Canveten.az xəbər verir ki, 23 may 2019-cu il tarixdə 57 saylı tam orta məktəbdə Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyi, Nərimanov Rayon Gənclər və İdman İdarəsinin və “Nurlu Sabah” Gənclərə Qayğı ictimai birliyinin birgə təşkilatçılığı ilə “Yeniyetmələr arasında vətənpərvərlik ideyalarının təbliği” adlı layihənin açılışı və ilk təlimi keçirilib.

Təlimdə Nərimanov Rayon Gənclər və İdman İdarəsinin aparıcı məsləhətçisi, eyni zamanda layihənin təlimçisi Vüsal Ömərov, 57 saylı tam orta məktəbin müəllim heyəti və 50 nəfər yeniyetmə iştirak etmişdir.

Çıxış edən Nərimanov Rayon Gənclər və İdman İdarəsinin aparıcı məsləhətçisi, “Yeniyetmələr arasında vətənpərvərlik ideyalarının təbliğiadlı layihəsinin təlimçisi Vüsal Ömərov layihənin əhəmiyyəti və məqsədi haqqında geniş məlumat verərək bildirdi ki, layihənin məqsədi yeniyetmə və gənclər arasında Azərbaycanın ərazi bütövlüyü və suverenliyi uğrunda şəhid olmuş şəxslərin həyat nümunəsini, döyüş ruhunu, vətən sevgisini, vətənpərvərlik hissini təbliğ etməkdən ibarətdir. Təlimçi qeyd etdi ki, “Azərbaycan Respublikası müstəqillik əldə etdikdən sonra Ermənistan Respublikasının ölkəmizə təcavüzü 20% torpaqlarımızın işğalı ilə nəticələnmişdir. Daha sonra Ulu Öndər Heydər Əliyevin müdrik siyasəti nəticəsində atəşkəs rejiminə nail olunmuşdur. Buna baxmayaraq, Ermənistan təcavüzkar siyasətini davam etdirərək təmas xəttində atəşkəsi tez-tez pozur. Vətənin müdafiəsində olan əsgər və zabitləri bu təcavüzlərə canları bahasına çıxaraq, ölkəmizin suverenliyini təmin edirlər. 2016-cı ildə aprel döyüşlərində də əsgərlərimiz böyük sücayət göstərmişlər. Bununla yanaşı, bir çox igidlik nümunələri bu gün cəmiyyətimizdə geniş yer alır. Bunların sırasında Mübariz İbrahimovu, Samid İmanovu, Çingiz Qurbanovu və digər Milli Qəhramanlarımızı misal çəkmək olar. Qeyd etmək lazımdır ki, Ermənistanın Azərbaycan xalqına qarşı törətdiyi işğalçılıq siyasətinə qarşı ordumuzun vətənpərvər və qəhrəman oğulları mərdlik  nümunəsi göstərərək, şəhidlik zirvəsinə ucaldılmışlar. Bu gün şəhidlərimiz hər bir vətəndaşımız tərəfindən anılır və onların şəhidlik zirvəsi müstəqil dövlətimiz tərəfindən yüksək qiymətləndirilmişdir”.

Sonda təlimçi tərəfindən şagirdləri maraqlandıran suallar cavablandırıldı.

! © Müəllif hüquqları qorunur ! Məlumatdan istifadə etdikdə istinad mütləqdir ! Məlumat internet səhifələrində istifadə edildikdə müvafiq keçidin qoyulması mütləqdir !!!  

ŞƏRHLƏR :

( Sos.şəbəkədə gedən yazışmanin FOTO-ƏKSİ. Məzmun və qramatik səhvlərə görə redaksiya məsuliyyət daşımır )