlət Akademik Musiqili Teatrı 50 nəfərlik yaradıcı heyəti ilə təmsil edəcək və orada görkəmli bəstəkar, Xalq artistimiz Fərəc Qarayevin və fransız yazıçısı Samuel Bekketin “Qodonun intizarında” tamaşasını nümayiş etdirəcək. Həmçinin festivalın bağlanış mərasimində dirijor, Əməkdar incəsənət xadimi Fəxrəddin Atayevin müşayiəti ilə teatrın simfonik orkestri geniş konsert proqramı ilə çıxış edəcək.


         Bu barədə Akademik Musiqili Teatrın direktoru, Əməkdar incəsənət xadimi, sənətşünaslıq üzrə fəlsəfə doktoru Əliqismət Lalayev mediaya açıqlamasında bildirib.

“Akademik Musiqili Teatr bu yaxınlarda Albaniyanın Elbasan şəhərində keçirilən XXI ənənəvi “Skampa – 2019” Beynəlxalq Müasir Teatr Festivalından uğurla qayıdıb. Elbasan şəhərindəki festivala dünyanın müxtəlif ölkələrindən gələn teatr və incəsənət xadimləri “Qodonunu intizarında” tamaşasını çox yüksək səviyyədə qarşıladılar və hələ də bu barədə xoş sözlər, fikirlər, rəylər söyləməkdədirlər. Türkiyənin tanınmış sənət adamı Tamer Levendlə 21-ci “Skampa” festivalında yaxından tanış olduq. O, tamaşamız haqqında dolğun fikirlər səsləndirdi. Eyni zamanda festivalda iştirak edən Amerikada yaşayan rejissor, aktyor, Karlos Espinal da bu səhnə əsərindən zövq aldığını Akademik Musiqili Teatrın "İnstagram" səhifəsində yazdığı şərhlərdə də vurğuladı və bizə bu gözəl tamaşa üçün minnətdarlığını bildirdi. Əlbəttə, belə sözləri eşitmək bizi çox sevindirir. “Qodonun intizarında” fərqli tamaşadır və bu baxımdan da fəlsəfi duyumu, yüksək intellekti, həyata baxışı fərqli olanlar, reallıqla abstrak dünya arasında sıx əlaqəni, məna çalarlarını tapmağa çalışanlar absurd janrda tamaşanı bəyənə bilirlər… Qeyd edim ki, II Alef Teatr Festivalına bizi bu layihənin direktoru cənab Houman Beignezhad dəvət edib. Tamaşanın quruluşçu rejissoru, əslən İran Respublikasından olan tələbəm, Azərbaycan Dövlət Mədəniyyət və İncəsənət Universitetinin magistr diplomçusu Yunis Vəlipurdur. Əsərdə Estraqon (Qoqo), Vladimir (Didi), Poçço, Lakki, Oğlan obrazlarını Əməkdar artistlər Əzizağa Əzizov, Şövqi Hüseynov, aktyorlar - Əliməmməd Novruzov, Hüseyn Əlili və teatrın on beş yaşlı aktyoru Hüseyn Nağıyev ifa edirlər… Ölkəmizi onun hüdudlarından kənarda layiqincə təmsil etmək, üç rəngli barağımızı bayraqlar arasında görmək özü böyük şərəfdir. Ümidvaram ki, bədii rəhbəri olduğum bu tamaşa Təbrizdə də Albaniyada olduğu kimi böyük əks-səda doğuracaq", - deyə Ə. Lalayev bildirib.

 

 

 

Sosial şəbəkələrdə paylaş:
ZİYA MƏMMƏDOVUN DÜKAN QALMAQALI QAZİLƏRİ AYAĞA QALDIRDI - VİDEO17:34, 28 mart 2020
Britaniya kraliçası da koronaya yoluxdu17:29, 28 mart 2020
Şura 56 layihəni korona ilə mübarizəyə dəyişdi – Müraciət17:26, 28 mart 2020
Gülağa Tənha Özündən sonra gələn nəsil üçün...17:21, 28 mart 2020
“Könüllü DOST”lardan tənha yaşlılara əsl dost dəstəyi 12:13, 28 mart 2020
“BakuBus” avtobuslarında yeni qaydaların tətbiqinə başlanılıb 12:10, 28 mart 2020
Bakıda küçəyə çıxma qadağası... - DİN-dən cavab12:07, 28 mart 2020
Əlahiddə Ümumqoşun Orduda praktiki atışlar keçirilib - VİDEO12:03, 28 mart 2020
Gülağa Tənha İşıq gələn tərəfə...23:52, 27 mart 2020
Azərbaycanda dəhşətli faciə: 4 yaşlı uşaq avtomobildə yanaraq öldü 18:33, 27 mart 2020
Ağcabədidə ahıl və tənha sakinlər qayğı ilə əhatə olunub 18:29, 27 mart 2020
Milli Məclisdə informasiya mübadiləsi internet üzərindən uğurla davam etdirilir 18:25, 27 mart 2020
Muxtar respublikada dezinfeksiya işləri davam etdirilir 18:23, 27 mart 2020
Gənclər Fondunun fəaliyyəti ilə bağlı məlumatlar 12:38, 27 mart 2020
Dahilərin xəstəliyi - epilepsiya... 12:34, 27 mart 2020
Azərbaycan İstiqlal Muzeyi Koronavirusla Mübarizəyə Dəstək Fonduna vəsait köçürüb.12:31, 27 mart 2020
“AzRusTrans” QSC Koronavirusla Mübarizəyə Dəstək Fonduna vəsait ayırdı 12:28, 27 mart 2020
Tənha yaşlılara göstərilən sosial xidmətlərə dəstək olan qurumların sırası genişlənir 19:26, 26 mart 2020
Gülağa Tənha Tövsiyə!19:18, 26 mart 2020
Koronavirusdan ən çox ziyan çəkən 12 sahə... - Nazir açıqladı19:13, 26 mart 2020
 

Bütün hüquqlar qorunur © 2020

Haqqıımızda | Saytda reklam | Bizimlə əlaqə